¹ Amumutambule wezo walo utana kushima mu lushomo, chakutamubeteka u kukazhanya kuli nshaatelaika. ² Umwi muntu ulikwete lushomo lwa kulya kufwumbwa chintu, umwi walo mulengushi ulalozha kulya bulyo chishu. ³ Wezo walo ulya kufwumbwa chintu atabisha bisha wezo walo utali; alimwi wezo walo utali kufwumbwa chintu atabi naabeteka wezo ulya kufwumbwa chilyo. Kaambo Leza walo wamutambula kale. ⁴ Ndiweni uwe, uwe nubeteka u kupa kaambo ku musebezhi wa muntu umwi? Chili ku shimatwangaakwe mwini ku muunsha naaba ku muzhimika. Pele ulalozha kumuyohwelezha, kaambo Mwami nguukonzha kumuyohwelezha mwini. ⁵ Umwi muntu ulakonzha kubosha bosha kubaazha buzuba bumwi. Umwi ulaamba ati mazuba woonse alikozhene. Muntu woonse ulyeelele kulamwa ku matelaishi akwe mwini. ⁶ Wezo walo u bamba buzuba, a bubambile Mwami; alimwi wezo ulya, ulalya u kaambo ka Mwami, kaambo ulapa kulumba kwa Leza. Wezo walo utali, ulalikusha ku kulya ku Mwami; aze ulapa kulumba kwa Leza. ⁷ Kaambo kwiina uliponena mwini, alimwi kwiina ufwa lwakwe mwini. ⁸ Kaambo naakuti tulapona, tulaponena mu Mwami, alimwi twafwa, tulafwa u kaambo ka Mwami. Ubobo nikuba kwaamba ati twapona na kufwa, tuli bakwe Mwami. ⁹ U kaambo kako Kilisito wakafwa u kupona alimwi, kwaamba ati abe Mwami wa bafwu alimwi u babo bapona. ¹⁰ No ndiweni uwe, nuubeteka munyoko? Aze uwe, kaambooyi nuubisha bisha munyoko? Kaambo toonse tulakazhima ku chuuna cha lubeta chaka Leza. ¹¹ Kaambo kulilembelwe ati, 'Bolya mbu nchipona," mbwaamba Mwami, "mahwi woonse alakafwukama, alimwi yoonse milaka ila kaamba meni meni kwa Leza." ¹² Ubobo, umwi uumwi wesu ulaka lyaambilila lwakwe mwini kwa Leza. ¹³ Nkukuti tutalibeteki linji tubeni ubeni, pele atuchite bolya, kutabi ufwumpuzha nikuba kuteya kooze ku munina. ¹⁴ Ume ndizhi mbwinkwatisha mu Mwami Jeso kwaamba ati kwiina chitasalali lwa nchicho chini. Chita bulyo walo wezo u bika kufwumbwa chintu kuba chitasalali, u kwakwe wezo ati tachisalali. ¹⁵ Naakuti u kaambo ka chakulya chilabishizha munyoko, ati tucheenda linji munzhila ya lufwuno. Utabi nuubishizha munyoko u kaambo ka chakulya chako kaambo Kilisito wakamufwila aze. ¹⁶ U bobo utabi numulekela checho nchimwaamba ati nchibotu kwaamba chitewe ati ncha bubiyabi. ¹⁷ Kaambo bwami bwaka Leza tabuli bwa chakulya u chakunwa, pele mbwa bululami, mbwa luumuno, alimwi u kubotelwa kuletwa u Moza Usalala. ¹⁸ Kaambo wezo walo usebezela Kilisito munzhila yezhi ulatambulika kwa Leza alimwi ulatambulwa ku bantu. ¹⁹ Ubobo, atukapule shintu sha luumuno alimwi u shintu shesho shizumya zumya umwi umweenzhiina. ²⁰ Mutazonauni mulimo waka Leza u kaambo ka chakulya. Shoonse shintu shilasalala, pele nchibiyabi ku muntu kulya chintu checho chipa umwi kulifwumpula. ²¹ Chilabota kutalya buzani, naaba kunwa waini, naaba kuchita chimwi chipa munyoko kulifwumpula. ²² Lushomo lolo ndumukwete, ka mulukwete umwe nubeni alimwi u Leza. Mulongezhe wezo walo utalibisha lwakwe mwini kuli nchaahwumina. ²³ Wezo walo u kazha ulalibisha mwini a chilya, kaambo chiina kuhwa mu lushomo. Alimwi kufwumbwa chatahwa kwiita mu lushomo ati nchibi.