¹ Ba Yawe balilabile kuli Mose na Aloni ,ukwebati , ² '' Labila kubena Isilaeli , ne kuba bulati , ' Kani mwalalume onse ali bulwele bwa kuswa kufuma kumubili wakwe wabwalalume , akaba wafiko . ³ Ukuba nefiko kwakwe kukaba nipa mulandu wabulwele bwakuswa kwakwe . Nanga kingabati umubili wakwe akili akooswa nangu aleka , wafiko . ⁴ Mupunda onse alalapo akaba wafiko , kabili nafyonse apoaikala fikaba fyafiko . ⁵ Onse uukekata ku mupunda wakwe afwile akawashe ifya kufwala ne kusamba mu menshi , kabili akaba wafiko kufika na kyungulo . ⁶ Onse uukekala pakintu kyonse apaikele umwalalume wa bulwele bwa kuswa , uyo muntu afwile awasha fyakufwala fyakwe ne kusamba mu menshi , kabili akaba wafiko kufika na kyungulo . ⁷ Onse uwaikata pa mubili wa onse uuli ne bulwele bwa kuswa afwile akawashe fyakufwala fyakwe ne kusamba mu menshi , kabili akabawa fiko kufika na kukyungulo . ⁸ Nga muntu uuli ne bulwele bwakuswa ashipila umuntu utubile , penka uyo muntu akawashe fyaku fwala fyakwe ne kusamba mu menshi , kabili akaba wa fiko kufika naku kyungulo . ⁹ Ne kyakwikala pakyonse apo aikala pakwensha uulwele bulwele bwa kuswa kikaba kyafiko . ¹⁰ Kashi onse uwaikata ku kintu kyonse ikyali panshi yaulya muntu akaba wafiko kufika na kyungulo , kabili onse uwapinta filya fintu afwile akawashe ifya kufwala fya kwe ne kusamba mu menshi ; kabili akaba wafiko kufika na kukyungulo . ¹¹ Onse umuntu baikata ku mulwele wa kuswa apakubulo kusamba kumaboko akwe ne menshi afwile akawashe fyakufwala fyakwe ne kusamba mu menshi , kabili akaba wafiko kufika na ku kyungulo . ¹² Inongo yonse aikatako umulwele wa kuswa ifwile yatobaulwa , kabili ne kipe kyonse kyambao kifwile kyasafiwa mu menshi . ¹³ Kani umwalalume uulwele bulwele bwa kuswa atubishiwa kukuswa kwakwe , penka afwile alipendela ishiku isanu na ibili yakulitubisha ; penka afwile a washa ifyakufwala fyakwe ne kusamba pa mubili na menshi aakopita penka akaba uutubile . ¹⁴ Pabushinku bwa busanu na butatu afwile akapele nkulimba ibili neli bakiiba babili abakiliko banini ne kwisa kuntangile yaba Yawe kumulyango wa tente mwakubungema ; Kulya eko afwile kupela utoni mupapatilishi . ¹⁵ Umupapatilishi afwile afipela , umo mulambu wa kubifya kabili umbi mulambu wa kokya , kabili umupapatilishi akamulambwilwko kuli ba Yawe pa bulwele bwa kuswa kwakwe . ¹⁶ Kani umwalalume uuli onse a fumya menshi a bufyashi , penka afwile akasafye mubili wakwe onse mu menshi ; akaba uwafiko kufika na kukyungulo . ¹⁷ Ikyakufwala kyonse nangu kiseba apakaba menshi yabufyashi kifwile kyasafiwa ne menshi ; kikaba kyafiko ukufika nakukyungulo . ¹⁸ Nga mwalalume alal ne mwanakashi kabili paba ukufumishiwa kwa menshi yabufyashi , bonse babili bafwile basamba namenshi kabili bakaba bafiko ukufika na kukyungulo . ¹⁹ Inga umwanakashi aba ku mwenshi , ifiko fyakwe fikakonkanyapo pashinku isanu na ibili , kabili onse uwamwikata akaba wafiko kufika ku kyungulo . ²⁰ Fyonse ifi alalapo panshiku yakwe yaku mwenshi fikaa fya fiko ; fyonse fi aikalapo nanfyo fikaba fya fiko . ²¹ Onse uwaikata umupuda wakwe afwile a washa fyakufwala fyakwe ne kusamba mumenshi ; kabili ulya muntu akaba wafiko kufika na ku kyungulo . ²² Onse uwaikata ku kintu kyonse ikyo aikalapo afwile a washa ifyakufwala fyakwe ne kusamba mu menshi ; uyo muntu akaba wafiko ukufika naku kyungulo . ²³ Neli engaba nimupunda nangu ikili kyonse apo aikala , nga aikatako , uyo muntu akaba wafiko ukufika na ku kyungulo . ²⁴ Kani umwalalume uuli onse alala nakwe , kabili ne mulopa uwasesa amulambata , akaba wafiko panshiku isanu na ibili . Mupunda onse alalapo akaba wafiko . ²⁵ Kani umwanakashi afuma umulopa pa shiku ishingi ekwebati talipo ni shiku yakwe yakuba ku mwenshi m nangu ako fumya mulopa ukupita pa pindi yakwe iya kuba ku mwenshi , mushiku yonse yakufuma kwa fiko fyakwe , akaba kwati nifilya aba mu shiku shakwe ishi aba kumwenshi . Wafiko . ²⁶ Umupunda onse uyo alalapo mu pindi ya kufuma kwa mulopa kwakwe akaba pamo lukoso koti nifilya aba pashiku yakwe yakuba ku mwenshi , kabili fyonse ifi akalapo fikaba fyafiko , koti fiko fyakwe ifya ku mwenshi . ²⁷ Onse uwaikata kimo pafifi fintu akaba wa fiko ; afwile awasha fyakufwala fyakwe kabili asamba mu menshi , akaba wafiko ukufika na kukyungulo . ²⁸ Lomba kani alitubisha kuku fuma kwa mulopa kwakwe , penka akalipendele shiku isanu na ibili , kabili panuma yafifi akaba utubile . ²⁹ Pabishiku bwa busanu na butatu , aka pinte nkulimba ibili nangu ba kiba babili ne kufileta ku mupapatilishi ku mulyango wa tente wa kubungenamo . ³⁰ Umupapatilishi akalambule akoni kamo koti mulambu wa kubifya kabili kambi koti mulambu wa kokya , kabili akamulambwile ko mwana kashi kuli ba Yawe pafiko fyakwe fyakufuma mulopa . ³¹ Ifi efyo mufwile mwapatula abena Isulaeli kufiko fyabo , pakuti tabafwile pamulandu wa fiko fyabo , pakonaula mwi kelesha , lyangi umo ngikala muli bena . ³² Iyi emishilo ya muntu onse uuline ku fumya ifya menshi - menshi , ya mwalalume onse uyo amenshi abufyashi akwe afuma kuli ye ne kumulenga kuba wafiko , ³³ ya mwanakashi onse uuli ku mwenshi , ya muntu onse uuline bulwele bwa kusesa , kibe mwalalume nangu mwana kashi , kabili ya mwalalume uwalala ne mwakakashi wa fiko . '''