¹ Inzho Mozesi keembela butanga bwa mukwaakwe Jetulo, mupayizhi wa Midiyani. Mozesi wakatola butanga kulaale mulukula waya kushika ku Holebu, lupili lwa Leza. ² Mungelo waka Yaahwe wakabulika kwakwe ukoya mulimo uzaka muchisoko. Mozesi wakalanga, wakabona, chisoko chilahwilima, pele chisoko kachitapiyi pe. ³ Mozesi wakaamba ati, "Ninje nkabone chechi chintu chizhinga, kaambooyi chisoko tachipiyi." ⁴ Inzho Yaahwe naakabona kwaamba ati ulazanda kuswena afwaafwi kuti a bone, Leza wakamoopolola kuhwa mu chisoko wakaamba ati, "Mozesi, Mozesi,"Mozesi wakaamba ati, "Ndime." ⁵ Leza wakaamba ati, "Utabi nuushika afwaafwi! kusha impato shako ku matende, kaambo busena bobo mbuuzhimine ninshi yezho isalala." ⁶ Wakazungila ati, "Ume ndime Leza waka uso, Leza wa Abulahamu, Leza waka Ayizeki, alimwi Leza waka Jakobo." Ngoonaawo Mozesi wakahwumba bushu bwakwe, kaambo wakafwa bukando kulanga kwa Leza ⁷ Yaahwe wakaamba ati, "Inzho chini chini ndakubona kupenga kwa bantu bangu bali mu Ijipiti. Ndakuteelela kulila kwabo u kaambo kaba shikubasebezha, kaambo ndikubwene kupenga kwabo. ⁸ Ndaseluka kwiza kubahwuna kuhwa kunsana shabana Ijipiti kwaamba mbalete kuhwa kunshi yezho kuya kunshi imbotu, inshi inkando, kunshi ikunka mukupa alimwi u buchi; ku busena bwa bantu baku Kenani, Hititi, Amoliti, Peliziti, Hiviti, alimwi ubwaba Jebusiti. ⁹ Inzho kulila kwa bantu ba Izilaili kwashika nkumbele. Nikuba bobo, Ume ndakubona bana Ijipiti mbubabapenzha. ¹⁰ Inzho ubobo, ndakutuma kwa Falawo kwaamba ati u kabalete bantu bangu, bantu bana Izilaili, kuhwa mu Ijipiti." ¹¹ Pele Mozesi wakaamba kwa Leza ati, "Ndimeni Ume, kwaamba ati ume nje kwa Falawo kuya kuleta bantu bana Izilaili kuhwa mu Ijipiti?" ¹² Leza wakamwiingula ati, "Ume chini chini ndaakuli aze. Chechi chilaakuli chitondezho kwako kwaamba ati ndakutuma. Wakabakusha bantu kuhwa mu Ijipiti, mulakankomba alupili lolu." ¹³ Mozesi wakaamba kwa Leza ati, "Inzho ndakashika ku bantu ba Izilaili amana ndakabashimwina ati, 'Leza waba shakale benu wantuma nkumubele,' no bakaamba kwangu ati, 'Nguni inzhina lyakwe?' ndakaamba buti nkubabele?" ¹⁴ Leza wakaamba kwa Mozesi ati, "UME NDIME UME." Leza wakaamba ati, "Ulyeelele kuya kwaamba ku bantu ba Izilaili ati, 'NDIME UME nguwantuma kulyuumwe."' ¹⁵ Leza wakaamba kwa Mozesi ati, "Ulyeelele kwaamba ku bantu ba Izilaili ati, 'Yaahwe, Leza waba shaakale beni, Leza waka Abulahamu, Leza waka Ayizeki, alimwi u Leza waka Jakobo, nguwantuma kulyuumwe. Leli ndiizhina lyangu kwa lyoonse, alimwi imbubo bobo mbubaya kuntelaika ba mazhalane woonse.' ¹⁶ Koya u kababunganye antoomwi bakando kando baba Izilaili. U kabashimwine bolya, 'Yaahwe, Leza waba shaakale benu, Leza waka Abulahamu, waka Ayizeki, u waka Jakobo, wakambulikila amane wakaamba ati, "Ume ndalangisha alimwi u kubona checho chichitika nkumubele mu Ijipiti. ¹⁷ Ndashomezha kumukusha kuhwa mu Ijipiti mu mupenzhewa u kumutola muchishi cha bantu baku Kenani, ba Hititi, ba Amoliti, ba Peliziti, ba Hiviti, alimwi uba Jebusiti, chishi chikunka mukupa u buchi.''' ¹⁸ Balakakuteelela nchuuyakwaamba. Uwe uba bakando kando baba Izilaili mulyeelele kuya ku mwami wa Ijipiti, mwamana mukamwaambile ati, 'Yaahwe, Leza waba Hebulu, wakatuswaangana uswe, inzho twakukumbila utuleke tuye lweendo lwa mazuba otatwe mulukula, kwaamba ati tukape mulumbo kwa Yaahwe, Leza wesu.' ¹⁹ Pele ndizhi kwaamba ati mwami wa Ijipiti takamuhwumizha kumuhwa chita nkamushinikizhe. ²⁰ Ndakasebezha insana shangu uku basubula bana Ijipiti ku maleele woonse ngwinjakuchita akati kabo. U bobo, ulakamuleka mulakaya. ²¹ Ndakapa kwaamba ba Ijipiti bakamulemeke, mwakamuhwa, mutakamuhwi bulyo bwiina shintu nshimukwete. ²² Mukaintu umwi uumwi ulakalomba insiliva u goludi u shakusama kuhwa kushimukobonina muna Ijipiti nikuba ku bakaintu mbubakala abo bashimukobonokwabo. Mulakashibika shintu sheshi a banenu beembezhi u bashimbi. Munzhila yezhi ati mwabasaala bana Ijipiti."