¹ Inzho Yaahwe wakamwaambila Mozesi ati, "Kuchisheele chisubulo chomwi alimwi checho nchinkaleta kwa Falawo ubantu ba Ijipiti. Kwakamana checho, ulakamuleka kwaamba muye. Akamana kumuleka kuya, ulakamutandila limwi. ² Baambile balombwana u bakaintu boonse bakumbile kubashimukobonokwabo tumpatikwa twa siliva utwa goludi.'' ³ Inzho Yaahwe wakachita ba Ijipiti kuzandisha kubotezha bantu Baizilaili. Ubobo, Mozesi bakamubotelwa basebezhi baka Falawo alimwi ubantu bamu Ijipiti. ⁴ Mozesi wakaamba ati, ''Yaahwe ulaamba ati: 'Kuchiindi chamashiku ndazhinguluka Ijipiti woonse. ⁵ Boonse bana bataanzhi munshi ya Ijipiti balafhwa, kuhwa kumwana mutaanzhi waka Falawo, wezo ushite achuuna chabwami, kushika kumwana mutaanzhi wa mushimbi muzhike wezo uzhiya achizhiilo, alimwi ukubana bataanzhi bashifhwiiwa. ⁶ Ubobo kulakaba kulila kukando munshi yoonse ya Ijipiti, kulila kutanabele naaba koko kuti kutabiwo linji pe. ⁷ Pele mwalo Mwiijipiti kwiina mubwa uya kukuwa bantu ba Izilaili, naaba muntu na munyama. Muli chechi mulakazhiba kwaamba ati ndachita lwaandaano akati ka Baijipiti ubantu Baizilaili.' ⁸ Boonse basebezhi bako, Falawo, balakazhiza kwangu kwiza kufhukamina. Balakaamba ati, Koya, uwe alimwi ubantu boonse bakuchilila!' Kwamana checho ndakaya." Ngoonaawo wakakuhwa kwa Falawo mubukali bunji bunji. ⁹ Yaahwe wakamwaambila Mozesi ati, "Falawo takakuteeleli pe. Chechi chili bolya kwaamba ati nkachite shintu shinji shinji shizhinga munshi ya Ijipiti." ¹⁰ Mozesi u Aloni bakachita shintu sheshi shoonse shamaleele kumbele kwa Falawo. Pele Yaahwe wakoozumya monzo waka Falawo, Falawo wiina naakabaleka bantu Baizilaili kumuhwa munshi yakwe.