¹ Ba Yawe balilabile kuli Mose , ati , ² '' Labila kuli Aloni nabana bakwe , naku bantu bonse abamu Isilaeli . Ukabebe efyo ba Yawe bakambisha : ³ ' Umwalalume onse ukufuma mu Isulaeli uwipaya ing'ombe , umukoko , nangu ni mbushi munkambi , nangu uukepaya kumpelo yankambi mushila ya milambu - ⁴ kani taletele pamulyango wetenete ilyaku kumenamo kukupana kwati mulambu kuli bayawe , pantashi yambokoshi yabo , nishi ulya umwalalume ashininwa kukwitila umulopa . Kabili ulya umwalalume bamufumyeko ku bantu bakwe . ⁵ Ikine ikintu uyu umukambisho kyakwebati abantu bamu Isilaeli bakalete imilambu kuli ba Yawe pamulyango wentete iyebungano kuli ba Yawe , abapyungishi kyakupana ifyamilambu mumpusha yamwibala ilili apatubile . ⁶ Umupyungishi akasanse umulopa pakyonto kwilyango wetente ilya kukumaninamo . '' akokye amafuta pakwebati akapange ubwema ubuweme kuli ba Yawe . ⁷ Abantu tabafwile ukutwala imilambu shabo kufilubi fyambushi ne , efyo balikukila koti ba chechemeshi . Iki kika likuba kibunbwabumbwa ikimakanikilwe , mulibo ukupita monse mufikota fya bantu babo . ⁸ Ukakabakambishe , '' Onse umwalalume mu Isilaeli , nangu umwinafyalo uwikala uupana umulambu wakokya nangu kutapisha . ⁹ Kabili nekuleta kumulyango wetente ilyaku kumaninamo mukwebati balambule kuli ba Yawe , ulya muntu bakamufumyako kubantu bakwe . ¹⁰ Kani umuntu uwa mung'anda ya bena Isilaeli nangu umwina fyalo eo bekala nakwe akalye pamulopa . Nkabika ikilungi pali ulya umuntu uulya umulopa nokumufumyako , kubantu bakwe . ¹¹ Pakuti umweo wanama uli mumulopa wayo . Namipela umulopa wayo ukupanga ikyakufutilako imilandu , pakuti imilopa eshilenga ukutubishiwa kwa mweo . ¹² Apa nalabila kubantu aba mu Isilaeli ati takuli uli onse muli mwebo uwakulua umulopa nangufye umwinafyalo uwikala nabo uulya imilopa . ¹³ Uli onse mubantu aba mu Isilaeli nangu umwinafyalo uwikala nenu , balya abafwaya no kwipaya inama nangu akoni akakwebati bakalye , ulya muntu afwile ukwitila umulopa no kushikapo amaluba pa mulopa . ¹⁴ Ubumi bwa kintu kyonse ikyumi buli mumulopa . Ekyo nalabilila kubena Isilaeli , '' Tamufwile mwalya umulopa uwa kilengwa , pakuti umweo wakyonse ikipema uli mumilopa yakyo . Uyo onse uukalya bakamuputulako . '' ¹⁵ Ulya onse uukalya inama iyalifwila nangu iiba tabaula kunama isha mumpanga , nangu uyo umuntu alifyalikilwe mukyalo nangu mwinafyalo uwikala nenu , akawashe ifyakufwala fyakwe neku samba mumenshi , kabili akaba wafiko ukufika nempindi yakyungulo . Penka akaba mutubile . ¹⁶ Lomba kani lawashishe ifyakufwala fyakwe ne ku sanfya umubili wakwe penka alyelelwe uku pinta ukushininwa kwakwe . '''