¹ Inzala yakali pati mucinhi. ² Cakahika ciindi nibakacimana cakulya nciba kayene ku Egipiti, baushi bakati alimwi kuli mbabo, ''Kamuya alimwi; mukatuulile cakulya.'' ³ Judah wakamwaambila, ''Mulombwana cakuhinizhya wakatucenjezhya, 'Tamukwe kuya kububona buhyu bwangu cita kuti mwana okwenu musankwa kali andimwe.' ⁴ Kuti na mwatuma mwanaakwesu musankwa andiswe, tulauka nkuko akuula cakulya. ⁵ Naakuti tomutuma, tatukwe kuunka ooko. Mukuti mulombwana wakati kuli ndiswe, 'Tamukwe kuya kundibona buhubwangu ncita mwana okwenu musankwa kali andimwe. ⁶ Israel wakati, ''Nkaambo zhyi ncimwaka ndicitila obuya bubi kwiinda mukwaambila mulombwana ooyo kuti mulijisi umbi mwanaakwenu musankwa?'' ⁷ Bakati, ''Mulombwana wakatubuzhya mahipe ajatikizhya ndiswe amukwahi wesu. Wakati, "Hena bauso bacipona? Hena mulijisi mwanaakwenu musankwa uumbi?' Twakamwingula kweendalenya amibuzhyo eeyi. Ino notwa kazhyiba buti kuti ulaamba kuti, 'Mukamulete mwana okwenu musankwa okuno?'' ⁸ Judah wakati kuli Israel uhi, ''Kamumutuma musankwa andime. Tulanyamuka akuunkakutewa tupone alimwi tutahwi, toonse swebo, yebo, alimwi abana besu. ⁹ Njakuba cishyomyo cakwe. Uyakupa nkaambo kuli ndime. Kuti naa hemupiluhi kuli ndiwe akumuleta kumbele lyako, nkokuti andikeelele kubweza bubi atwaambo kukabe kutamani. ¹⁰ Kuti naa kwamuka, mahimpe kuhika ono notwali pilukile kuno ciindi cabili. ¹¹ Ushi wabo Israel wakati kuli mbabo, kuti kacili boobo, ono amucite boobu. Amubweze zhyintu zhyimwi zhyibotu zhyaahi mumasaka. Amumutolele muntu ooyo zhyipengo - mahwuta amabbona abuci, tunukilizhyo twamuli zhyakulya amyrrh tunukilizhyo twamumipailo nyungu zhya tungu a almond. ¹² Kamutoleela mali zhyiindi zhyobile ngomukwete mumatahi eenu. Mali aayo akupiluhiwa mukujila masaka eenu, kamwaabweza alimwi mumatahi eenu. Antela kwakali kulubizhya. ¹³ Kamumutoleela munyoko. Nyamuka koya alimwi kumuntu. ¹⁴ Leza hinguzu zhyoonse akamuhwile luse kumbele lyamuntu, kutewa akamwaangulwile mwana akwenu umwi a Benjamin. Naa ndahwilwa bana, nkokuti ndahwilwa.'' ¹⁵ Balombwana bakabweza cipego, eeci amumaanza aabo bakabweza zhyiindi zhyobile mweelwe wamali, antoomwe a Benjamin. Bakanyamuka akuuka ku Egipiti akuya kwiima kumbele lya Josefa. ¹⁶ Josefa naka mubona Benjamin ambabo, wakati kumweembezhyi wang'anda yakwe, ''Kobaleta bantu mung'anda, jaya munyama akumubamba, nkaambo bantu balalya andime mahikati.'' ¹⁷ Mweembezhyi wakacita Josefa mbwakaamba. Wakabaleta bantu kung'anda ya Josefa. ¹⁸ Balombwana bakayoowa nkaambo bakaletwa kung'anda ya Josefa. Bakati, ''Nkaambo kamali akapiluhiwa mumasaka ciindi cakusaanguna notwakanjizhyiwa, kutewa ayandaule zhyila yabubi bwesu.Ulakozhya kutwaanga akutu bweza mbuli bazhyike, akubwezhya mbongolo zhyesu.'' ¹⁹ Bakaunka kumweebezhyi wanga'nda yakwa Josefa, akubandika anguwe amulyango wa ng'anda, ²⁰ Kabati, ,,Ohimalelo aangu twakaliko ciindi cakusaanguna kuzhyi kuula cakulya. ²¹ Cakazakuba kuti notwakahika kulalwa, twakaangulula masaka eesu, muli kooko, Amulange, mali amuntu oonse akali mumasaka aakwe, mali eesu woonse kazulile. Twaaleta mumaanza eesu. ²² Kwamana twaleta aamwi mali mumaanza kutewa tuuzhye cakulya. Tatumuzhyi naa nguni wakabika mali eesu mumasaka. ²³ Mweembezhyi wakati, ''Luumuno alube kuli ndimwe, mutawoowi, Leza wenu a Leza waba mauso ambweni nguwakabika mali eenu mamasaka eenu. Ndakaatambula mali eenu.'' Mweembezhyi nkabela wakaleta Simeon kuli mbabo. ²⁴ Mweembezhyi wakatola bamalombwana mu ng'anda ya Josefa. Wakabapa meenhi alimwi bakasamba kumatende aabo. Wakapa cakulya ca mbongolo zhyabo. ²⁵ Bakalibambila zhyipengo zhyabo zhyakali kupewa kuli Josefa mahikati, mbuli mbuba kanhvwa kuti balalida kokuya. ²⁶ Ciindi Josefa naakaboola kung'anda, bakaleta zhyipeyo zhyakali mumatahi aabo mung'anda yakwa Josefa, akuhungama kumbele lyakwe kuhikila ahi. ²⁷ Wakababuzhya kujatikizhya bunkale bwabo, akuti, ''Hena bauso bali kabotu, badaala balo mbumwakali kwaamba? Hena bacipona? ²⁸ Bakati, ''Mutwanga wako taata uli kabotu. Ucipona. ''Bakahwungama ahi akumupa bulemu. ²⁹ Naakanyamuna meso aakwe mujulu wakabona Benjamin mwanaakwabo, mwana wa banyina, akwaamba, ''Hena ngo mwana akwenu musankwa mushoonto ngumwakali kwaamba kuli ndime? ''Mpoona wakati, Leza aabe aluzhyalo kuli ndiwe, mwanaangu musankwa.'' ³⁰ Josefa wakabinda kunhvwa anze kang'anda mbokunga wakali nhvwa bubyaabi akaambo kamwanaakwabo. Wakapula busena bwakulilila. Wakaunka kukaanda kakwe akulila okuya. ³¹ Wakasamba kumeso aakwe akuzwa anze wakali kwata, kaamba, ''amutupe cakulya.'' ³² Batwanga bakwe bakamupa Josefa alike abana bakwabo balike. Bana Egipiti bakaliwo bakalya anguwe abalo balike mukuti bana Egipiti tiibakali kulya cinkwa ama Hebulawayo, mukaambo kakuti eeci cakali cisesemyo kubana Egipiti. ³³ Babunyina bakakala kumbele lyakwe wakusaanguna mbuli mbwakazhyalwa, akeela kutobelana mbuli mbwabahi. Bamalombwana bakakakkamana antoomwe. ³⁴ Josefa wakatuma zhibeela kuli mbabo kunhvwa kuli cakulya cakali kumbele lyakwe. Pele cibeela ca Benjamin cakali kuli babunyina. Bakanywa cakwaanguluka akukondwa anguwe.