¹ Leza wakati kuli Noah, ''Koza, yebo aba ng'anda yako yoonse, mu bwato, nkaambo ndabona kuti uli luleme kubushu bwangu mumusela ooyu. ² Kuba nyama boonse basalala ulaleta andiwe ciloba bacende a ciloba ca mpwizhyi. Kunhvwa kubanyama batasalali, aaba koleta bobile, mucende amumpwizhyi wakwe. ³ Akwalo kubayuni bamwi zeulu, ulete bakombwe ciloba, aseke ciloba, kutewa tuyobole mikowa yazhyo kuti kaipona atala anyika yoonse. ⁴ Nkaambo mumazuba ali ciloba ndiya kwiicita kuti iwe atala anyika kwa makumi one aa mazuba alimwi amakumi one amahiku. Ndiya kunyonyoona kuhwz atala znyika zhyoonse zhyipona zhyinda kabamba.'' ⁵ Noah wakacita zhyoonse Leza zhyakamwambila. ⁶ Noah wakali amyaanda yamyaka yaku zhyalwa ili cisambomwi muyoba nowa kahika atala anyika. ⁷ Noah, bana bakwe balombwana, mukaintu wakwe, abamuka bana bakwe bakaunka mubwato antoomwe akaambo ka meenhi amuyoba. ⁸ Banyama basalala abanyama batasalali, bayuni, azhyoonse zhyikalaba atala anyika, ⁹ zhyobile zhyobile, mucende ampwizhi, zhyakaboola kuli Noah akujila mubwato, mbuli Leza mbwakalailila Noah. ¹⁰ Cakaboola kuti nikwakainda mazuba ciloba, meenhi amuyoba akaboola atala anyika. ¹¹ Mumyaanda ili cisambomwi yamyaka yakupona kwa Noah, mumwezhyi wabili, mubuzuba bwa nkumi aciloba bwamwezhyi, buzuba mbubwena, yoonse miinzo mikando mulahwu yakaanduka, azhyimpulo zhyaku zeulu zhyakajulwa. ¹² Inhvwula yakatalika kuwa antala anyika kwa mazuba ali makumi one amahiku ali makumi one. ¹³ Mubuzuba oobu mbubwena Noah abana bakwe basankwa, Shem, Ham,alimwi a Japheth, amuka Noah, alimwi aba muka bana bakwe, bakajila mubwato. ¹⁴ Bakanjila antoomwe abanyama bamushokwe abamwi mumukowa wabo, acimwi cinhvwubwa mumukowa waco, acimwi cintu cikalaba atala anyika mumukowa waco amikowa yoonse yabayuni mumushobo yabo, aumwi mushobo uukwete mababa. ¹⁵ Zhyobile muli zhyoonse zhyanyama zhyakali kuyoya zhyakaboola kuli Noah akujila mu bwato. ¹⁶ Banyama bakajila mukati bakali bacende ampwizhi bamishobo yoonse; bakajila mukati mbuli Leza mbwakamulailila. Eelyo Leza wakajala mulyongo muhilyabo. ¹⁷ Mpoona muyoba wakahika antala anyika kwa mazuba ali makumi one, ameenhi akayungizhyiwa akunyamuna bwato akubu bweza antala anyika. ¹⁸ Meenhi akazulizhya kujala nyika, mbwato bwakeepa atala ameenhi. ¹⁹ Meenhi akahvwula kapati anyika kuhikila malundu oonse malahwu akali anhi lyazeulu akabbila. ²⁰ Meenhi akanyakuka tukokola tuli nkumi antosamwe atala amalundu. ²¹ Zhyoonse zhyipona zhyakali kweenda zhyakahwa - bayuni, zhyinyama zhyihyubwa, banyama bamushokwe, zhyoonse zhyintu zhyipona zhyakali zhyinji antala anyika, abantu boonse. ²² Zhyoonse zhyintu zhyipona zhyakali anyika zhyakali kuyoya muuya wabuumi kwiinda munango zhyakahwa. ²³ Eelyo zhyoonse zhyintu zhyipona zhyakali atala anyika zhyaka mwaiwa, muntu abanyama azhyikalaba abayuni bamuzeulu. Zhyoonse zhyaka nyonyoonwa kuhwa munyika. Alinke Noah abaabo bakali anguwe mubwato mbibaka haala. ²⁴ Meenhi akankala antala anyika kwa mazuba ali mwaanda amakumi onsanwe.