¹ Bakwesu, kulombozhya ikwa moyo wangu alimwi akulomba kwangu kuli Leza nkukwabo balo, ku luhwutuko lwabo. ² Mbuli mbwe ambaula kukwati kizhya mbabo abakwete luyandhyihyo ulwa Leza, pele kutali mbuli kweelanya aluzhyibo. ³ Mbokunga, kukakilwa kuteelela bululami ubuhvwa kuli Leza, alimwi akuyandaula kubamba bululami bwabo, tiibakali bombya kubululami bwaka Leza. ⁴ Mbokunga Klisto ngobuzuzhyiko ubwa mulawo wa bululami kuli woonse uyo uuhyoma. ⁵ Mbokunga Moses ulalemba kukwatikizhya bululami ibuhvwa ku mulawo: "Muntu uucita bululami bwa mulawo ulakapona kubululami ubu." ⁶ Pele bululami buhvwa ku luhyomo lwaamba boobu: "Utaambi mumoyo wako kuti, 'Nguni uuya kutanta kwizeulu?' (nkokuti, kuya kwaahvwula Klisto anhyi); ⁷ alimwi utaambi kuti, 'Nguni uuya kuselemuka mu kabanda?" (nkokuti, kuya kumuleta kuhvwa ku bahwu). ⁸ Pele ino waamba buti? "Kuti izwi lili kuhwaahwi andiwe, mukanwa kako alimwi amumoyo wako." Ilyo nde izwi lya luhyomo, ndyotu kambauka. ⁹ Nkaambo kuti amulomo wako ulahvwumina Jesu kuti Mwami, alimwi akuhyoma mu moyo wako kuti Leza waka mubuhya kuhvwa kubahwu, webo ulaka hwutulwa. ¹⁰ Nkaambo amoyo umwi ulahyoma alimwi akukwata bululami, alimwi ku mulomo umwi ulalyaambilila alimwi ulahwutulwa. ¹¹ Nkaambo mangwalo aamba kuti, "Oonse uyo uuhyoma ali nguwe takauhyiwa insoni." ¹² Nkaambo kunyina lwaandano akati ka mu Juda alimwi amu Greek. Aakaambo ka kuti nguwena Mwami ngo Mwami wa bantu boonse, alimwi ulihvwubile kuli boonse abamwiita walo. ¹³ Nkaambo oonse uyo uuyita ku zhyina ilya Mwami ulaka hwutulwa. ¹⁴ Ono mbobuti mbobanga ba mwiita uyo walo ngobatahyomi? Ino mbuti mbobakozhya kumuhyoma ooyo ngobatakahvwa? Mbuti mbubakozhya kuteelela kakunyina mukambauhyi? ¹⁵ Mbuti hena mbobakozhya kukambauka, ncita batumwa? - Mbuli mbocakalembwa, "Kubota matende abaabo bakambauka mulumbe mubotu!" ¹⁶ Pele tabali boonse mulumbe mubotu. Isaiah wakaamba, "Mwami, mbaani bakahyoma twaambo twesu?" ¹⁷ Aboobo luhyomo luhvwa kukuteelela, akwalo kuteelela kuhvwa kuzwi lya Klisto. ¹⁸ Pele ndati, "Hena tiibakateelela?" Izhya, mukahimpe kumaninine. "Muzuzumino wabo waunka munyika yoonse, amazwi aabo kumahyimpilo anyika." ¹⁹ Muli kooko, ndaamba kuti, "Hena Isreal taakali kuzhyi?" Kutaanguna Moses ulaamba, "Ndaka mutankanya ica munyono kubelehya icitali cihi. Kwiinda mucihyi citakwete kuteelela, ndakamukopa kuku mukalazhya mwebo." ²⁰ Nkokwaamba Isaiah wakali hyininzhye naamba kuti, " Ndakayanwa abaabo abata nkampaula. Ndakaliyubulula kuli baabo ibataka ndomba," ²¹ Pele kuli Isreal waamba kuti, "Buzuba boonse ndakatandabika amantanhyi aangu ku bantu abatanhvwi alimwi bapahyi."