¹ Ba Yawe kabalabila kuli Mose , ati ² '' Bebe abantu abena Isilaeli , ' Kani umo akita ifyakubifya ifi talingile ukukita , ikili kyonse ikyo ba Yawe ba kambisha ukubula ukukikita , kabili kani akikita iki bakenye , ifi finga kitika . ³ Kani umupapatilishi umukulu akita ifyakubifya aba uwa kuleta ubushinino kubantu , lekeni apana umutulo wa bubi bwakwe ubo akita , apane umwana wa ng'ombe ilume , uyo tanga kwatapo akalema kuli Yawe , kwati mulambu wa fya kubifya . ⁴ Penka akalete ing'ombe ilume kumulyango wetente lyebungano pamenso aba Yawe , nekubika ukuboko kwakwe pamutwi wang'ombe , kabili akepaye ing'ombe ilume pamenso aba Yawe . ⁵ Kabili umupaptilishi usubilwe akabwe umulopa wang'ombe ilume nekutwala mwitente lyebungano . ⁶ Penka umupaptilishi akatupemo umunwe mumilopa ne kusansa imo umkwi isanu naibili ku menso aba Yawe , apatali ne kipembe ikya nkyende ishilile . ⁷ Penka umupaptilishi akabike imilopa imo pamasengo akyonto kyafinunkile bwino pamenso aba Yawe , ikyo ikili mwitente lyebungano , kabili aketulula umulopa onse uwang'ombe ilume panshi ya kipailo kyakokelapo imilambu , ikyo ikili kumulyango wetente lyebungano . ⁸ Kabili alafumye amafuta onse a ng'ombe ilume yamulambu wafyakubifya ; amafuta ayo afimbilishe ifya mukachi . Onse amafuta ayo alamete kufyamukachi , ⁹ ne mfyo shibili nemafuta ayo ali mulisho , ayo ali mulubanda , ali ,mukyakufwala ikitali ikya basapa , nemfyo - ye akafiputula fyonse ifi . ¹⁰ Ye akafiputula fyonse ifi fyonse , koti nifyenkefi ifi aputukufuma ku ng'ombe ilume kochi mulambu wa mutende . Penka umupapatilishi akokya ifi fiputulwa pa kyonto kya milambu yakokya . ¹¹ Popele ikiseba kyang'ombe pamo ne minefu iye ngashalapo , nemutwi , ne molu , ne fiputulwa fyamukati netufi , ¹² kabili nafyonse ifi putulwa wa fyang'ombe ilume akapinte ifi fyonse ifiputulwa pesonde yankambi , kukende iyo bangwamishisha , kwishala uko bechila ubutoyi , bakokye filya ifiputulwa pankuni . Balyelelwe ukokya ifi fiputulwa penkapalya apa bachila ubutoyi . ¹³ Popele kani ibumba lyonse ilyabena Isilaeli likakite fya kubifya ukwakubula ukufwa a ukukita ukubifya , kabili nebungano ili talishibile ati akita ifya kubifya nekukita ifili fyonse ifi tabakambishe ba Yawe ukubula ukukita , nangu kani bali abashininwe , ¹⁴ Penka , ili ukubifya ukubakila kwa shibanikwa , eli ibumba lulingile ukupana ikyabupe kya mwana wang'ombe ilume iya umulambu wafyakubifya nakuleta kwitente lyebungano . ¹⁵ Penka abakulu be bung'ano bakabika amaboko abo pamutwi wa ng'ombe ilume kumenso aba Yawe , kabili neng'ombe ilume bakaipaila ku kumenso aba Yawe . ¹⁶ Kabili umupapatilishi usubilwe akalete imilopa shimo iya ng'ombe ilume kwitente lyebungano . ¹⁷ Naye umupapatilishi akatumpika umunwe wakwe mu mulopa ne kuikusaika imikwi isanu naibili kumenso aba Yawe , kabili na kukupembe , ¹⁸ kabili akabika imilopa imo pansengo sha kipailo ikyo ikili kumenso aba Yawe , ikyo ikili mwitente lyebungano , kabili a ketulula imilopa yonse panshi yakya kokelapo imilambu yakokya , i yoo ili pamulyango wetente lyebungano . ¹⁹ Kabili akakesa amafuta onse neku okya pakipailo . ²⁰ Ifi efyo alingile ukukita kung'ombe ilume , koti nifyenka akitile ne ng'ombe ilume iyamulambu wafyakubifya . Alyelelwe ukukita fyenkefyo kuli iyi ing'ombe ilume , mupapatishi naye akabafitulukilako abantu , kabili bakalekelwa imilandu . ²¹ Aka pinta neng'ombe ilume pesonde yankambi neku yokya kochi nifyopele filya a okele ing'ombe ilume itanshi . Uyu emulambu wafyakubifya uwe bung'ano . ²⁰ Ifi efyo alingile ukukita kung'ombe ilume , koti nifyenka akitile ne ng'ombe ilume iyamulambu wafyakubifya . ²¹ Alyelelwe ukukita fyenkefyo kuli iyi ing'ombe ilume , mupapatishi naye akabafitulukilako abantu , kabili bakalekelwa imilandu . Aka pinta neng'ombe ilume pesonde yankambi neku yokya kochi nifyopele filya a okele ing