¹ Inzho Yaahwe wakamwaambila Mozesi ati, "Koya kwa Falawo u kamwaambile ati, 'Yaahwe, Leza waba Hebulu, ulaamba ati: " Baleke bantu bangu baakuya kwaamba ati bakampayile." ² Pele naakuti wabakasha kwaamba baakuya, waakuchibakasha, ³ ati insana shaka Yaahwe shilaleta mwiika mubiyabi a shifwiiwa shako shesho shili mu myuunda---ku matanga manga a mahosi, ma donki, inkamela. ⁴ Pele Yaahwe u lakaandaanya shifwiiwa shaba Izilaili kuhwa kushifwiiwa shaba bantu ba Ijipiti, kwaamba ati kwiina munyama wabo bantu ba Izilaili uuya kufwa. ⁵ Yaahwe wakabika chiindi; checho nchaakaamba, "Ati ndi zona ninkaachita bobo munshi yezhi.''''' ⁶ Yaahwe wakachita bobo ni bwakacha: Ing'ombe shoonse sha Ijipiti shakafwa, pele kwiina banyama baba Izilaili bakafwa, kwiina naaba womwi munyama pe. ⁷ Falawo wakabuzha buzha, bakayana, kwiina, naaba chomwi chifwiiwa cha bantu ba Izilaili chakafwa pe. Pele monzo wakwe wakoozumya alimwi, u bobo wiina naakabahwuminya kwaamba baakuya. ⁸ Inzho Yaahwe wakaambila Mozesi u Aloni ati, "Amuzole itwe lizuzha itashi kuhwa munhwondo. Uwe, U Mozesi, ulyeelele kuya kulifwusa itwe mu muuwo Falawo a kaakulangilile. ⁹ Lilakaba itwe lya lufwuko ilamushi anshi yoonse ya Ijipiti. Bantu lulakabapa kukwata mabobela u shilonda alimwi u banyama inshi yoonse ya Ijipiti." ¹⁰ Ubobo Mozesi u Aloni bakalibweza itwe kuhwa munhwondo bazhima ku bushu bwaka Falawo. Ngoonaawo Mozesi wakaliwaala itwe mu muuwo. Itwe lyakabasasha mabobela u shilonda bantu u banyama. ¹¹ Bashi mabibo bayina nibakamukaka linji Mozesi u kaambo ka mabobela a shilonda, kaambo abo mabobela kaabakwete alimwi u bana Ijipiti bamwi boonse. ¹² Yaahwe wakoozumya alimwi monzo waka Falawo, ubobo Falawo wiina naakabateelela ba Mozesi u Aloni. Chechi chakaba mbubona Yaahwe mbwaakaamba kwa Mozesi mbwaaya kuchita Falawo. ¹³ Ngoonaawo Yaahwe wakamwaambila Mozesi ati, "U kabuke chifwumo fwumo, u kaye kuzhima ku bushu bwaka Falawo, u kamwaambile ati, 'Yaahwe, Leza waba Hebulu, waamba ati: "baleke bantu bangu baakuya kwaamba ati bakampayile. ¹⁴ Ku chiindi cheno ndakatuma miika yangu shoonse aali uwe lwako umwini, a basebezhi bako alimwi u bantu bako. Ndakachita bolya kwaamba ati u kazhibe kuti kwiina umwi uuli u koya ume inshi yoonse yeno. ¹⁵ Kwa ninzho ndaakweelele u kulwisha kusebezha insana shangu u bantu bako ku mwiika, amana indaakumukushizhe kuhwa anshi ano. ¹⁶ Pele u kaambo kako ndakakuleka kuti upone: Kwaamba ati nkutondezhe insana shangu, kwaamba inzhina lyangu likananwe inshi yoonse. ¹⁷ U chilisumpula ku bantu bangu ulabakasha kwaamba ati baakuya. ¹⁸ Teelela! Uzona ku chiindi cheno ndakaleta muuwo mukando wekunku, wezo u tanabwenwe mu Ijipiti kuhwa buzuba