¹ Vuno mucikunguluilo mu Antioka, kuakele vamo va polofeto na valongesi. vakele Mbanambasa, Simone, (uze iva lukile Ningele), na Lusiu ua Kusilene, na Manaene ( ikeye uze uakulile hamo na muangana Helonde), na Saulu. ² Kaha omuo vavangele muangana naku likela kulia, muzimu uakulela ua handekele, ngueni, nji hangunuinenuko Mbanambasa na Saulu, kuvipa vize nja vasanena." ³ Kufuma ava vose, omuo vana likelele kulia na kuvundila naku vasaleka mavoko avo, vavatumine. ⁴ Kaha Mbanambasa na Saulu, vavatumine kumuzimu uakulela, va yile ku Seleisiya; Kaha kufuma kuze vayile na kuzavuka kuya ku Sipulu. ⁵ Kaha omu vahetele munganda mu Silamisi, va ambuluile lizi lia Njambi mu ma sinangonga ava Yundeya. Kaha vakele naua na Yoano cikuaso. ⁶ Kaha omu vaputulakaneneyose nkundu kuheta ku Pafosi, vavanene umosi cimbanda, ka polofeto uamakuli, kaha ikeye ka Yundeya, lizina lieni Mbale yesu. ⁷ Ikeye uakele hamo na nguvulu, Selengiu Paulusi, ikeye ua kele namana. ikeye uasanene Mbanambasa na Saulu, veze kuli ikeye muomuo vatondele kuivua lizi lia Njambi. ⁸ Vunoni uze cimbanda Elimase ( muomuo mukemuo mua lunduluka lizina lieni) ua vavianene, uesekele kutangula nguvulu linga kati va atsiliele. ⁹ Vunoni Saulu, ikeye valuka Paulu mukusula na muzimu uakulela, ntma na meso eni, ¹⁰ kaha uahandekele, "ove muana ua mukua kusulana ku kokola na kusulana vindza viose, ove mua na santana.Ove cituzi cavuviuke vuose, kaukatava kulikela ku alulula zindzila zia kuoloka zia muangana ni? ¹¹ Kaha vuavuno, tala, livoko lia Njambi lili ha liove, kaha ukapua ukapuputa. Ka ukamona litangua hansimbu imo."Kaha kuamuuilile mbundu na milima; kaha uaputukile kaha ue ndanganene kutonda vantu vamutuamenene kumukuata kulivoko. ¹² Omuo uze nguvulu uamuene via solokele uacitavelele, muomuo uakomokele haci longesa ca mezi a Njambi. ¹³ Kaha Paulu navaze vakele neni vayile mu vuato ku Pafose kaha vahetele ku Pelenga mu pa Mefilia vunoni Yoano ua vasile kuhiluka ku Yelusalema. ¹⁴ Paulu na masepa zieni fumine ku Pelenga, vahetele ku Antioka ya Pisindia. Kaha vayile vengilile mu sinangonga kulitangua lia sapalalo nakutuma. ¹⁵ Omo vamenesele kutanga mezi alusiko nava ntuamena nava positolo, kaha vantua mena va sinangonga vatumine mezi nguavo, "va muanetu, ngue muli namezi akumamuna nao vantu hano, handekenu." ¹⁶ Kaha Paulu uakatukile uasovueyelena livoko lieni uahandekele ngueni, "vamala va ku Isalela nenu muli na kuivua vuoma Njambi ivuenu. ¹⁷ Njambi ua va ka Isalela ua hanguele vakukuetuna hakele vantu ku vukama umo valisukile ku cifuti caIngipito, kaha ua zunduile livoko na kuva tuhula kuze. ¹⁸ Miaka makumi auana uavambatele ku vatuala mumpambo. Lamene muze mu mpambo. ¹⁹ Hanima yaku nongesa vifuti vitanu navivali mu mavu a canena ua hanene vantu cifuti vacisuane. ²⁰ Viose evi viuma via lingiuele mua hiti miaka 450. Hakukuma caviuma viose, Njambi uava hele vangazi nakuheta na kuli Samuele kapolofeto. ²¹ Kaha vantu vatondele muangana, kaha Njambi ua vahele Saulu muana ua kisi, yala ua kumu yati ua Benjamini ku kala ha vuangana miaka makumi auana. ²² Hanima ya kumufumisa ha vuangana ua hakele Ndaviti akale muangana uavo. Kaha Njambi uaimuene muli Ndaviti muli vusunga, uahandekele, 'njina uana Ndaviti muana Jesse kupua muntu kufuma kumutima vange vekupanga viose vinje kumutuma.' ²⁴ Kufuma kuntanga ya Ndaviti, kalunga nanehela va Isalela muovole, ikeye Yesu, ngecize muze mua sikile kulinga. ²³ Nsimbu kanda Yesu eza, Yoano uatualele muzimbu ua kuzimika cakupihilila nakua