¹ Luhyomo ncintu cimwi cakuhyininzhya kwamahyimpe icikwete bulangizhyi ukwa zhyintu zhyiciboola alimwi azhyintu zhyitabonwi. ² Akaambo aka bahikale bakatambulwa akaambo kaluhyomo lwabo. ³ Kwiinda muluhyomo tulateelele kuti nyika yakalengwa kwiinda kumalailile a Leza, kucita kuti zhyibonwa tazhyibambilwe kuhvwa kuzhyintu zhyakali kubonwa. ⁴ Lwakali luhyomo lwaka Abel kupa Lezamuyasilo mubotu kwiinda Cain, calo cakapa azulilwe kuba mululami, alimwi Leza wakamwaamba kuba kabotu nkaambo ka zhyipewo zhyakwe, alimwi akaambo kaluhyomo Abel asunu ucaambaula, nokuba kuti ulihwile. ⁵ Lwakali luhyomo lwakacita Enock kutolwa kwizeulu kutewa ataboni luhwu. "Unyina naakayanwa, nkaambo Leza wakamubweza." Eelyo katana tolwa kwizeulu, cakayanika kwaamba kuti wakakkomanihya Leza. ⁶ Ono kwali kunyina luhyomo nciyumu kumukkomaninhya. Nkaambo nciyandihyi kuti oonse uboola kuli Leza weelele kuhyoma kuti nkwali ulapona alimwi ngupa abulumbu kuli baabo aba muyandaula. ⁷ Lwakali luhyomo awalo Noah, naakapewa mulumbe wabu leza kukwatikizhya zhyintu zhyitanabonwa, abulemu bwabuleza wakayaka bwato kuhutuzhya bang'anda yakwe. Mukucita eci, wakaitukana inyika alimwiwakaba mukomi wabululami bwalo ibupelwa kuluhyomo. ⁸ Lwakali luhyomo lwakacita Abraham, lyalo naakaitwa, wakateelela alimwi akuunka kubusena oko nkwakali kuya kutambula cikono. Wakaunka, katazhyi nkwakali kuunka. ⁹ Lwakali luhyomo ncakaponena munyika ya cihyomyo kali mweenzu. Wakapona mutuhvwuka a Isaac alimwi a Jacob, bakoni nyina kucihyomyo comwi. ¹⁰ Nkaambo wakali kulanga kumbele ku munzhyi iwantalihyo yakeengwa alimwi amuyaki ngu Leza. ¹¹ Lwakali luhyomo, nokuba kuti Sara ulwakwe wakali musundi, cakuti wakayana insana zhyakumita. Ici cakacitika kaceembele cini cini, mbuli mbwaakalanganya caluhyomo kuli yooyo wakamupa cihyomyo. ¹² Aboobo, kuhvwa kumuntu omwe oyu - alimwi wakali ahwaahwi akuhwa - momwakahvwa lunyungu lunji lunji mbuli ntoongwezhyi kwizeulu alimwi zhyitabaliki mbuli musenga wakucito calwizhyi. ¹³ Mwakali muluhyomo kuti boonse aaba bakahwa kabatana tambula zhyihyomyo. Nokubabooba, bakabona alimwi akubaanzhyinzhya alaale, alimwi bakahvwumina kuti bakali beenzu alimwi baange munyika. ¹⁴ Aboobo kuli baabo baamba zhyintu eezhyi balasalazhya kuti bakapula munzhyi wakukkala. ¹⁵ Kuti nobakali kuyeeya cihyi nkobakahvwila, nobakakonzhya kuba acoolwe cakupiluka. ¹⁶ Pele ono mbuli mbocibele, balombozhya cihyi cibotu, calo ici, icakwizeulu. Aboobo Leza tahwi iyinsoni kwiitwa kuti ngu Leza wabo, mbuli mbwakababambila munzhyi wabo. ¹⁷ Kwakali kuluhyomo uko Abraham, lyalo naakasunkwa, wakapa Isaac. Wakali ngomwanaakwe musankwa alike uzhyelwe ngwakapa, walo uyo wakatambula zhyihyomyo. ¹⁸ Kwakali kuli Abraham kwalo nkocakaambwa, "Nkwiinda muli Isaac kwalo lunyungu lwako nkoluti kaitwe." ¹⁹ Abraham wakayeeya kuti Leza ulakonzhya kumubuhya Isaac kuhvwa kubahwu, alimwi kumanininzhya kwaamba, kwakali kuhvwa kuli mbabo nkwakamutambula. ²⁰ Kwakali