¹ Ngambaula mahimpe muli Klisto. Nhebeyi' alimwi moyo wangu ulandibela kamboni mu Muya Uusalala ² kuti ndikwete kuusa kukando alimwi nkwete macise mapati mu moyo wangu. ³ Mbuli mbwinkonhya kulombozhya lwangu ndemwini kutukwa aimwi akubikwa ambali kuhwa kuli Klisto akaambo kabana bakwesu, bahiluhwubo lwangu kunyama. ⁴ Mbana Isulaili. Baka kona, bali akahimpe, bali acihwuminana, chipengo ca mulawo, bali abweendelezi mu tempele, alimwi azhyihyomyo. ⁵ Babo mbaahinhiku uko Klisto nkwahila abulemu kunyika - walo ngo Leza wa boonse aalemekwe lyoonse kukabe kutamani. Amen. ⁶ Tacili mbuli kuti izwi lya Leza lyakakilwa. Nkaambo takuli kuli bali mu Isulaili boonse mbana Isulaili. ⁷ Nkaambo takuli kuti lunyungu lwa Abraham boonse mbana ba Abraham. Pesi, ''Nkwiinda muli Isaac lunyungu lwako nkoluya kwiitwa.'' ⁸ Nko kuti, bana banyama tabali bana ba Leza. Pele bana bacihyomyo mbabaambwa kubalunyungu. ⁹ Nkaambo eeli ndezwi lya cihyomyo: ''Aciindi eeci nja kuboola, alimwi mwana musankwa uya kupewa kuli Sara.'' ¹⁰ Kutali buyo ceeci awalo Labeka naakamana kumita kumulombwana, taata wesu Isaac - ¹¹ nkaambo bana tibaaninga zhyalwa alimwi taakainga cita cibotu na ciba cibyaabi, kutewa kuyanda kwa Leza kwiinda mukusala kuzwidilila, ¹² kutali kumilimo, pele akaambo kakwe oyo uuita - cakaambwa kuli nguwe, ''Mukando uya kubelekela muhyoonto.'' ¹³ Cili mbubona mbo cakalembwa: ''Jacobe nda muyanda, pele Esau ndaka musula.'' ¹⁴ Ino ono tukaambe kucani? Hena kuli kutalulama kuli Leza? Taku kabi. ¹⁵ Nkaambo wakati kuli Muusa, ''Njakuba aluse kuli yooyo ngwiti kabele aluse, alimwi njakuba alubomba kuli yooyo ngwitikabe alubomba.'' ¹⁶ Pele ono, takuli kuyanda kwa yooyo uyendelehya, pele akaambo ka Leza, uutondehya luse. ¹⁷ Nkaambo mangwalo alaamba kuli Faalo, ''Nku kaambo aaka nkwidaka kubuhihya , mukuti nkatondehye insana hyangu muli ndiwe, alimwi kuti izhyina lyangu likalubwe nyika yoonse.'' ¹⁸ Nko kuti, Leza ulaaluse kuli yooyo ngwayanda alimwi oyo ngwayanda ulamuyumya. ¹⁹ Muya kwaamba kuti kuli ndime, ''Nkaambo nhi nchaciyana ntumpenda?'' ²⁰ Mukukahyanya, omuntu, ndiwe ni ooyingula Leza cakukazhyanya? Hena cibumbwa inga caambila mubumbi kuti wandi bumbila nhi bobuya?'' ²¹ Hena mubumbi unyina nsana kubulongo kuti abumbe kucilongo nchicona cibikilo cakubelehya, alimwi acimbi cibikilo cakumanya milimo iimbi? ²² Ino kuti Leza, uukonhya kutondezhya bukali alimwi akutondezhya nguzu hyakwe kuti hihibwe, ulabikilila alubikililo kubukali bwakwe kulibambila lumyomyooko? ²³ Ino kuti eeci waka cicita kutewa ahibye buhubi bwabulemu bwakwe kuhibikilo hya luse, eehyo hyaakambile munhi kubulemu bwakwe? ²⁴ Ino kuti wakacicita kuli ndiswe, swebo mbaakaita kutali buyo akati kaba Juda pele akuli ba manhi? ²⁵ Mbuli mbwabandika kuli Hosea: ''Njakwiita bantu bangu balo ibatali bantu bangu, alimwi abayandwa bakwe ibatakali bayandwa bakwe. ²⁶ Mpoona ciya kuba kuti eeco cakaambwa kuli mbabo, 'Tamuli bantu bangu; 'ooko baya kwiitwa kuti mbana ba Leza upona.'' ²⁷ Isaiya wakalila akaambo ka Isulaili, ''Nokuba kuti mweelwe wabana ba Isulaili wakali mbuli museenga wa lwinhi, baya kuba lunyungu lwaba hutulwa, ²⁸ nkaambo Leza uyakwaamba izwi lyakwe kunyika yoonse kakunyina kumuka. ²⁹ Mbuli Isaiya mbwakamba munhi, ''Kuti Leza wamajulu naatakatuhwila lunyungu, notwali mbuli Sodoma alimwi notwaba mbuli Gomola. ³⁰ Ino inga twaambanhi ono? Kuti bamanhi, ibatakali kutandila bululami, mbabakwete bululami muluhyomo. ³¹ Pele Isulaili, bakali kutandila bululami bwa mulawo, tibakahika kumulawo. ³² Ino kayi? ''Tiibabutandila luhyomo, pele bakali kuhyoma milimo. Pele bakalihumpula kubbwe bakawa, ³³ mbuli mbokulembelwe, ''Bona, ndabika mu Zioni ibbwe ilihumpula alimwi achuulu ca ibbwe cazhyibe. Oyo uhyoma muli ndilyo takahwi nsoni.''