¹ Na Saulu ua tavele ku kutsa ceni kaha kua katukile kulita olio vene, kuyandesa cakama. Ca cingulukilo, lua mu Yelusalema. Kaha vose va sanduokele. kuvifuti via Yundeya, na Samaliya, kuvanga vapositolo, lika vasalele mo. ² Kaha vamala vakua kulemesa Njambi va tsindikile Setefano va lilile muakama omo ikeye. ³ vunoni Saulu uapihisile lukungulukilo, uakovelele muzindzivo ziose, ua kokele vamala nava puevo, nakuva soka mukamenga. ⁴ Ngoco vene vaze va sanduokele vahita nganene, naku nakuambulula lizi. ⁵ Filipu ua sikumukile ku nganda ya Samaliya uava zimbililile kilisitu. ⁶ Kaha vivunga viahalakanene na mutima umolika, kuvuma. Vize via handekele Filipu; Omo va vuile nomo va muene, vitanteyoso, vize via lingile. ⁷ Muomuo vimbembesi via kuzuala via fumine kuli vavengi va vaze vakele navio via tambakele nalizi, liakama; na vavengi vakua tuyekele na vaze va puile vilemo vakungukile. ⁸ Kaha kuakele ndzolela yakama munganda oyo. ⁹ Vunoni kua kele yala umo lizina liani Simone, Ikeye ntsimbu yalaza ua pandele vumbanda munganda oyo uakomouesele, vantu vaku Samaliya ua litumbuile ivene mukua vuka. ¹⁰ Kuli ikeye voseva halakanene fume kuli uze ua mundende, naku heta kuli uze uakama, nguavo, ou ikeye ngolo ize ya Njambi yaku tumbula yakama. ¹¹ Kaha vose vamu halakanene, muomuo na vakomouesele ntsimbu yakama na vumbanda vueni. ¹² Vunoni omo va ntililile Filipu, omo ua ambuluile, zimpande, zia cili zia vuangana vua Njambi na lizina lia Yesu kulisitu, vava mbuitikile vamala na vapuevo. ¹³ Na Simoni ivene ua tsililile, kaha muku kumubwitika ua tokeleho hamo na Filipu. Kaha mukumona uitantekeyeso naviko moueso via kama, uiasolokele uakomokele. ¹⁴ Vuno omo vapositolo vaze vakele ku ku Yelusalema, va viile ngecize vakua Samaliya vana tambula lizi lia Njambi vava tumisile Petulu na Yoano. ¹⁵ Vakevo omo vana sikumukileko vava vundikile linga vatambule, muzimu uakulela. ¹⁶ Muomuo te kanda hali umo uavo; vana ivambuitika mulizina lia muanga Yesu uahi. ¹⁷ Kaha va Petulu na Yoano vava selekele mavoko avokavata kaha vatambuile muzimu ua kulela. ¹⁸ Vuno omo Simoni ua muenenge cize vahele muzimu uakulela omo va positolo va salekele mavoko avo ikeye ua hiangele kuvahia mbongo. ¹⁹ Hambile ngueni, "njihienu age henzi zingolo, eye linga uze uose ijiku saleka mavoko ange akatambule muzimu uakulela. ²⁰ Vunoni Petulu uamulekele ngueni palata yove inonge hamo nove una singanieka kutambula vuama vua Njambi na zimbongo. ²¹ Ove kauesi na mutamba cipue vusunga mulizi eli; muomuo mutima uove ka ua sungamene ku Njambi. ²² Ngoco vene aluluka, ku vupi, vuno vuove kaha vundikila, kuli muangana mpano akaku ecela cisinganieka cize ca mutima uove. ²³ Muomuo njamono ngecize, ove ulimu nianga yaku kaluua, namu malenge avuhenge. ²⁴ Kaha Simoni ua kua nieneko, handekele ngueni, njivundilinu kuli muangana linga nacimo cahi, ca viuma vize vimunambe vize kuli ange. ²⁵ Ngoco vene vakevo omo vana zimbuile vukaleho naku handeka lizi lia muangana, Petulu na Yoano vahilukile ku Yelusalema, kaha va ambuluile zimpande zia cili ku membo haengi avaka Samaliya. ²⁶ Vunoni kangelo ua Yehova ua handekele na Filipu ngueni katuka hamoye ku Ntongo ya cifuti kunjila ize ifuma ku Yelusalema ituala ku Ngaza ikeyo mpambo yangoco. ²⁷ Kaha ikeye uakatukile uayile, kaha talenu yala uaku ecopa ikeye mukuangolo yakama uakuli kandese muangana ua puevo uakua Etiopia ikiye uiu ngile vufuko vueni vuose uezile ku Yelusalema mukulesa. ²⁸ Kaha ikeye ua kele na ku hiluka ua tumamene mu likalu lieni kaha uakele naku tanda kukapolofeto Isaya. ²⁹ Kaha muzimu ua kulela, ua Filipu ngu eni suenako, ulipandakane nalikalu eli. ³⁰ Kaha Filipu, ua tuntile kuli uamu vuile aku tanda ku kapolofeto, Isaya kaha ua handekele ngueni uavi ivi ei kutanda? ³¹ Kaha ikeye ua handekele ngueni nji hasa vatindzo kuvanga umosi a nji tua menena? kaha ua lambelele. Filipu ku tonda naku tumama hamoneni. ³² Vuno mutamba uze ua visoneka ua kele naku tanda ukeuo ou vamu tualele ngue mpanga. kukutsa kaha nguena mpanga aholoka kulu ku meso avakua kumuteula nge cize vene ikeye kasamene kanua keni. ³³ Muko konkoma ceni kavia mu sompesele cikota ceni lua aka ciambulula? Muomuo muono ueni vau fumisa hamavu. ³⁴ Kaha uze muata ua kuanieneko Filipu ua handekele ngueni njiku vundila. Kuno kapolofoto ua handekele iyandzo? Ivene ni ueka. ³⁵ Kaha Filipu ua sanene kanua keni kaha ua sangumukile ku cisoneka, eci vene uamu ambuluile Yesu ³⁶ Kaha Omovaile munjila vahetele kumema, amosi kaha muata uzeua handekele ngueni tala kuno kuli mema. Vika vi kuji vindika kuji mbuitika? ³⁷ Kaha Filipu, uahandekele, ngueni nga utsiliela na mutima uove uose, u hasa. Kaha ikeye ua kuanieneko, ua handekele ngueni, nja tsiliela ngecize Yesu kilisitu ikeye muana Njambi. ³⁸ Kaha ua sikile ngecize likalu limana, kaha vose vavali vasulukile mumema Filipu nauze muata. Kaha ua mu mbuitikile. ³⁹ Kaha omo vatuntukile kumema muzimu ua Njambi ua ambatele, Filipu kaha uze muata kamu muene naua muomuo ua ile kueni na ku zolela. ⁴⁰ Vunoni Filipu vamu uanene kuazatu kaha muku pulakana ua zimbuile zimpande zia cili ku membo ose noho na hetele ku Sesaliya.