¹ Vunoni Saulu, ua tualeleleho ku huiminina vandongesi va muangana kuba halela na ku vatsiha, ua ile kava ntangisi va va kuluntu ² naku muhulisa mikanda, linga a ka uane umosi mukanji ize, cipue vamala cipue vampuevo, a vanehe ku Yelusalema. ³ Kaha umu akele nakuya, umu calingikele na kuheta kuhiehi na Ndamasiku, kutungu muka ceke ku fuma kuilu camuzingulukile; ⁴ na kuli uila hamavu, na kuivua lizi kuhandeka kuli ikeye " Saulu, Saulu vikandzo una kunji yandesela?" ⁵ Saulu ua handekele ngueni, "Yoveya, muangana? kaha muangana ua handekele ngueni, yange Yesu uze una kuyandesa; ⁶ Vunoni katukauingile mumbaka yakama kaha vaka kuleka evi viuna pande kulinga." ⁷ Va mala veze vendele na saulu vamene cakuhona kuhandeka, kuivuilila lize, olonze kava muene vantu cipue umo. ⁸ Kaha Saulu a hindukile kufumamumavu kaha omo emukile meso, ka muene cuma na cimo cahi; kaha vamukuatela kulivoko naku mutuala ku Ndamasiku. ⁹ Ha matangua atatu kakele na meso, kalile cipue kunua cahi. ¹⁰ Vunoni kua kele ndongesi umosi ku Ndamasiku ualizina lia Ananiya. Muangana uahandekele kuli ikeye muci mueno, "Aaniya!" ngueni, "tala, yange uno muangana." ¹¹ Kaha muangana ua handekele kuli ikeye ngueni, " Hinduka, na kuya munjila eziva vuluka nguavo kusungama, kaha ku ndzivo ya Yundasa na kuhulisa yala ua fuma ku tulusu ua lizina lia Saulu, muomuo ikeye a na kuvundila. ¹² Kaha ikeye na mono mucimona yala ualizina ua Ananiya a na kuiza na ku nangika mavoko eni hali ikeye mangana a mone ceke." ¹³ Vunoni Ananiya ua kumbuluile ngueni "Muangana, nji nevu via yala ou kuba vengi, Via vipi viavingi na lingi kuli vaka kulela vove ku Yelusalema." ¹⁴ Ali nazingolo zia ku fuma ku va sasendote va kama ku pandeka vose va tambeka ku lizina liove. ¹⁵ Vunoni muangana uahandekele kuli ekeye ngueni, " Hamoye muomuo ikeye citenga ci nji nalihangila, linga a tuale lizina liange ku meso a vaka mafiti na vamiangana na vana va Isalela; ¹⁶ Muomuo njika muleka vuima vize via vingi a ka yanda muomuo ua ku yandesa lizina liange." ¹⁷ Kaha Ananiya uaile, nakukovela mundzivo. Kaha mu kumu saleka mavoko eni, ua handekele ngueni,"muanetu Saulu, muangana, ikeye Yesu vene, uze ua ku solokelele munjila omo uezile, na njituma ange linga u mone naku ku sulisa na muzimu uakulela." ¹⁸ Kaha haze vene ku meso a Saulu ngue mavanda, kaha ua muene, kaha ua katukile namu zimika; Kaha ualile na kukala na zingolo. ¹⁹ Ua tumamene navandongesi matangua aengi mu Ndamasiku. ²⁰ Kaha haze vene uatansele mu sinangonga ngueni Yesu ekeye muana Njambi. ²¹ Vose vamuvuile vali komukelele, nakuhandeka nguavo"kati ou ikeye uzeuapihisile ku Yelusalema. Vaze va tambekelele lizi na lieni? Kaha nezile kuno na cizango eci, linga ava nehe mumikole yo meso a vakuluntu va vasasendote. ²² Vunoni Saulu ua lanene cikuma zingola ua yaya valesale va Yundeya vose vakele ku Ndamasiku, muku muesa nguavo Yesu ikeye kilistu vene. ²³ Kaha omo matangua aengi a hitile