¹ Cia solokele mu Ikoniu muze Paulu na Mbanambasa vengilile vengilile hamo mu sinangonga yava Yundeya na kuhandeka munjila imo yakulingisa civunga cize ciose ciakama va Yundeya hamo na va Ngiliki va tsiliele. ² Vunoni va Yundeya vaze vakele na likamba va sangumuine visinganieka via va ka miyati yeka kukalu na kupihisa vana vanayavo. ³ Kaha va tumamene kuze ntsimu ya kama, kuhandeka na vuoma vuahi na zingolo camezi a likozi lieni. Ua lingile eci hakuhana vimueso na vikoueso mukuvilingila halivoko lia Paulu na Mbanambasa. ⁴ Vunoni vantu va muimbo muze vali hangunuine; vamo kumutamba ua va Yundeya va kuavo kuli va positolo. ⁵ Vose hamo va kamiyati yeka na Yundeya ( Hamolika nava ntuamalutue vavo) vazangele kuvalinga viasoni naku vasa mavue, ⁶ vunoni ouo vatantekeyele eci, vafumineko nakuya ku Ikoniu na kumembo a Lisitala naku Ndevele naku vihela via lizingilikako, ⁷ kuze vaile na kuana kua mbulula lika mezi a Njambi. ⁸ Ku Lisitala yala umo ua tumamene, na kayekele mumikono yeni, cilema fume muzimo lia naye, kahasele kuenda. ⁹ Yala uze uavuile Paulu ali na kuhandeka. Paulu ua mutalele Ntoma kaha ua mu muene ngueni ali na lutsilielo na lizi kumu kanguisa. ¹⁰ Sikaho ua handekele kuli ikeye na lizi lia kama ngueni, "Katuka mana kuviliato viove." Kaha yala uze ua tumbukile kaha uendele naku zinguoluoka. ¹¹ KAha omo civunga cize vamuene vize via lingile Paulu, vatambekele namezi avo, vahandekele mu lilimi lia mu Ikoniu, "Tulunga vana lihimpula ngue vantu kaha vaneza kulietu." ¹² Kaha va lukile Mbanambasa"Yupitele," kaha valukile Paulu "Mulekuliu," muomuo ikeye uahianene kuhandeka. ¹³ Kaha sasendote ua Yupitele, ou ua kele na tembele yeni ku kuvuingililo vua limbo, ua nehele vangombe navupite na vivunga viose vazangele ku hana cikombelo. ¹⁴ Vunoni omuo va positolo, Mbanambasa na paulu, va civuile eci, va pulile vuzzalo vuavo na kuya vuasi vuasi mu civunga, uatambakanene, ¹⁵ "Enu vamala, muomuo vika mulina kulinga viuma evi? Netu na ua tuvantu, na cifua cimolika ngue enu. Tuli na kumizimbuila zimpande zia muzimbu ua cili mangana enu mua luluke kufuma kuvilinga vienu via vungocio nakuya kuli Njambi, ou natangele melu, namavu, na cisali na viose viuma vize vili muvikeko. ¹⁶ Mu miaka ya ku nima ua tavele mafuti ose kuenda muzinjila ziavo vavene. ¹⁷ Vunoni hange, kasile ngoco kuhona kuseza vukaleho vueni, vuno ni ua lingile mua cili muomuo natuhie mema akalunga kufuma muilu na miaka ya vimbuto viavingi, kusulisa mitima yenu na via kulia na ndzolela." ¹⁸ Hanga na mezi aha, Paulu na Mbanambasa vahasele kulingisa mbunga kati vauakombe leyele. ¹⁹ Vunoni vamo kuli va Yundeya uakufuma ku Antio ka vezile na kusindiya zimbunga. Vasele mavue Paulu na kuana kumu kokasiana kumu tuhula hambanza ya nganda, vasinganiekele nguavo natsi. ²⁰ Mu ntsimbu omu vandongesi veni vamene mukumu zingilika, ua hindukile na kuingila munganda. Halakaca, uaile ku Ndevele na Mbanambasa. ²¹ Kaha omu muva menesele kumbulula muzimbu ua cili mu nganda ize na ku puisa vavengi kupua vandongesi, vahilukile ku Lisitala, Ikoniu. ²² Kaha na ntsintsa na kuana kutakamesa miono yava ndongesi na kuva sindiya va tualeho mulutsitielo, ngueni ,"Tu napande kuingila mu vuangana vua Njambi kuhitila mutuyando tua tuingi." ²³ Kaha omuo tehavana vaha nguila va kuluntu mu vikunguluilo viose, kaha vana vundila na kulikela kulia, kaha vava kundikile kuli muangana, muli ikeye muvatsilielele. ²⁴ Kaha vapulakanene mu pisindia na kuiza ku Pamefilia. ²⁵ Kaha omu vana mbulula mezi mu Pelenge, va sikumukile ku Atalia. ²⁶ Mukufuma kuze vaile mu vuato na kuya ku Antioka, kuze ha likozi lia Njambi va pangele na kumanusula vipangi. ²⁷ Kaha omu va hetele mu Atioka naku kungulula hamo mbunga ya vana va Njambi, kaha va ambuluile viose viuma vize Njambi na lingile kuliva kevo, nomu muana sokoluele lipito lia lutsilielo kuli vantu va kamiyati yeka. ²⁸ Va simbuileho muku tumama nava ndongesi.