¹ Penka ishiku shisanu na shitatu Mose kamwita Aloni kabili ne bana bakwe ne bakulu abena Isilaeli . ² Naye kalabila kuli Aloni , '' Ubule umulume umwana wang'ombe abe mu lambu wafya kubofya , kabili ne mukoko uwakubula ubulema muku pana umulambu wakokya . Mu kupela fyonse pa menso aba Yawe . ³ Webo ube nekulabila kulyaba a bantu abena Isilaeli ne kulabila ati , ' Bula ne ya lalume imbushi ibe mulambu wa fyakubifya ne mwana fibili ifya mwaka umo ifya kubula ubula ubulema . Ifya mulambu wakokya ; ⁴ Penka bula ing'ombe iya kukikokoli ne mukoko umulume mulambu wa mutende uwakwambula kuli ba Yawe . Kabili ne mulambu waseke uwakusakanya ne ma funta . Pakuti lelo ba Yawe bali ne kumoneka kuli mwebo . ''' ⁵ Penka kabaleta fyonse ifyoifi Mose ifyo abaka mbishe kwintente ilya kukumaninamo . Kabili na bonse aba pwilile pamo abena Isilaeli balipalamine ne kwimakana pa meso aba Yawe . ⁶ Penka Mose kalabila ati ,'' Ifi ifyo ba Yawe babakambishe nabo ukukita . Pakwebati ubuleme bupelwe kuli mwebo. '' ⁷ Mose kalabila kuli Aloni , '' Isa kubwipi kukipailo kabili mukupela umulambu wa fyakubifya fyobe mulambu wa kokya . kabili mukukita ukufitulukila kuli we mwine kabili na kubantu . Kabili ukuli pela bulilambu ku bantu na mukukita muli fyonse , kwatini ba Yawe ifyo ba bakambishile . '' ⁸ Penka Aloni kaya mukupalamina pa kipailo kabili ne ku pana umwana wa ng'ombe ukuba mu lambu wa fyakubifya , uyo uwali wakwe umwine . ⁹ Bana ba kwa Aloni bali letele umulopa kuli ye . Kabili naye katupamo umunwe wakwe mweka mu lya kabili ukubikamo mumasengo pa kyakokelapo , penka naye ka ichilapo ne milopa pashi ya kyako kelapo umulambu . ¹⁰ Pakuti palifi , naye ka okya amafuta , ne ifyo shonse , kabili ififimbilisha pamachima ayo pakya kwipailapo ikya mulambu wakubifya , penka ba Yawe bali belene kumukambisha Mose . ¹¹ Penka inama ne fyafishilwe alyokele pesonde lya mushi . ¹² Aloni kaipaya umulambu wa kokya , kabili abana bakwe kabamupela umulopa , uyo ashingile mukwesakanya ponse pakya kokelapo umulambu . ¹³ Penka kabapela kuli ye umulambu wa kokya . Pakiputulwa pakiputulwa . Fyonse pamo ne mutwi , kabili naye kafyokya fyonse pakya kokelapo umulambu . ¹⁴ Naye kasafya ifya mumala ne molu kabili ne kufyokya fyonse peulu ya kya kokelapo umulambu peka pakyakokelapo . ¹⁵ Aloni kapela imilambu ya bantu - imbushi . Penka kabula ati abe mulambu wa fyakubifya kabili ne kwipaya ati , naye alambule ati mulambu wa kubufya . Koti ne fyo akichile kumbushi iya kwitanga . ¹⁶ Naye kaleta umulambu wakokya ne kulambula kuli ba Yawe pantu kwali kuba kambisha . ¹⁷ Naye kapela iseke ishamulambu : isho aiswishe mumaboko akwe pamo ne ku okya ati abe mulambu pakya kokelapo , kwali pamo lukelo ulo bali kokya umulambu wa kulambula . ¹⁸ Naye kaepaya ing'ombe yakikokoli kabili ne mukoko umulume emulambu wa mutende uwakulambula , pa kuti wali wa bantu . Aloni abana bakwe kabapela kuli ye ifya mulopa . Ifyo ifi ashingile mukwesakanya Mose mukende na pa kya kokelapo umulambu . ¹⁹ Nangabati nabo bakafumya ifya mafuta ang'ombe ishilume ne mikoko ilume , ne mafuta aku mikila , amafuta afimba pafya mukachi , ifyo , ne fimba pamachima . ²⁰ Nabo kabapinta ifiputulwa ifyo ba putwile kabili ne kufibika fyonse pa mabele . Kabili na Aloni kafyokya ifya mafuta peka pakya kokelapo . ²¹ Aloni kabula inama ya mabele ne ya kululyo iya kufiso ibe iyelelwe umulambu kuli ba Yawe . Kwati ifyo Mose abakambishe . ²² Penka Aloni kasutula amaboko akwe ukuntashi sha abantu kabili ne kuba shukisha nabo : penka naye alikile pashi ukufuma mukupela umulambu wa fya kubifya , mulambu wa kokya , kabili ne mulambu wa mutende . ²³ Mose na Aloni kabaya mwitete umwakukumanina . Penka kafumamo libili , kabili ne kubashukisha abantu , kabili na mubuleme bwa ba Yawe bwali monekele ku bantu bonse . ²⁴ Umulilo kaufuma kuli ba Yawe kabili ka onaula umulambu wa kokya , ne mafuta ali pakyakokelapo , mafuta ifyo afyali pa kya kokelapo umulambu . Pemka abantu bonse ilyo na mwene ifi kababilikisha kabili ne kukunika ifilungi panshi .