¹ Ndabuzhya, hena Leza wakaba hwutatila bantu bakwe? Tacikozhyi kuba. Nkaambo ambebo ndi mu Isulaili, walunyungu lwaka Abraham, wa muhyobo wa Benjameni. ² Leza takaba hwutatila bantu bakwe, Balo mbaakazhyi lyoonse. Hena ulizhyi mangwalo mbwamukanana Elijah, mbuli mbwakamulomba Leza kulwana Isulaili? ³ ''Mwami, babayaya banhinhimi bako, bazhyi mwaya zhyipaililo. Mebo Idike ndime ndahaala, alimwi abuumi bwangu balabukapula.'' ⁴ Ino bwiinguzhyi bwa Leza bwaamba zhyi kuli nguwe? ''Ndalibikkila amabali zhyuulu zhyili ciloba zhya bamalombwana banyina nabakahyugamine Baol.'' ⁵ Nokuba boobo, ku ciindi cawono acalo nkwali mucaalizhyi akaambo ka kusala kwa luzhyalo. ⁶ Pele naa nkwiinda mu luzhyalo, nkokuti ono tacili mu milimo. Nkaambo luzhyalo inga tilwaba luzhyalo. ⁷ Ino nizhyi? Cintu Isulaili ncakali kukapula, ticakayanwa, pele basale bakwe bakacitana, alimwi boonse bakayumizhyiwa. ⁸ Cili mbubona mbokulembelwe: ''Leza waka bapa muuya wa kubula luzhyibo, meso kutewa kabataboni, matwi kutewa kabatanvwi,, kuhiikila mu buzuba obuno' ⁹ Mpoona Davida wakaamba, ''Matebule aabo abe citeezhyo akakole, cibe cilebyo alukomo kuli mbabo. ¹⁰ Meso aabo ajalwa kutewa bataboni, akwi ongomeka misana yabo lyoonse.'' ¹¹ Alimwi ndaamba, ''Hena bakalebwa kutewa bawe?'' Tabuli mbubo. Pele, akaambo ka milandu yabo, luhutuko lwaboola akuli ba manhi, kutewa babe a unyono. ¹² Ono kuti naa milandu yabo nja lubono lwa munyika alimwi naa kuleya kwabo nkwa lubono lwaba manhi, ino luzuzhyo lwabo luya kuba buti? ¹³ Pele ono ndikananina ndimwe noba manhi, mbuli mbwili mu apositolo waba manhi, ndalisumpula mu mulimo wangu. ¹⁴ Ndiza ndabanyemya ca bbihwe abo ibanyama mbuli ndime. Ndiza tuya kubahutula bamwi. ¹⁵ Kuti naa kukaka kwabo kwaamba kulilekelela ku nyika, hena kweempwa kwabo kuya kuba kwa buumi kunvwa ku lunhwu.? ¹⁶ Naa zhyihyango zhya kutaanguna zhyilasalala, nkokuti amaila oonse alasalala. Naa muyanda ulisetekene, nkokuti amitabi ayalo. ¹⁷ Pele kuti naa imwi mitabi ilikosokele, naa webo, mutabi wamusaansa wamusokwe, waswaangana ambabo, alimwi naa mwaba antoomwe mu muyanda mubotu wa cisamu camusaansa ¹⁸ utatwangi akaambo kamitabi. Pele na ulatwanga, toli ndiwe okwabilila miyanda, pele miyanda njikukwabilila. ¹⁹ Ono ulaamba, ''Mitabi yakangokwa kutewa alimwi ihyuuke.'' ²⁰ Aya mahimpe, nkaambo kakutahyoma bakaandana, pele uuime cakuzumanana akaambo kaluhyomo lwako. Utabi hicinguni mukuyeeya kwako, pele koyoowa. ²¹ Nkaambo Leza mbwatakahwila mitabi iniini insoni, ayebo takakuhwili nsoni. ²² Amulange. mpoona, luzhyalo lwa Leza: abuyumu bwakwe kuli babo bawile bama Juda, pele luzhyalo lwa Leza luboola kuli ndiwe, kuti kuti namwazumanana mu luse lwakwe. Ibuyo amwebo muya kunguhyiwa. ²³ Alimwi abalo, naa tabazumanani muku takondwa kwabo, baya kuswanganizhyiwa . Nkaambo Leza ulakozhya kubaswaanganya alimwi. ²⁴ Kuti webo nowakangokwa kumusamu wamusonkwe wamu saansa, alimwi cikozhyanya kubube, nokaswanganizhyiwa kucisamu camu saansa cibotu, ulainda buti kuli yeeyi mitabi yabwini, ilaka himpililwa kumusamu ulancico ca oliva. ²⁵ Nkaambo hiyandi kuti mutazhyibi zhyiwi, nobakwesu, hiyandi kti mutazhyibi aya makani ahisilwe, kutewa mutabi basongo mukuyeeya kwenu: Buyumu bwa Isulaili mbwacibeela buyo kuhikila mweelwe oonse waba manhi ukanjile. ²⁶ Aboobo Isulaili oonse uyakuhutulwa mbuli mbokulembelwe: ''Kunvwa mu Zion kuyakuvwa munununi. Uyakubunguhya butali buleza kunvwa muli Jakobe, ²⁷ alimwi eeci ciyakuba cizvuminano cangu ambabo, ndaakuguhya zhyibi zhyabo.'' ²⁸ Mbobuna mbuli bwaamba magwalo, kuli bahikondonyoko kuli nduwe. Pele mbobuli kusala mbokubele, mbayandihyi akaambo kabansiku. ²⁹ Nkaambo zhyipego alimwi alwiito lwa Leza tazhyikozhya kulehyewa. ³⁰ Mbubona buyo kaindi mbomwakali bazangi kwa Leza, ono mwatambula luse akaambo kabuzangi bwabo. ³¹ Ono muzhyila njiyona buyo, aaba bama Juda bakali bazangi. Buzubuluzhyi bwakali bwakuti ku luse lwakatondezhyewa kuli ndimwe nkokuti ono abalo balalutambula luse. ³² Nkaambo Leza boonse wababika kubuzangi kutewa atondezhye luse kuli boonse. ³³ Maawe, bulanhwu bwa bwami antoomwe abusongo alimwi aluzhyibo lwa Leza! Imbeta zhyakwe tazhyikapauwi, alimwi izhyila zhyakwe tazhyikozhye kuzhyibwa! ³⁴ ''Ino ngoni ukozhya kuzhyiba kuyeeya kwa Mwami alimwi ino ngoni unga waba hikumupa maanu. ³⁵ Hena nkwali naba omwe wakatanguna kupa citu kuli Leza, kutewa Leza amubbandele. ³⁶ Nkaambo kunvwa kuli nguwe alimwi kwiinda muli nguwe alimwi kuli nguwe zhyoonse zhyintu mozhyibele. Kuli nguwe bulemu bube kukabe kutamani. Amen.