¹ Aboobo, nkaambo kakuti tuli zhyingulikilwe ankamu inkando yabakamboni, atutule zhyilema zhyoonse azhyinyonyoono zhyuubaubilwa kutucha. Atulukanke icakuzumanana muzundano uulikumbele lyesu. ² Atuhvwinhye kuli Jesu, ngomatalikilo alimwi ngomululamiki wa luhyomo. kukkomana kwakali kumbele lyakwe, wakakoma ciciingano, wakasulaika masampu aanchico , alimwi wakaakukkala kululyo lwa cuuno cabwami ca Leza. ³ Nkokwaamba amumuyeeye, ooyo wakakoma kukazhyanya kuhvwa kubabihyi kukulyana nguwe, kutewa mutabombi akubula camba. ⁴ Mwebo tamuna cikaka nokuba kutingaana acinyonyoono cakuhika kukutila bulowa; ⁵ alimwi mwakuluba kukulwaizhyiwa kwalo ikumulailila mbuli bana: "Mwanaangu, utaubauli kulayiwa kwa Mwami, nokuba kulengaala ilyo naakunyona walo. ⁶ Nkaambo Mwami ulalaya uyo ngwa yanda, alimwi ulasubula kuhumbwa mwana ngwatambula." ⁷ Kamuyuma mumapenzhyi mbuli lulayo. Leza ulamubamba mbuli mbwabamba bana bakwe. Ino ingawaba mwana uulibuti uutalailwe kuli uhyi? ⁸ Pele naa kamutalailwe, kululayo lwa boonse bantu, nkokuti tamuli bana kuzhyalwa muli bamusokwe. ⁹ Kwiindilila kwaamba, twakali kukwete bamatata mubuntu ibakatulaya twamana twakabapa bulemu. Cilaiyinda buti kuti naa twalipa kuli Uhyi wa myoza akupona! ¹⁰ Bamatata bakatulaya kwaciindi cihyoonto mbobakali kuyeeya kuti ncibotu. Pele Leza utulaila bulumbu bwesu, kutewa tukaabane mukusalala kwakwe. ¹¹ Kunyina lulayo aciindi cimwi lulitondezhya kupa lukkomano, pele kupa macise. Pele kumbele lulazhyala mucelo mubombe wakusalala kuli baabo ibakaiyiihyiwa kuli mbubo. ¹² Nkokuti koyumwa matanhyi aako aalengelela anhyi alimwi aingo zhyako zhyinyina nsana. ¹³ Kotonkomeka inzhyila zhyamatende aako, kutewa kuti eco icilema citahyokolwi pele ciponenezhyewe. ¹⁴ Kapaula luumuno ku muntu oonse, alimwi akusalala, nkaambo kakunyina ceeci kunyina uutikamubone Mwami. ¹⁵ Amucenjele kuti kutabi muntu uubula luse lwa Leza, alimwi kubule muyanda uulula utikomene kubuhya mapenzhyi, kutewa banji banji batasohwaazhyiwi ancico, ¹⁶ alimwi kuti kunyina naba omwi hinkwela nokuba hindya, mbuli Esau, walo iwakasambala bukando bwakwe amutiba omwi wacakulya. ¹⁷ Mbuli mbomuzhyi kuti kwamana yaaya, naakalombozhya kuti akone cileleko, wakakahyiwa, nkaambo taakayana ciindi cakusanduka, nokuba kuti wakaciyeeya amisozhyi. ¹⁸ Nkaambo tooboola kumulundu uukonzhya kukwatika, mulundu uyaka mulilo, muhyinze, cihizhyihizhyi, alimwi a muwo uubbubbula. ¹⁹ Tooboola nkozhyilila impeta, nokuba kuzwi ilikanana mabala aakunga bateelezhyi balomba kuti kutabi limbi izwi liti kananwe. ²⁰ Nkaambo tiibakacikonzhya kwaiyiminina akaambwa: "Kuti naba munyama iwaguma cilundu, weelele kuwaalwa mabwe." ²¹ Busena bwakali kuyoohya obo Musa mbwaamba, "ndayoowa alimwi ndakankama." ²² Ibuyo, waboola ku Mulundu wa Zion a kumunzhyi wa Leza uupona, Jerusalem wakwizeulu, alimwi kuli a makumi aazhyuulu zhyuulu zhyabangele mukuswaangana kukkomanihya. ²³ Waboola kuswaangana aa mwana wakutaanguna,uulembelwe kwizeulu. Waboola kuli Leza, mubetehi waboonse, alimwi aku myoza yabasalali abo bakalulamikwa. ²⁴ Alimwi wahika kuli Jesu, hikwiima akati ka cihvwuminano cipya alimwi abulowa bwakasansailwa ubukanana kabotu kwiinda bulowa bwaka Abela. ²⁵ Cenjela kuti utamukaki oyo uubandika. Nkaambo naa tibakacikonzhya kutiya nobakamukaka wakabacenjezhya anhyi, mbocikatazhya kutiya swebo naa twatantamuka kuhvwa kuli yooyo uucenjezhya kuhvwa kwizeulu. ²⁶ Cimwi ciindi, izwi lyakwe lyakazungaanya inhyi. Pele ono wahyomenzhya alimwi waamba, "Ciindi comwi buyo hikazungaanyi inhyi yalo, pele ndakazungaanya amazeulu." ²⁷ Mazwi aaya, "ciindi comwe," aamba kukwihiwa ukwazhyintu ezhyo zhyikonzhya kuzungaanyiwa, nkokuti, akati kazhyintu zhyilenge, kutewa zhyintu zhyitakonzhyi kuzungaanyiwa zhyikahyaale. ²⁸ Aboobo, kutambula bulelo butakonzhyi kuzunganyiwa, atulumbe alimwi muciimo eeci tukombe Leza cabulemu akuyoowa. ²⁹ Nkaambo Leza mulilo uuhyukuta.