kuluhyomo kukwatikizhya zhyintu zhyiciboola kwalo Isaac nkwakaleleka Jacob alimwi a Esau. ²¹ Mwakali muluhyomo kwalo Jacob, naakali kuyanda kuhwa, wakaleleka omwe omwe uwabana baka Joseph. Jacob wakamukomba, kayeeme atala ilya musako wakwe. ²² Mwakali muluhyomo walo Joseph, lyalo mamanino aakwe naakahyika ahwaahwi, wakaamba aakuhvwa kwabana ba Israeli kuhvwa ku Egypt alimwi akubalailila kukwatikizhya mahwuwa aakwe. ²³ Kwakali muluhyomo lyalo Musa, nakazhyalwa, waka hiswa kwa myezhyi yotatwe abazhyali bakwe nkaambo bakabona bubotu bwakwe. Kunyina nobakayoowa malailile aa mwami. ²⁴ Mwakali muluhyomo walo Musa, nakakomena, wakakaka kwiitwa kuti mwana musankwa wa mwana muhimbi waka Pharoah. ²⁵ Wakasala kuya kupenzhyewa antoomwe abantu ba Leza kwiinda kuya kulikkomanihya abubotu bwa zhyibi mukaindi kahyoonto buyo. ²⁶ Wakasala kusampuka akaambo ka klisto wakakwete bulemu kwiinda lubono lwa Egypt, nkaambo walo wakali kulangila bulumbu buli kumbele. ²⁷ Kwakali muluhyono Musa wakahiya Egypt. Unyina naakayoowa kunyema kwa mwami, nkaambo wakakakatila mbuli kuti ulimubwene walo ooyo uutabonwa. ²⁸ Mwakali muluhyomo mwalo mwakacikonzhya kubamba Pasika alimwi akusansaila kwa bulowa, kutewa kuti munyonyooni wabana bakusomona atabakumi bana basankwa bakusomona ba Isreal. ²⁹ Mwakali muluhyomo balo ncobakainda mulwizhyi lusalala lwa mabu mbuli anyika njumu. Balo bana Egypt nobakasola kucita eeci, bakamenwa boonse. ³⁰ Kwakali muluhyomo bwaanda bwa Jericho bwakaunhyiwa anhyi, nobakamana kubuzhyinguluka kwamazuba aali ciloba. ³¹ Kwakali muluhyomo walo Rahab himamambe taakahwa abaabo batakateelela, nkaambo wakabatambula bahikuhvwuntauzhya muluumuno. ³² Hena ninzhyi ncinga ndaamba? Nkaambo ciindi inganhyiciboni kuti mpe bukamboni boonse`` bwa Gideon, Barak, Samson, Jephthah, David, Samuel, alimwi akukwatilizhya bahyinhyimi. ³³ Kwakali kwiinda muluhyomo lyalo nobakazunda malelo, akubika bululami, alimwi akutambula hyihyomyo. Bakaiyikahya milomo yaba hyuumbwa, ³⁴ akuzhyimwa ainsana zhyamulilo, bakatiya kuhvwa kumbele aa cheba, bakayumizhyiwa lyalo nobakali babonhwu,akuba bahintanze mulumamba,akuba zunda bahikalumamba beenzu. ³⁵ Bamakaintu bakabatambula bahwu ibabo mububuke. ³⁶ Bamwi bakatundululwa , kutali kutambula kwaangululwa, kucita kuti bakabe aaluzhyibo luyumu kububuke bubotu. Bamwi bakabona kucehyewa a kuumwa, alimwi ankeetani alimwi akwaangwa kwamuntolongo. ³⁷ Bakaumwa mabwe. Bakakosolwa mukutendwa zhyibeela zhyobile. Bakayayiwa aipanga. Bakali kuya kweenda muzhyisalu zhya mbelele alimwi azhyisalu zhya mpongo. Bakapengana,kudyaamininwa, akutundululwa. ³⁸ Inyika tiyakacili kweelela kuba yabo. Lyoonse bakagamine kwiingaila munkanda amumalundu, amuma mpangala alimwi amumena amunyika. ³⁹ Nokuba kuti aba bantu boonse bakahvumihiwa kuli Leza nkaambo kaluhyomo lwabo, kunyina nobakatambula cihyomyo. ⁴⁰ Leza kuli ncakatubambila cibotu swebo, kucita kuti swebo kuti katutako, nobatakalulamikwa pe.