va Yundeya va kele mpunga manga va mutsihe. ²⁴ Vunoni mpunga yavo vezile na kuiziva kuli Saulu. Va nuingile zimbelo naua mutana na vutsii linga vamu tsihe. ²⁵ Vunoni vandongesi veni va mu tambuile vutsiki, kaha va suluile ku civumbe kuheta hamavu mu civuvi. ²⁶ Kaha omo ahetele ku Yelusalema, Saulu uesekele kuli pandakana na ndongesi, vunoni vose va nu vuililile vuoma, kava tsilielele ngecize ikeye ndongesi. ²⁷ Vunonin Mbanambasa ua mu tambuile, kaha ua mu tualele kuli vapositolo, ua vambuluilile muana kamuenenene muanga munjila, kaha ngecize ikeye naka handekele neni, nomo ikeye naka ambuluilile naku simpa ku Ndamasiku mu lizina lia Yesu. ²⁸ Uakele navo, mukukovela na mukutuhuka mu Yelusalema. Kaha ua ambuluile na kusimpa mu lizina lia muanga Yesu ²⁹ kaha ua mbuluile na kulizunga zimpata na va Yundeya vaku va Ngelengu; Vunoni vakevo vakele na ku lengeya kumu tsiha. ³⁰ Kaha vana va naye va citantekeyele, vamu tualele ku Sesaliya, kaha va mu tumine ku Talusu. ³¹ Ngecize, vikungulukilo muase ma Yudeya na Ngalileya, na Samaliya va kele na kuuunda kaha vaitungile kaha nakuenda mu vuoma ua Njambi namu vu vendeziaka ca muzimu uakulela. Cikunguluilo ca kamene mu kulana ca vantu. ³² Kaha cezile ngecize, omo Petulu uazingulukile nganda yose, kaha uezile na kusikumuka naua ku vantu va Njambi vaka kulela vakele muli mbaka lia Linda. ³³ Kuze a uanena yala ua lizina lia Enease, uo uakele mumuhela ha miaka itanu naitatu, muomuo ua kele na kalepa. ³⁴ Petulu ua handekele kuli ikeye ngueni,"Anease, Yesu kilisitu ue kusaka. Hinduka na ku vuikisa muhela uove,"hovene ua hindukile. ³⁵ Kaha vosiovo va kala mu Linda na mu Salone va mu muene, kaha va lulukile kuli muangana. ³⁶ Mu Yopa muakele ndongesi omisi ua lizina lia Tambita, ( ua lumbunuka kutumbula ndolokase). Ou mpuevo ua lanene mulimo ya cili na vilinga via ngozi. Vialingile kuva ka kuyanda. ³⁷ Kaha mulio ou vene matangua ua vavalela na kutsisa; mu va mutanesele, naku mu langeka mu hoondo yahelu. ³⁸ Muomuo Linda uakele kuhiehi na Yopa kaha vandongesi vavuile nguavo, Petulu ua kele kuze vene, va tumina vamala vavali kuli ikeye, na kumu tambelela nguavo,"Kati ulinge njingulu tuaya kulietu." ³⁹ Petulu ua katukile na kuya navo. Mu vahetele, va mutualele mu hando ya helu, kaha vose vantuliue vamene kuli ikeye na kulila, kumulekese vikovelo na vuzalo vua tungile ndolokase mua kelenavo. ⁴⁰ Petulu ua vafumisile vose mu hondo, naku va cikamesa hamavu, na kuvundila, na kua lumukila tomuvila, ua mbele ngueni, "Tavita katuka."Kaha ua sokoluele meso, na ku mona Petulu kahaua tumamene. ⁴¹ Kaha Petulu ua muhele livoko liani naku muhindula, kaha mua sanene vantu va zila va ka Njambi na va ntuliue, uava heleye ua mumi kuli vakeko. ⁴² Ezi zimpande vazi tantekeyela muose mu Yopa, nava vantu vose va ciliale Njambi. ⁴³ Calingikile ngecize Petulu uatu mamene matangua engi mu Yopa na yala ualizina lia Simona, mukua ku konga vi lambu.