¹ Kaha vamosi vamala vafuni ku yundeya vezile antioka naku tangesa vamuanaye nguavo, ´´ngue kamuku tuhuka kucilika ca mosesa ka muka koveka.´´ ² Kaha paulu na mbanambasa hamosi nava kuavo veka hakati kavo, vava lekele kuanduka na kuya ku yelusalema na kuliuana nava postolo nava kuluntu hacihula eci. ³ Koco vene omu vava sindikile ku liuka. vahitile mose mu vali mu fenisia na samaliya naku ambulula kualuluka ca vakua vifuti. Vanehele ndzozela yakama kuli vose va muanaye. ⁴ Omu vezile ku yelusalema, vava tambokesele kuliuka nava postola na vakuluntu, kaha vasimutuilile vuose vianalingile njambi navo. ⁵ Vunoni vamosi vamala vakua ku tsiliela, iya pandamene ku mbunga ya vafualiseo, vakalukile nakuamba nguavo, ´´ca lupande kuvalovola na kuvasika ku niunga mezi a lisiko a mosesa.´´ ⁶ Kaha va postolo nava kuluntu valikunguluile muku singanieka eli lizi. ⁷ Kaha omo vanalizungile muakama, petulu akatukile kaha ahandekele navo, vamuanetu, muatatekeya ngecize ntsimbu ya cili laza Njambi wapangele civuasano mukati kenu, ngecize kukanua kange vakua vifuti vapandele kuivua lizi lia zimpande ziacili, kaha va tsiliela. ⁸ Njambi, uze atantekaya mutima na va tumbuila muku vahia muzimu uakulela, ngue mualingile netu. ⁹ Ikeye kahanguile hakati ketu navo ua vuukisile mitima yavo haku tsiliela. ¹⁰ Vuovuno ngoco vikandzo muli naku eska Njambi, muku haka mukambo ku zintsingo zia vandongesi vukevo untsakava hasele ku ambata vakukuetu cipue etu? ¹¹ Vunoni tua tsiliela ngecize tukovoka ha kavumbi ka muangana yesu, ngue vakevo vene.'' ¹² Kaha civunga cose caholokele kaha vahalakanene kuli mbanambasa na paulo omo va simutuilile vitantekeyeso na vikomoueso Njambi viana pangele ha kati ka vakua vifuti muli vakevo. ¹³ Kaha omo vakevo vaholokele, tiango ua kuanieneko ngueni, ''Vamuanetu, halakanenu kuli ange. ¹⁴ Simione na simutuila ngue omo Njambi hakatele hindusile vakua vifuti hakatete muku tambula hakati kavo vantu vamo omo lizina lieni. ¹⁵ Kaha mezi ava polofeto ali tavasana nevi ngue omo vanasoneka, ¹⁶ Munima yevi njika hiluhuka, kaha njika tunga naua tembele ya ndaviti, ize yasihuka; kaha njika tungulula naua vize viayo via sihukile kaha njika vuikisa. ¹⁷ Linga visupo via vantu nalengeye muangana na vakua vifuti vose vaze vava na sanena lizina liange; ¹⁸ Mua na handeka muangana, uze nalingi vuima evi fuma ku laza. Kuli vi soneka vimo mu mikanda ya laza ya va ngiliki yali handununa cindende muku lumbununa, Muanahandeka muangana, ou waziva vilinga vuose fume ku laza. ¹⁹ Ngoco vene ntsimpi yange yeyi kati tuhie kalua kulivaze vaku aluluka kuli Njambi hakati ka vakua vifuti. ²⁰ Vunoni tuva sonekele linga va likele kulizualesa, na mahamba, na vupangala, na vize via kutekenia na maninga. ²¹ Muomu mosesa vana kele nakumua mbuluila ku membo ose fume ku zintsimbu zia laza vana kele nakumu tanda ku sinangonga masapalo ose.'' ²² Amba nicavuikile ku meso ava postolo nava kuluntu, hamo na mbunga yose, ku hangula yundasa ua kuluka mbalambasa, na silase, vakevo vamala vakama hakati ka vamuanaye nakuva tuma ku antioka hamo na paulu na mbanambasa, ²³ Vasonekele ku hitila mu mavoko avo, ''Kufuma kuli va postolo na vakuluntu, vana va naye kuli vamuanetu vaku vakua vifuti ku antioka, silia na silisia. ²⁴ Omo tu nevu ngecize vamosi vaku fuma kuli etu, ka tua vahele lizi limosi lia lisiko, kaha vana mihie kalua na mezi aku pihisa mitima yenu. ²⁵ Catu viukila, omo tuna uisa mumo lika, kuhangula vamala naku vatuma kuli enu hamo na vakua cilemo cetu mbanambasa na paulu. ²⁶ Vantu ava vanene tulilile miono yavo omo lizina lia muangana uetu yesu kilistu. ²⁷ Ngoco vene tuna tumu yundasa na silase, vakevo vavene va kamileka evi vimo lika na lizi lia tunua. ²⁸ Muomu ca vuikila muzimu ua kulela netu naua, kati kumihakela citela cakuhiana viuma evi via mipande: ²⁹ Linga muzile kuviuma via kukombela mahamba, naku vupangala. Ngoco nga muzila kuli evi muka kala mua cili. kalenu vuino.'' ³⁰ Ngoco vakevo, omo vana lisaka navo, vahetele ku antiokañ kaha omo va likunguluile hamo na civunga cize, vavahele mukanda uze. ³¹ Kaha omo vana utandele, vazolele omo lizi lia ku va lembezieka. ³² Kaha yundasa na silase omo vakeko naua va palofeto, va mamuine vana va naye na mezi a engi nakuva kolesa. ³³ Kaha omo vana simbuileho ntsimbu imo oko, vana va naye va lisikile navo va hilukile naciyulo kuli vaze vava tumine. ³⁴ Visoneka via cili via laza ka viesi cinimbu 34 (tala: vilinga 15:40) vunoni camu vuikilile silase kukala oko. ³⁵ Vunoni paulu na mbanambasa va simbuileho ku antioka, va longesele na ku ambulula (hamosi na va kuavo va vengi) lizi lia muangana. ³⁶ Kaha omo matangua amosi ana hitile paulu ua handekele na mbanambasa, ''tuhilukienu vuovuno na kutua ambuluile lizi lia muangana, kaha tumone vati vali.'' ³⁷ Kaha mbanambasa ua hiangele ngecize vaye hamo na yoano naua uze iva lukile mako. ³⁸ Vunoni paulu ua singaniekele necize ka ca viukile kuya na mako, omo ikeye ua va sile ku pamefilia kaha kaile navo kupanga. ³⁹ Kaha kua katukile zimpata zia kama, ngecize va lihangunukile umo na mukuavo, kaha mbanambasa uaile hamo na mako ua ile mu vuato ku sipulu. ⁴⁰ Vunoni paulu ua hanguile silase kaha ua ile omo vana va naye vava kundikile ku kuvumbi ka muangana. ⁴¹ Kaha uaile kuhitila musilia na silisia, naku kolesa vikunguluilo.