¹ Pele Yaahwe wakaamba kwa Mozesi ati, "Inzho ulachibona nchinkamuchita Falawo. Ulachibona chechi, kaambo ulabaleka baye u kaambo kansana shangu. U kaambo kansana shangu, ulabatanda kuhwa munshi yakwe." ² Leza wakaamba kwa Mozesi ati, "Ndime Yaahwe. ³ Ndakalibonya kwa Abulahamu, u Iyizeki, alimwi u Jakobo ukoya Leza shinsana shoonse; pele kaambo kezhina lyangu, lya Yaahwe, Ume ndiina indakalizubulula nkubabele. ⁴ Alimwi ndakachita chihwuminano changu nkubabele, kwaamba ati a bape inshi ya Kenani, inshi yezho njibakaakushite ukoya beenzu. ⁵ Nikuba bobo, ndakuteelela kutongela kwa bantu ba Izilaili babo bantu ba ijipiti mbuba chita buzhike, u bobo ndachitelaika chihwuminano changu. ⁶ U bobo, baambile bantu ba Izilaili ati, 'Ndime Yaahwe. Ndamukusha kuhwa ku mikuli milemu ya bantu ba Ijipiti, alimwi ndakamuhwuna kuhwa kunsana shabo. Ndakamunununa kutondezha insana shangu, alimwi u kusebezha insana sha lubeta. ⁷ Ndakamuchita kuba bantu bangu, alimwi ndakaba Leza wenu. Mulakazhiba ati ndime Yaahwe Leza wenu, wezo wakamukusha kuhwa ku mikuli milemu ya bantu ba Ijipiti. ⁸ Ndakamutola munshi yezho njindakapa chakushinizha kwa Abulahamu, u Iyizeki, alimwi u Jakobo. Ndakamupa kwaamba chikabe chikono chenu. Ume ndime Yaahwe.''' ⁹ Awo Mozesi naakabashimwina bantu ba Izilaili, bayina nibakamuteelela u kaambo kakutyompwa kwabo ku kaambo kamapenzhi a buzhike bwabo. ¹⁰ Ngoonaawo Yaahwe wakamwaambila Mozesi, waamba ati, ¹¹ "Koya u mwaambile Falawo, mwami wa Ijipiti, a baleke bantu ba Izilaili bamuhwe munshi yakwe." ¹² Mozesi wakamwaambila Yaahwe ati, "Bantu ba Izilaili bayina kunteelela, no Falawo ulakanteelela buti, Ume mbwindi shichikukuma?" ¹³ Yaahwe wakaambila Mozesi u Aloni ati. Balailile bantu ba Izilaili u Falawo, mwami wa Ijipiti, kwaamba a bakushe bantu ba Izilaili munshi ya Ijipiti. ¹⁴ Baba mbubakaakuli basololi bamu maanda a maushabo: Banakwe Lubeni, mwana wakutaanguna waka Izilaili, kabali ba Hanoki, Palu, Heziloni, u Kami. Baba mbuba lunungu lwaka Lubeni. ¹⁵ Banakwe Simiyoni kabali ba Jemuwelu, Jamini, Ohadi, Jakini, Zoha, u Shau---mwana wa mukaintu waku Kenani. Baba mbuba lunungu lwaka Simiyoni. ¹⁶ Aza ngu mazhina a banakwe Levi, kwiingayina u mazhalane abo. Kabali ba Geshoni, Kohati, u Melali. Levi wakapona myaka iili mwaanda u makumi otatwe u myaka chiloba. ¹⁷ Banakwe Geshoni mbuba Libini u Shimeyi, kwingayina u mikwashi yabo. ¹⁸ Banakwe Kohati mbuba Amulamu, Iziha,Hebuloni, u Uziyeli. Kohati wakapona myaka iili mwaanda u makumi otatwe u myaka yotatwe. ¹⁹ Banakwe Melali mbuba Mahili u Mushi. Baba mbubakaba ba lunungu lwaba Levi, antoomwi u mazhalane abo. ²⁰ Amulamu wakatwala mucheche, waka ushi Jochebedi. Wakazhala Aloni u Mozesi. Amulamu wakapona mwaanda u makumi otatwe u myaka chiloba amane wakafwa. ²¹ Banakwe Izha mbuba Kola, Nefegi, u Zikili. ²² Banakwe Uziwelu mbuba Mishelu, Elizafani, u Sitili. ²³ Aloni wakatwala Elisheba, mwanakwe Aminadabu, mucheche waka Nashoni, wakazhala Nadabu u Abihu, Eliyeza u Itama. ²⁴ Banakwe Kola mbuba Asi, Elikana, u Abiyasafu. Baba mbuba lunungu lwa bantu Kola. ²⁵ Eliyeza, mwanakwe Aloni, wakatwala umwi mwanakwe Putiyeli. Wakazhala Finehasi. Baba mbubakaakuli basololi bang'anda ya maushabo akati kaba Levi, kwiingayina u mikowa yabo. ²⁶ Baba balombwana bobile ba Aloni u Mozesi imbabo Yaahwe mbaakaambila ati, "Amubakushe bantu ba Izilaili munshi ya Ijipiti, u bamwi mu mukwashi wabo." ²⁷ Aloni u Mozesi mbuba kaambila Falawo, mwami wa Ijipiti ati, a bahwuminye bantu ba izilaili kuhwa mwi Ijipiti. Baba mbubona mbuba Mozesi u Aloni. ²⁸ Mu buzuba bobo Yaahwe naakaambila Mozesi munshi ya Ijipiti, ²⁹ wakamwaambila ati, "Ndime Yaahwe. Umwaambile Falawo, mwami wa Ijipiti, shesho shoonse Ume nshindakwaambila." ³⁰ Pele Mozesi wakaamba kwa Yaahwe ati, "Ume nshaamba kabotu ndakukumizha, mbubuti Falawo mbwaaya kunteelela?"