¹ Paulu ua fumine kuNdevele na ku Listala, kaha ua kuatele ndongesi ua lizina lia Timoteo ua kele kuze, muana ua Yundeya ua mpuevo ou uakele muka kutsiliela, ka ha ise ikeye kangelengu. ² Kaha uakele na Lutsimo lua cili hakati kavana vanaye vakele ku Listala na Ikoniu. ³ Paulu ua tondele kuenda hamo neni, kaha mumbatele amulovele neni muomuo ikeye ka Yundeya kumitamba ize, muo mu vose vatantekeyele nguavo ise ka Ngelengu. ⁴ Omu muvaile muvungenzi vahitile mumembo, kaha va putukile kulama masiko ava pangele kuli va positolo na va kuluntu vakele mu Yelusalema. ⁵ Kaha vikungulukilo via likoleseloko mu citsilielo kaha via lamene hatangua na tangua. ⁶ Kaha Paulu vana vavakuavo vahitanganene cifuti cia Filingia na Ngalatia, muomuo va vindikile muzimu ua kulela na kuambula lizi mulifuti lia Asia. ⁷ Omu muvahetele kuhiehi Misia, vavesekele nakuya ku Mbetania, kaha muzimu ua kulela va Yesu ua kingile. ⁸ Muku pulakana Misia, kaha va sikumukile ku limbo liaToloase. ⁹ Kaha ku vutsike Paulu uamueni cimna; Yala uaku Mesondonia ua mene kuze, ua putukile na ku handeka ngueni, "Tuye ku Mesondonia uka tukuase." ¹⁰ Kaha Paulu omu muamuene cimona, vuasivuasi ua singanyekele kuyaku Masindonia, naku kunkulula ngueni Njambi natu sana tuhandeke mezia Njambi kuli vakevo. ¹¹ Ngoco vene tuafumine ku Toloase, tuaile na kusangamesa cilongesa ca samata lase, kaha na litangua lieceleko tuezile ku Neapolisi. ¹² Kufuma kuze tua ile ku Filpu, ikeko mbonge yakama ya Mesindonia, kaha yakele Nganda ku kulema mu cihanda, na ku ciulo ca va Loma, kaha tuakele muze mu mbonge muma tangua amo. ¹³ Kaha hali tangua lia sambata tuaile hambanza ku cikolo ca ndonga, ku keko kuva Sanganyekele kuli cihela ca malombelo. Tutu mamenu hamavu mangana tuhandeke na vampuevo va tu neza navo. ¹⁴ Mpuevo umu lizina lieni Lindia, ikeye mukua ku landesa mufuitilo mumbonge ya Tiatila, ikeye muka kulemesa Njambi, ivuenu kulietu. Mungana sokoluela mutima ueni mangana evuilile evi via na kuhandeka Petulu. ¹⁵ Kaha omu va muene ndzivo vamu mbatizile, kaha uatu lambelele, ngueni, "ngue uku jisompa ange jikukala muli muangana, Tuaya ukale mundzivo yange."Kaha ikeye uatu sindilile. ¹⁶ Cakele ngoco, omu mutuakuya kucihela ca mambelo, kaha ndongo uampuevo uakele na cimbembesi caku taha uali uanene netu. Uanehele va kukueni nganio yaingi mukutuha. ¹⁷ Ou mpuevo ua kavangeyele ha lutue lia Paulu netu na ku tambeka, nguavo, "Ava vamala va ngamba va Njambi ua kuhiana. Vana tambeka kuli yove njila ya kuyoya." ¹⁸ Kaha ua lingile eci mumatangua aengi. Unoni Paulu, camukosele cikuma neni, ua lumukile na kuamba ngueni kuli muzimu uakulela nji kuamba kuli yove mulizina lia Yesu kilisitu tuaya utuhuke muli ou."Kaha ua tuhukile ha ntsimbu imo. ¹⁹ Omu muangana ueni ua muene nguavo nganio yavu inayi, vakuatele Paulu na Silase, vsva mesele ha