¹ Bona luli buti luzando Taata ndwatupa uswe, kwaamba tulyeelele kutewa bana kwe Leza, alimwi imbubo mbutubele. Nkaambo ka chechi, luundu talutwizhi uswe nkaambo lwiina kukamuzhiba. ² Nubafunwa, inzho tuli banakwe Leza, ulimwi takuna kuzubululwa mbutukakaba. Tulizhi kwaamba Kilisito akabulika, tulakaba ukoya nguwe, ukuti tulakamubona mbubona mbwabele. ³ Woonse wezo ukwete bulangizhi bobu mulinguwe walisalazha lwakwe mbubona aze mbwasalala. ⁴ Kufumbwa wezo ubisha ulachita shiyanza shakusotoka mulawo, ukuti chibi nkusotoka mulawo. ⁵ Mulizhi kwaamba Kilisito wakalibonya kwaamba atole shibi, ulimwi mwakwe mwiina chibi. ⁶ Kwiina ukalilila mwakwe utolelela kuya bubisha. Kwiina wezo ukalilile mukubisha wakamubona naba kumuzhiba. ⁷ Nubana, mutalekela naba omwi kwaamba amusowe. Wezo uchita bululami aze mululami, mbubona Kilisito mbwaluleme. ⁸ Wezo uchita chibi ngwa satani, ukuti satani wakabisha kuvwa kumatalikilo. Nchicheci Mwanakwe Leza chakezhila, kwaamba azonaune milimo ya satani. ⁹ Woonse uzhelwe kwa Leza tatoleleli kuya bubisha, nkaambo imbuto ya Leza ilashaala mwakwe. Takonzha kuya bubisha nkaambo ulizhelwe kwa Leza. ¹⁰ Muli chechi banakwe Leza ubabo ba satani balazhibwa: Kufumbwa wezo utachiti bululami tali wa Leza, naaba wezo utazanda munina. ¹¹ Ukuti wezu ngu mulumbe ngumwakatelela kuvwa ku matalikilo: Tulyelele kuzandana. ¹² Tatwelele kukozhanya u kaini, wakuli wa satani wakayaya munina. Nkaambonzhi wakamuyaya? Nkaambo milimo yakwe keli mibiyabi yalo ya munina yaku salala ¹³ Mutazhingwa, nubakwesu, kuti luundu lwamusula. ¹⁴ Tulizhi kwamba twaita kuvwa mu lufu kuya mu bumi, nkaambo tulibafwini bakwesu. Kufumbwa wezo wiina luzando ulashaala mu lufu. ¹⁵ Kufumbwa wezo usula munina wezo muyazhi. Mulizhi kwaamba ati kwiina muyazhi ukwete bumi butamana mulinguwe. ¹⁶ Kuli chechi tulilwizhi luzando, nkaambo Kilisito wakaaba bumi bwakwe nkaambo kesu. Aswe tulyelele kwaaba maumi esu nkaambo ka bakwesu. ¹⁷ Pele oonse wezo ukwete lubono lwa mu luundu, wabona munina ulipengele wabula mozo wa luse kwakwe, mbubuti luzando lwa Leza mbulukonzha kukala mwakwe? ¹⁸ Nu banangu, tutazanda buyo mu mazwi na mu mulaka pele mu milimo alimwi umu bwini. ¹⁹ Nkaambo ka chechi tulazhiba ati tulazulilwa ku bwini, alimwi tulapa myozo yesu kwakwe. ²⁰ Nakuti myozo yesu ilatubisha uswe, Leza mukando kubaazha myozo yesu, alimwi ulizhi shintu shoonse. ²¹ Nubafunwa, nakuti myozo yesu tetubisha, tulikwete lushomo kwa Leza. ²² Kufumbwa ncitwalomba tulachitambula kuvwa kwakwe, nkaambo tulachilila milazho yakwe ukuchita shintu shibotu ku menso akwe. ²³ Wezu ngu mulazho wakwe: ati tulyelele ku shoma mwizhina ulya Mwanakwe Jesu Kilisito alimwi ukufunana, mbubona mbwakatupa mulazho wezu. ²⁴ Kuli wezo ucilila milazho ya Leza ulakala mwakwe alimwi u Leza ulaba mwakwe. Kuli chechi tulizhi kwaamba ati ulakala mwesu, kwiita mu Moza gwakatupa uswe.