nichakabambwa chishi kushika bwasunu leno. ¹⁹ Inzho, tuma balombwana babungike shifwiiwa shenu u shesho shoonse nshimukwete shili mu myuunda ku masena aali kabotu. Muntu woonse alimwi u banyama babo bali mu myuunda kuti shiina kuletwa u munzhi--inhwula ya chihwula mabwe ilakawa, shamana shilakafwa.''''' ²⁰ Ngoonaawo bamwi basebezhi baka Falawo bakootiya mulumbe waka Yaahwe bakalukankila kuya kuzhola bazhike babo alimwi u shifwiiwa shabo mu maanda. ²¹ Pele babo batakachilila mulumbe waka Yaahwe chakushinizha bakabaleka bazhike babo u shifwiiwa shabo mu myuunda. ²² Ngoonaawo Yaahwe wakamwaambila Mozesi ati, "Tambika itashi lyako mwizeulu kwaamba ati kube chihwula mabwe inshi yoonse ya Ijipiti, a bantu u banyama, a shisamu shoonse shili mu myuunda yanshi ya Ijipiti." ²³ Mozesi wakatambika musako wakwe mwizeulu, amane Yaahwe wakatuma makali, chihwula mabwe, u iindabo anshi. Kwakawa chihwula mabwe inshi yoonse ya Ijipiti. ²⁴ Kwakaba chihwula mabwe alimwi indabo shihwelene u chihwula mabwe, chibaala, checho chitanabele inshi yoonse ya Ijipiti kuhwa mbuchakabela chishi. ²⁵ Inshi yoonse ya Ijipiti, chihwula mabwe chakazonauna shishango shoonse mu myuunda, bantu u banyama. Chakauma shisamu shoonse mu myuunda u kombaula mitabi ya masamu. ²⁶ Muchishi bulyo cha Geshomu, momo bantu ba Izilaili mubakaakukala, mu mwatakashika chihwula mabwe. ²⁷ Ngoonaawo Falawo wakatuma balombwana kuya kwita Mozesi u Aloni. Wakaamba nkubabele ati, "Unizho ku cheno chiindi ndazhiba kuti ndabisha. Yaahwe uliluleme, ume alimwi u bantu bangu tulibishizhe. ²⁸ Amukombe kwa Yaahwe, kaambo kakuti makali alimwi u chihwula mabwe shakomenesha. Ndamuleka muukuya, mwiina nimukakala linji mono muchishi." ²⁹ Mozesi wakamwaambila Falawo ati, "Ngoonaawa ndamuhwa mu munzhi mukando, Ndatambika matashi angu kwa Yaahwe. Makali a laleka, alimwi takukabi linji chihwula mabwe pe. Muli chechi ulakazhiba kwaamba ati inshi yezhi njaka Yaahwe. ³⁰ Pele uwe u basebezhi bako, mulizhi kwaamba ati tamumulemeka Yaahwe Leza." ³¹ Inzho chisamu chipazha butonge shakazonauka alimwi u chanseke shipazha chinkwa makunka kaakomenene, abo butonge kabupasaukile. ³² Pele maila a Wiiti ayina naakazonauka u kaambo kakuti kaatana kubizwa. ³³ Awo Mozesi naakamushiya Falawo u kumuhwa mu munzhi mukando, wakatandabika matashi akwe kwa Yaahwe; makali u chihwula mabwe shakaleka, ayo inhwula yakaleka. ³⁴ Awo Falawo naakabona kuti inhwula, u chihwula mabwe, alimwi u makali amana, wakachita chibi alimwi wakoozumya monzo wakwe, antoomwi u basebezhi bakwe. ³⁵ Monzo waka Falawo wakoozumya, ubobo wiina naakabaleka bantu ba Izilaili kuti baakuya, mbubona Yaahwe mbwaakaamba ati kwiita mwitashi lyaka Mozesi.