¹ Kani umuntu kaleta imilambu sha kalyo kuli ba Yawe , imilambu shakwe shililingile ukuba ubunga bwafulaulo ubupelekele , kabili akechilepo amafuta kabili no kubikapo ifinukine . ² Alilingile ukutwala mulambu kubana baka Aloni abalalume aba patilishi , kabili kweka kulya umupapatishi akatole ubunga bwa fulaulo ukupelekele ubuli nama futa mukuboko kabili nefinukile bwino . Penka umupaptishi akocha imilambu pakyokelo umulambu uwakwimakaninako . Kika fumya ubwema ubuweme kuli ba Yawe ; kikaba umulambu wakumupangila ye kumulilo . ³ Efili fyonse ifi kashala kafilimwa fya imilambu fikaba fyakwa Aloni nabana bakwe umwalalume . Kilikyakushila ku ushilile kuli ba Yawe ukufuma ku milambu kuli ba Yawe ukupangwa ku mulilo . ⁴ Lomba elyo mwalete ifya kalyo fya milambu ukwakubula ibisho yakutekelako bashikwa , ukabashikwa unakile ubupelekele ubwa fulaulo ubwa kusakanya na mafuta , nangu shinkwa ukosele uwakubula ibisho , iyo usakakene na mafuta . ⁵ Kabili kani ifyakalyo fya milambu ifi tekewe pali umwipika uwa kutekamo uselebele uwa kyela , bulilingile ukuba ubunga ubupelekele ubwa fulaulo ubwakubula ibisho iyo isakane na mafuta . ⁶ Mukafyabanye mufipifwa na kwichilapo amafuta . Ifi efya milambu yakalyo . ⁷ Ifya milambu yakalyo ifi takelwe paboto iyi sebalele , fililingilwe uku pangiwa nobunga ubupelekele ubwa fulaulo na mafuta . ⁸ Ulilingile ukuleta milambu sha kalyo ishi pangile kuli ifi fintu kuli ba Yawe , kabili kikaba no kumuleta pa menso ya bapapatishi , uyo ukaleta pa kyokelo . ⁹ Popele umupapatilishi ali nokusenda fimo uku fuma kukalyo kamilambu kya kwimakaninako ku milambu , kabili bakakyoshela pa kipailwo . Ekekala imilambu iya kupanga namulilo , kabili ikaba iya kuleta ubwema ubuweme kuli ba Yawe . ¹⁰ Nafifyofikashalako fyakulya fikekala fyaba Aloni nabana bakwe abalalume . Kili kishilile kuli ba Yawe uku fuma kumilambu kuli ba Yawe ukupangwa kumulilo . ¹¹ Takuli ifyakulya fya milambu ingapewa kuli ba Yawe ifingapangwa ne bisho , tekwesha ukocha ibisho , nangu buki , ukuba imilambu iya pangwa kumulilo waba Yawe . ¹² Mukapela ba Yawe ukuba fya milambu yasoma iya fyakulya , pano tafyakabe ubwema ubuweme pa kipailo . ¹³ Mukabike umukele kukalyo kenu no kukanika . Tamulingile ukusuminisha umukele uwa kalayang'ana naba Lesa ukufuma ku fyakulya fyelambu . Nashonse imilambu shenu mukupele umukele . ¹⁴ Nga mwapana ikyakulya fyamilambu fyasomo kuli ba Yawe , paneni ifyakulya ifibishi ifya kocha pamulilo kabili no kufilwa fyaaluka bunga . ¹⁵ Penka makabikepo amfuta ne finukile bwino . Iyi mulambu wakalyo . ¹⁶ Penka umupapatishi akokyapo fimo ifya pakalyo kakusasaula ne mafuta nefinukile bwino ukuba umulambu wakwimakaninako . Uyo mulambu wakupanga nomulilo kuli ba Yawe.