lumuka vantu vose vamu Isalela. ²⁵ Yoano hakukumisa milimo yenu, ua vahuile ngueni, ange yange yiya? Ange kati yange. Vunoni ivuenu, umo uli nakuiza munima vange ka njikasa kuzitula miva kumendolo yeni enu vandumbuange,' ²⁶ Vana vakuntanga ya Avalahama navaze mukati kenu va muivua kalunga vuoma,mezi akuovoka vana tutumina oetu. ²⁷ Vaze vakala mu Yelusalema hamo na vaka kuyula hakuhona kumu tantekeya. Cipue mezi ava Ndongesi vaze vekutanga nsimbu yose ha sambata na kumu sembuluta. , ²⁸ Cipue kavamu vanene mulonga uaku mutsiha, kaha va vundikile Pilato nguavo amutsihe. ²⁹ Omuo muvakumisile viose viuma vize viva sonekele, vavumisele kumutina kumuhaka mu cimbumbe. ³⁰ Njambi ua muhinduile kufuma kuvatsi. ³¹ Vamu muene ha matangua aengi kuli vezile hamo neni kufuma ku ngalileya kuya ku Yelusalema. Ava vantu vanapu vinjiho ku mbunga. ³² Tuli naku mileka muzimbu uacili nguetu, lisiko luafumine kuli vatata mukeko natesamo, ³³ kulietu vana vavo, haku mukatula Yesu. Ngue muze vasoneka ku mukanda ua Masamu: 'Ove umuanange, lelo njinapu njiiso.' ³⁴ Muze mua hinduile kufuma kuvatsi kuhona kuhilukako, Njambi ua handekele munjila eyi: Kaha ngue omova hinduile ku vatsi, navuavuno kali kahiluka kukupola nahandeka ngecize ngueni: 'njikakuhia vivesikiso vize via kulela navia cili via Ndaviti.' ³⁵ Mukeko mua handekele mumukanda ueka ua Masamu, kaukahana ouve mukua kulela kumona kupola. ³⁶ Ndaviti omu mua kumisile kuzata mua Njambi mu cisemunuena ceni, uavuele tulo; kaha vakosele navisemijeni na mu vila ueni ua polele. ³⁷ Vunoni uose uze Njambi ya hinduile kali kapola. ³⁸ Tantekeyenu nuenu vandumbuange muze ou yala uli nakuambulula lukonekelo kusili. ³⁹ Muli yikeye uose akatavala akasamba kufuma kuviuma viose kuji simbi jamose ka vaka ku sambesa. ⁴⁰ Ngoco vene zangamenu kutina cize civa handekele kuva ndongesi kati cika moneke kulienu: ⁴¹ Talenu enu vakua ku yengula, komokenu kaha mukanonga; muomu njikapanga cimo kumatangua enu. ⁴² Va Paulu na Mbanambasa vaile kaha vantu vavundilile vatela kuhandeka amomezi naua ha sambata. ⁴³ Muze cakumine kuliuana mu sinangonga nakuivua va Yuleya vavengi navakua vizilika vaze valemesele Njambi vakavele Paulu na Mbanambasa, kaha vakevo mukuhandeka navo vava sindiyile kusuenesako mukavumbi ka Njambi. ⁴⁴ Kaha yikuavo sambata, kaha nganda yose vakungulukile hamolika na kuivua mezi a Njambi. ⁴⁵ Omu va Yundeya vamuene vivunga vize, vasulile na lifuua kaha va vianene vize via handekele Paulu kaha va sahuile Njambi. ⁴⁶ Kaha va Paulu na Mbanambasa vahandekele naku simpa kaha vahandekele nguavo, capandekele cize tu handeke lizi lia Njambi nenu hakatete. Talenu, talenu omo muli nakuli nanakula kulienu, kaha mualitambula ngecize kamua viukilile muono kauekuhua ua ya-ye,kaha talenu, luka luluka kuvakua vifuti. ⁴⁷ Muomu muangana natusika ngecize vene, ngueni njina kutumbika ngue ceke ca vakua vifuti linga ukalinge vuovole nakumutambu uze kua lenga mavu. ^{48 49} Kaha omo vakua vifuti vavuile eci vazolelele va nzumbangeyele lizi lia Njambi. Kaha vaze vose vana vatu mbuilile muono ka ueku hua ua yaye-ye va tsililielele. Kaha lizi lia Njambi lia sanduokele ku cifuti cize cose. ⁵⁰ Vunoni va Yundeya vasindiyile vampuevo vaze vatsimanene vakevo va kua kulemesa Njambi, nava kuluntu. Vanganda kaha vasangumukile kayando kuli Paulu na Mbanambasa, vava sakuile yavo. ⁵¹ Vunoni Paulu na Mbanambasa valitoto muene lukungu kumikono yavo. ⁵² Kaha vayile ku nganda ya Ikoniu. Vandongesi vasulile na ndzolela na muzimu ua kulela.