cisankanio kuli vaka kusika. ²⁰ Kaha vava nehele kuli Ngazi ngueni, "Ava vamala vana kuhia kalua mu limbo yetu. Vakevo va Yuleya. ²¹ Kaha vatambakanene vilika vintsa kavi tava tuvitambule via kua Loma kuvipangesa cipue ku va tava." ²² Kaha civunga cava katukilile hamo va Paulu na Silasa; Kaha mukaku vatula milonga uatavuile vuzaalo vuavo na kuva veta na zimbueti. ²³ Kaha omu vana vavetele mikiki ya ingi, vava mbilile mukameya na kuleka muka niunga kamenga ngueni muniungenu vuino. ²⁴ Kaha ikeye omuo natambula lisiko, muka kulama kamenga ua mumbatele naku muhaka mu hondo ya mukati ka kamenga kaha va hakele mikono yavo muzinkuli. ²⁵ Vunoni ha kati kavutsiki Paulu na Silase vavundiklile na kuimba miaso kuli Njambi, kaha na va kuavo mapelesu vaku vevilila. ²⁶ Vuasivuasi kuakele mundunduma ua kama, kaha luvula lua kamenga lua lualinikile; vuasivuasi vikolo viasovia kolokele, na mikole yose yazilukile. ²⁷ Kaha muka kuniunga kamenga kasumukile hatulo na kumona vikolo via kamenga via kusokolola; kaha ua fumisile mukuale ua vuvela kuvali ngueni ali ntsihe, muomuo ua singanyekele ngueni mapelesu vana fumumo. ²⁸ Kaha Paulu ua tambakanene na lizi lia kama, ngueni, "Kati ulitsihe yove livene, muomuo etu tuvose mutuli." ²⁹ Kaha zendey vamu sanene ua linongo na kutuntila mu ntima, kaha mukuzaza navuoma uauililile ha mavu kuli Paulu na Silase, ³⁰ kaha vava tuhielemo na kuamba nguavo, "Miangana, nji kulinga vati amba nji kovoke?" ³¹ Kaha nguavo, "Tsiliela muli mungana Yesu, ambani vaka kuovole, ove na vaka ndzivo yove." ³² Kaha va handekele lizi lia muangana kuli ikeye, na vose vali mundzivo yeni. ³³ Kaha muka kulama kamenga ua vambatele hantsimbu ya vutsiki, na kuvakusa hamikiki, ikeye na vaze vose vakele mundzivo yeni va vambuitikile vuasivuasi. ³⁴ Kaha omo va munehele Paulu na Silase kundzivo yeni na kuhaka via kulia halutue luavo, kaha va zolielelele cikuma vavaze vakele mundzivo yeni, ngueni nja tsiliela muli Njambi. ³⁵ Vunoni omu liakele tangua, ngazi ua tumine mezi kuli vaka kuniunga ngueni, "lekenu ovo vamala vaye." ³⁶ Kaha muka kuniunga kamenga ua lekele mezi kuli Paulu Ngueni, "Ngazi najitumina mezi kuliange nji mueche muye. Sikaho tuhukenu, uye muciyulo." ³⁷ Vononi Paulu ua handekele navo ngueni, "vanatu sompesa na kutu veta cakuhona mulonga, etu ni tuvaka Loma- na kutu haka mukamenga. Vuno vatondo etu kutu tuala halako na kusueka? cahi! Valekenu veze vavene vakutu tuamenene tuye." ³⁸ Va kakulama va mbuluele a mezi kuli ngazi, omo va vuile nguavo Paulu na Silase va kele va kua Loma, vakele na vuoma. ³⁹ Kaha ngazi uezile kuli vakevo na kuli konekela nava tuhulamo ua hiule kuya kulako na mbonge. ⁴⁰ Vunoni Paulu na Silase va fumine mu kamenga na kuya ku ndzivo ya ku Lindia. Vunoni Paulu na silase va muene va ndumbuavo vava kolesele na kuli sanduoka kufuma ku muimbo