¹ Nubana, ndamulembela makani aza kwamba mutabisha. Pele nakuti umwi wabisha, tulikwete muzhiminizhi kwa Taata, Jeso Kilisito, walo ululeme. ² Inguwe chipaizho ku shibi shesu, ukutali ku shibi shesu buyo pele ku luundu loonse. ³ Tulizhi kwaamba twakamuzhiba, kuti na tulachilila milazho yakwe. ⁴ Wezo waamba ati ''Ndimwizhi Leza pele tatobela milazho yakwe mubeshi, alimwi bwini tabwimo mwakwe. ⁵ Pele wezo usunga mwazwi akwe, umuli nguwe lufuno lwa Leza bulasalazhiwa. Ukuli chechi tulizhi kwaamba tuli mwakwe: ⁶ Kufumbwa wezo waamba ati ulakalilila mwa Leza ulyelele lwakwe mwini kweenda mbubona aze mbwakeenda. ⁷ Nubafunwa nshilakulemba mulazho mupiya kwenu, pele wakale walo ngumwakukwete kuvwa kumatalikilo. Mulazho wakale ndizwi ndimwakatelela. ⁸ Uninzho Ume ndamulembela mjulazho mupiya, walo wabwini mwa Kilisito alimwi umwenu, nkaambo musinze ulakumana, alimwi mumuni wabwini ulaakumunika. ⁹ Wezo waamba uli mu mumuni amana uliswile munina uli mu musinze kushikila ninzho. ¹⁰ Wezo uzanda munina ulakalilila mu mumuni alimwi kwina uchiindi chakumufumpuzha. ¹¹ Pele wezo uswile munina uli mu musinze alimwi ulendela mu musinze; alimwi takwizhi nkwaya nkaambo musinze wayala menso akwe. ¹² Ndakulembela kwenu, nubana, nkaambo shibi shenu shalekelelwa ukaambo kezhina lyakwe. ¹³ Ndamulembela umwe, numatata, nkaambo mulimwizhi wezo waku matalikilo. Ndakumulembela, umwe nubembezhi, nkaambo mwabazunda bashimuchita shibi. Ndamulembela umwe, nubana, nkaambo mulimwizhi Taata. ¹⁴ Ndamulembela umwe, nu matata, nkaambo mulimwizhi wezo wa kumatalikilo. Ndamulembela umwe nubembezhi nkaambo mulikwete insana, alimwi iizwi lya Leza lilakalilila mwenu, alimwi alimwi mwabazunda bashishibi. ¹⁵ Mutabi bashikufuna luundu naba shintu sha mu luundu, wezo ufuna luundu, lufuno kwa Taata taluli mwakwe. ¹⁶ Ukuti shoonse shili mu luundu- shizandishi sha bunyama, shizandishi sha menso, alimwi ushakulitukumuna mubumi - tashivwi kwa Taata pele nsha luundu. ¹⁷ Luundu ushizandishi shoonse shilamana.Pele kuliwezo uchita luznado lwa Leza ulakabako lyoonse. ¹⁸ Nubana, nchiindi chamamanino. Mbubona mbumwakatelela ati shinkondonina Kilisito ulashika, inzho bashinkondonina banji bashika. Ukuli chechi twezhiba kwaamba aza ngu mamanino achiindi. ¹⁹ Bakakuvwa kwesu, pele kabatavwi kwesu. Nkaambo kuti nibakuvwa kwesu nibakakalilila aswe. Pele nibakaya, chakatondezha ati kabatavwi kwesu. ²⁰ Pele muli bananike kuvwa kuli Usalala, alimwi noonse mulizhi. ²¹ Ndiina kukamulembela kwaamba meni meni tamwezhi, pele nkaambo mulizhi alimwi kwiina meni meni avwa kububeshi. ²² Nguni mubeshichita buyo wezo ukaka ati Jeso ngu Kilisito? Wezo muntu ngushinkondonina Kilisito, nkaambo ulamukaka Taata u Mwanakwe. ²³ Kwiina umukaka Mwana amana ulikwete Ushi. Kufumbwa umuvumina Mwana ulamuvumina uushi. ²⁴ Ukuli umwe, amuleke checho nchimwa katelela kumatalikilo chikalilile mwenu.Kuti nchimwakatelela ku matalikilo chakalilila mwenu, amwe mulakalilila mu Mwana alimwi umwa Ushi. ²⁵ Chechi nchishomezho nchakatupa-bumi butamana. ²⁶ Ndamulembela shintu sheshi makani ababo bakonzha kumusowa ²⁷ Ukuli umwe, kunanikwa nkumwakatambula kuvwa kwakwe kulakalilila mwenu, alimwi tamuzandika muntu kumuyiisha. Pele bunanike bwakwe nibuchiya bumuyiisha shoonse alimwi mbwini tabuchengi, alimwi mbubona mbubwamuyiisha, amukalilile mwakwe. ²⁸ Inzho, nubana, amukalilile mwakwe kwaamba akabulika tukakwate insana alimwi ukutausa insoni kubushu bwakwe akabulika. ²⁹ Kuti umwe mulizhi ati walo ulasalala, mulizhi kwaamba woonse uchita bululami wakazhalwa kuvwa kwakwe.