¹ Inzho ndazanda kumulumba muchizhi munyokwesu mu lushomo Fobi, shi milimo wa chikombelo chaku Senkiliya, ² amukamutambule cha matashi obile mu Mwami. Amukachite bobo munzhila ya bulemu ya kutambula bantu bakwe Leza basalala, amukamuyohwe kufwumbwa buyohwi mbwaayakuzanda kuhwa nkumubele, kaambo kali muyohwi mwini mwini u kwangu alimwi uku bantu banji banji ako. ³ Amubaanzhe ba Pulisila u Akwila mulumi, basebezhima mwa Kilisito Jeso, ⁴ babo bakaaba bumi bwabo u kaambo kangu. Ndabalumba, kutali bulyo ume iche, pele u babo boonse bashikombelo sha bahwamashi. ⁵ Amubaanzhe bantu bakombela mung'anda yabo. Amumwaanzhe mufwunwa wangu Epanitasi, ngu mutaanzhi kusanduka waku Ezha kwa Kilisito. ⁶ Amu mwaanzhe Maliya, wezo wakamusebezela chansana chini chini. ⁷ Amu baanzhe ba Andilonikasi u Juniya, basazhima mbutwakaakwaangilwe abo muntolongo. Balizhibilwe chini chini akati ka batumwa, alimwi kabali kale mwa Kilisito ume nchintana kusanduka. ⁸ Amu mwaanzhe Ampiliyatasi, mufwunwa wangu mu Mwami. ⁹ Amu mwaanzhe Ubanasi, Musebezhinokwesu mwa Kilisito, u Sitakisi, mufwunwa wangu. ¹⁰ Amu mwaanzhe Apelesi, u shanchile mwa Kilisito. Amu baanzhe babo bashing'anda nina yaka Alisitobulasi. ¹¹ Amu mwaanzhe Helodiyoni, musazhima. Amu baanzhe babo bang'anda yaka Nakisasi babo bali mu Mwami. ¹² Amu baanzhe ba Tilifena u Tilifosa, ba shimilimo mu Mwami. Amu mwaanzhe Pesisi nakufwunwa, wezo wakasebeza chansana mu Mwami. ¹³ Amu mwaanzhe Lufasi, musale mu Mwami, alimwi u bayina antoomwi ame. ¹⁴ Amu baanzhe ba Asinkilitasi, Filegoni, Hemesi, Patulobasi, Hemasi, alimwi u bakwesu babo mbubali abo. ¹⁵ Amu baanzhe ba Filologasi u Juliya, Neleyasi u muchizhi wakwe, u Olimpasi, alimwi u bantu bakwe boonse baka Leza basalala babo mbubali abo. ¹⁶ Amwaanzhanye cha lufwuno. Shoonse shikombelo shaka Kilisito shamwaanzha. ¹⁷ Inzho ndamukumbila, nu bakwesu, mu bachenjelele babo baandaanya u kushinkilizha injiisho shesho nshimwakayiishiwa. Ubobo amubatantamuke bali bobo. ¹⁸ Kaambo bantu bali bobo tabasebezeli Mwami wesu Kilisito, pele balasebezela mafwu abo beni. U mazwi abo mabotu a bumpelenge balachenga bantu batana kushima mu lushomo. ¹⁹ Kaambo impuwo yenu ya kuchilila baliiteelele boonse. Ume ndabotelwa, ubobo, aalyuumwe, pele Ume ndazanda kwaamba ati mube basongo mu shintu shesho shibotu, alimwi mutachiti shibiyabi pe. ²⁰ Leza shi luumuno ulakazonauna shaatani kunshi ku matendeenu. Luse lwa Mwami wesu Jeso Kilisito lube amwe. ²¹ Timoti, musebezhima, ula mwaanzha, Lushasi, Jasoni, u Sosipata, bashichima. ²² Ume, ndi Tetiyasi, wezo wakalemba wezu mulumbe, ula mwaanzha mu Mwami. ²³ Ula mwaanzha Gayiyasi, shimeenzu angu, alimwi u chikombelo choonse. Elasitasi, muzobozhi wa mali wa muchishi, ula mwaanzha, u Kotasi munina ula mwaanzha. ^{24 25} Inzho kuli wezo walo ulonzha kumuzumya zumya kwiingayina u mulumbe wangu alimwi u kukambauka kwaka Jeso kilisito, kwiingayina u buzubuluzhi bwa maseseke azo a kaakuzobwelwe kwa chiindi chilafwu ²⁶ pele ninzho a kazubululwa u kuzhibwa kwiita mu bulembe bwa bashinshimi ku mashi woonse, mbuli mbwaakalailila Leza wiina mamanino, kwaamba kube kuchilila u kuteelelwa kwa lushomo-- ²⁷ Leza iche shi busongo, kwiita mwa Jeso Kilisito, akube bulemu kwa lyoonse. Ameni.