¹ Nubafunwa, mutashomi myoza yoonse. Pele, amwiinsunke mwibone na ilavwa kwa Leza, nkaambo banji banji bashinshimi babeshi baya mu luundu. ² Nkaambo ka chechi mulakezhiba Moza wa Leza - Woonse moza ulyaambilila ati Jeso Kilisito wakeza mu bunyama wakavwa kwa leza, ³ alimwi kufumbwa moza utalyambilila Jeso tovwi kwa Leza. Wezu ngu moza wa shinkondonina u Jeso, walo ngu mwakatelela ati uleza, alimwi muul kale mu luundu. ⁴ Mulavwa kwa Leza, nu bana nkaambo uli mwenu mukando kubaazha wezo uli mu luundu. ⁵ Mba mu luundu; ubobo nshibaamba nsha mu luundu alimwi luundu lu labatelela. ⁶ Tuli bana Leza. Woonse u mwizhi Leza ulapupulala kwesu. Wezo utavwi kwa Leza tateleli kwesu. Muli chechi tulazhiba moza wa bwini alimwi u moza wabubeshi. ⁷ Nubafunwa, atufunane, nkaambo lufuno lulavwila kwa Leza, alimwi wezo ufuna ulizhelwe kwa Leza alimwi ulimwizhi Leza. ⁸ Muntu wezo wina lufuno tamwizhi Leza, ukuti Leza ndufuno. ⁹ Nkaambo ka chechi lufuno lwa Leza lwakazubululwa Kwesu, kwaamba Leza wakatuma Mwanakwe shimuzhalwa iche mu luundu kwaamba uswe tupone nkaambo kakwe. ¹⁰ Mu luzando lolu, takuli kwaamba uswe twakamuzanda Leza, pele walo ngu wakatuzanda uswe, alimwi wakatuma Mwanakwe kwaamba abe chipaizho cha shibi shesu. ¹¹ Nubafunwa, kuti Leza wakatufuna, aswe tulyelele kufunana. ¹² Kwiina wkamubona kale Leza. Kuti twafunana, Leza ulakalilila muli uswe, alimwi lufuno lwakwe lulasalazhiwa muli uswe. ¹³ Ukuli chechi tulizhi kwaamba ati tulakalilila mwakwe aze muli uswe, nkaambo watupa chipanzha cha Moza wakwe. ¹⁴ Alimwi, twabona ukupa bumboni kwaamba Ushi wakatuma Mwanakwe kwaamba abe mufutuli wa luundu loonse. ¹⁵ Kufumbwa wezo waamba ati Jeso Mwanakwe Leza, Leza ulakala mwakwe aze muli Leza. ¹⁶ Alimwi, twezhiba ukushoma lufuno Leza ndwakwete kwesu. Leza ndufuno, alimwi wezo ukalilila mu lufuno lolu ulakalilila mwa Leza, alimwi Leza ulakalilila muli nguwe. ¹⁷ Nkaambo ka chechi, lolu lufuno lwasalazhiwa akati kesu, kwaamba tukakwate lushinizho mu buzuba bwa kubetekwa, nkaambo mbubona mbwabele, mbubona aswe mbutubele mono mu luundu. ¹⁸ Kwiina chitizha mu lufuno. Kunze achecho, lufuno lusalala lulatanda bukandu, nkaambo bukandu bulendelana uchisubulo. Pele kuli wezo utiya wina kukalulikwa mu lufuno. ¹⁹ Uswe tulazanda nkaambo Leza wakatanguna kufuna. ²⁰ Kuti umwi waamba ati, "Ndimufwini Leza"pele uliswile munina, wezo mubeshi. Nkaambo wezo utaznada munina, walo ngwabwene, takonzha kufuna Leza ngwatana bwene. ²¹ Alimwi, wezu ngu mulazho ngutukwete kuvwa kwakwe: Kufumbwa uzanda Leza ulyelele ukumuzanda munina.