¹ Vuno omo vana pulakana kumbonge lia Amefipolise na Apolonia, vezile ku limbo lia Tesalonika kuze kua kele sinangonga yava Yundeya. ² Paulu ngue kuci semua ceni kaha uaile kuli vakevo, na kumasapalalo atatu ua handekele navo via visoneka. ³ Ua sololuele vitangona kulumbunona muesa ngecize kilisitu ku yandana ku sanguka naua kukutsi. Kaha ngueni "ou Yesu ounji ku miambuluila kulienu ikeye kilisitu." ⁴ Kaha vamosi va Yundeya vatavelena kulipanda hamo na Paulu na Silase, nakuli va ngelengu civunga ca kama kuli vampuevo vezeva tsimanene kativa vandende. ⁵ Vunoni va Yundeya vakuna kutsiliela venda na kusulana lifuua vambatele vamala vamosi vavapi kufuma kucisakano kaha mu kuhuna cilula civunga vatondele kuneha Paulu na Silase kufuma ku vantu. ⁶ Kaha omo kava va uanene vakokele Yasone na vana va naye vamosi kuli vakua kusika ku nganda, na ku lila nguavo, avamala va fulumika mavu ose ua naze kuno naua. ⁷ Kaha vaze vamala vana tambuele Yosone nava vose va viana masiko a sezale, nguavo kuli muangana Yesu. ⁸ Kaha vahele kalua ku civunga na kuliva kua kusika ku nganda omo va vuile viuma evi. ⁹ Kaha omo va na tambuile ciye kuli vali Yasone na kuli va kuavo va vecele na kuya. ¹⁰ Kaha vutsiki vamuanaye vatumine Paulu na Silase na ku sindikiya, omo vaheteleko va kovelele mu sinangonga ya va Yundeya. ¹¹ Kaha ava vantu vakele va cilivahianene vaze va ku Tesalonika, muomuo va tambuile lizi na mutima ua ku viuka valiluile visoneka kulitangua linga va mone nga viuma vize via puile ngecize vene. ¹² Kaha vunoni vavengi hakativo vatsililiele na vamo mapuevo va tsimanene na va mala kati vandende. ¹³ Vunoni omo va Yundeya naku Tesalonika valilongesele omo Paulu ua kale na ku tambakana lizi lia Njambi ku mbeleya, kalia veile kuze naku sangumuna ku katiesa vivunga. ¹⁴ Kaha haze vene vana va naye va tumine Paulu aye ku mema akalunga; na Silase na Timoteo vaci tumamene. ¹⁵ vaze va kile na kumutuala Paulu vamu hetesele ku atena: kaha omo ua musile Paulu kuze lizi lia kusika Silase na Timoteo linga veze kuli ikeye vuasi Vuasi va va fumineko. ¹⁶ Vuno omo Paulu uava vandamenene Athenis muzimu uene ualavele muku mona nganda ya sulu na tumponia. ¹⁷ Ngoco ua kele na kuhandeka matangua ose mu sinangongo na va Yundeya na vaze va kele naku mulemesa Njambi na ku citanda na vaze va liuanene neni kuze. ¹⁸ Nava mosi vaze vatumbule Epikuliu na va setoiku va liuanene neni kaha vamosi vahandekele nguavo ciyambangane ou a hianga ku handeka vika? " vakuavo, nafungue mukua ku ambulula via Njambi veka, muomuo ikeye ua ambuluile Yesu na cisangukilo. ¹⁹ Kaha vamu kuatele Paulu va mu tualele ku muncinda ua aleo pangu, nguavo, tutantekeye vati vatile na fuluhande luno lua luha luuku ambululani? ²⁰ Muomuo ulina kuneha viuma vieka ku matuitui etu uononi tu hianga ku tantekeya vati vi nafu viuma evi." ²¹ (vuno vose vakua Atena na na vangendzi vaze va keleko va tuniamene na kumanesa simbu yavo muangoco unone kuambulula cipue kuha lakana cuma ca ciha.) ²² Kaha Paulu ua mene ha kati ka Aleopangu na ku handeka "Enu vamala vakua Atene, nje namono nge cize enu mu lemese cikuma viuma viose. ²³ Muomuo omo njo hitanganene naku tala evi nimu lina kulemesa, ja uanene mutula umo na cisoneka eci, kuli Njambi uze intsa katu tantekeya lize imuku lemesa kundzimba yenu, injiku mi ambuluila. ²⁴ Njambi ua tangele melu namavu na viose viliho ikeye muanga ua lilu na mavu. ikeye kalele mu vitembele via ku tunga na mavoko. ²⁵ Cipue mavoko avantu ka amu pangela ngue ikeye nazele vimosi muomu ikeye ua hanene vantu muono na na kuhuima na vuima viose. ²⁶ Kufuma ku yala umo ua pangele mieyati ya vantu vakile hamavu, na va selekela miaka yavo nami mikuakua yavo yakela. ²⁷ Kaha linga va lengeye Njambi na vamu papatela ngano na kumu uana vutuhu ikeye kesiku laako netu vose. ²⁸ Muomuo muli ikeye tuyoya kuenda na kupuamo ngu vamosi venu vakua ku tema miaso va na handekeka nguavo, muomu etu naua tumbuto yeni. ²⁹ Omo tuli tumbuto ya Njambi, katua pandele kusinganieka ngecize vu njambi vuna lifu na olu, ni palata ni livue viaku songa vuino na mana a muntu. ³⁰ Kaha Njambi haku mona tsimbu inahiti ndzimba uunoni vuovu akusika vantu ngecize vose va kalihiluse ku mitima kuose kuose. ³¹ Omo ikeye na tondo litengua limo omo aka sompela mavu na vuviuke hali vantu vose mua na mu sangula ikeye ku vatsi. ³² Uononi vamala vaku Atene veviele kusanguka kufuma kukutsa, Vamo votsopele Paulu; kaha va munguavo, "tukuivuilile ove naua hali ou mundzimbu." ³³ Ngecize, Paulu ua fumine ha kati kavo. ³⁴ Vunoni va mala vamosi va lipandanene neni va tsilielele; ha kati kavo naua ha kele ndionisiu ikeye mukua mpunga ya eleopangu, na mpuevo hamo umosi ua ku luka ndamali na vakuavo hamo navo.