¹ Cakacitika kumamanino amyaka inkwene yabile kunhvwa Faalo nakali a ciloto. ² Amubone, wakali ihvwi kumbali a Nile. Amubone, ng'ombe mpwizhyi zhyili ciloba zhyakahvwa muli Nile, zhyiiyebeka akuneneya, alimwi zhyakacela mumatete. ³ Amulange, ng'ombe zhyimwi zhyakaboola kumane zhyeezhyo kuhvwa muli Nile, zhyitalombozhyeki alimwi kazhyikokele. Zhya kaima muhimuhi ang'ombe zhyimwi kunkomwe lya mulonga. ⁴ Kumane zhyiya zhyitalombozheki ng'ombe zhyihwulukile zhyakalya zhyili ciloba zhyilombozhyeka alimwi azhyineneele. Kumane Faalo wakabuka. ⁵ Ndilyona wakoona akulota ciindi cabili. Kolanga, mitwe ili ciloba yaka mena acihiko comwe, zhyimine zhyibotu. ⁶ Amubone, mitwe ili ciloba, iihwulikile yaka upwa amuuwo wakwiwe, zhyakamena kumane zhyezhyiya. ⁷ Mitwe hyihwulukile yaka mena mitwe ili ciloba hyihimine alimwi hyizulile. Faalo wakabuka, alimwi,amubone, cakali ciloto. ⁸ Mahwumohwumo akahika amuuya wakwe kacipehyelwe. Wakatuma akwiita boonse bahimabilo abansongo ba nyika ya Egipiti. Faalo wakabapa ndwilila zhyiloto, pele kunyina wakakozhya kuzhyi sandulula zhyiloto kuli Faalo. ⁹ Eelyo mukando wababweza nkomeki wakati kuli Faalo, ''Ndayeeya hyinyonyoono zhyangu sunu. ¹⁰ Faalo wakanyemena bazhyike bakwe, akundibikka mutolongo mung'anda yamusololi waba mulonda, mupati wabapanga cinkwa andime. Twakalota ciloto buhiku, mbubona walo andime. ¹¹ Twakalota muntu umwi aumwi kweendelanya abupanduluzhyi bwa ciloto cakwe. ¹² Kwakali akati kesu mukubuhi mu Hebulayo mulombwana, muzhyike wamusololi waba malonda. Twakamwaambila wakatupandwilila zhyiloto zhyesu. Wakatupandwilila aumwi aumwi wesu kutobelanya aciloto cakwe. ¹³ Mbuli mbwakatupandwilila mbocaka citika. Faalo wakandileka acuuno cangu camilimo, pele kuli umwi wakamwa zhyika kuluhwu.'' ¹⁴ Mpoona Faalo wakatuma akumwiita Josefa. Cakuhwambaana bakamunkuha mutolongo. Wakali ngela mwini, wakacinca zjyisani, akuboola kuli Faalo. ¹⁵ Faalo wakati kuli Josefa, ''Ndakwete ciloto, pele kunyina mupanduluhyi wancico. Pele ndakanhwa kukwatilizhya ndiwe kuti wanhvwa ciloto inga wacipandulula.'' ¹⁶ Josefa wakaingula Faalo, wakati, ''Heli ndime. Leza ulamuhvwuwa Faalo alweetelelo.'' ¹⁷ Faalo wakabandika kuli Josefa, ''Mu ciloto cangu, langa, ndaliinbvwi ankomwe iyamulonga Nile. ¹⁸ Langa, ng'ombe zhyili ciloba zhyakaboola kunhvwa mumulonga Nile, zhyineneele akweebeka, zhyali kucela akati kamatete. ¹⁹ Amulange, ng'ombe zhyili ciloba zhyakaboola muhi azhyeezhyo, zhyinyina sana, kazhyita yebeki akuhwuluka. Kunyina nendakabona munyika yoonse ya Egipita zhyitayebeke mbuli zhyizhyo. ²⁰ Izhyihwulukile akutayebeka zhyakalya zhyeezhya zhyakutaanguna zhyili ciloba zhyineneele. ²¹ Nizhyakazhyilya zhyoonse, tiicakali kulizhyibya kuti zhyazhyilya, nkaambo zhyakacili kutayebeka mbuli kumatalikilo.Kumane ndakabuka. ²² Ndakalanga muciloto cangu, alimwi, amulange, mitwe ili ciloba yakaboola acihiko comwe, kazhyi nkwene akubota. ²³ Amulange, mitwe iimbi ili ciloba - zhyineteli zhyihwulukile, zhyuumpilwe aluwo lwakwiwe - zhyakamena muhi. ²⁴ Mitwe ihwulukile yakamena mitwe zhyili ciloba zhyibotu. Ndakabaambila zhyiloto eezhyi bahimabibo, nokuba boobo kunyina wakakozhya kundisandulwila.'' ²⁵ Josefa wakati kuli Faalo, ''Zhyiloto zhya Faalo zhyili kozhyene. Leza cayanda kucita, waakahipanya kwaamba kuli Faalo. ²⁶ Ing'ombe zhyili ciloba zhyibotu myaka ili ciloba, mitwe ili ciloba mibotu myaka ili ciloba . Maloto ali kozhyene. ²⁷ Ing'ombe zhyili ciloba zhyihwulukile zhyitalombozhyeki zhyakaboola nikwakamana zhyeezhyo myaka ili ciloba, azhyalo mitwe ili ciloba zhyakapwa amuuwo wa kwiwe iyakuba myaka ili ciloba yanzala. ²⁸ Eeci ncecitu ncindakaamba kuli Faalo. Leza ncayanda kuya kucita wacizubulula kuli Faalo. ²⁹ Bona, myaka ciloba iyakuba acakulya cinji ciya kuba mucihi coonse ca Egipiti. ³⁰ Myaka ciloba ilakaba kwakunhvwa iilya, alimwi boonse butebuzhyi bubotu bunji buya kulubwa mucisi ca Egipiti, alimwi nzala iya kunyonyauna nyika. ³¹ Butebuzhyi bunji tabuka yeeyewi mucihi nkaambo kanzala liya kutobela, nkaambo inakuli kali cinicini. ³² Ciloto eeci cakaindulilwa kuli Faalo nkaambo kakuti eeci cakabambwa a Leza, alimwi Leza uyakucicita kuhwambaana. ³³ Ono amucite kuti Faalo ayandaule mulombwana uucenjele munsongo, amubinke busololi mucihi ca Egipiti. ³⁴ Faalo ansalaule ba sololi bacihi, akubweza cibela cacisanu cacakulya ca Egipiti munyaka iili ciloba cabutebuzhyi bubotu. ³⁵ Ababwezhyelele cakulya oonse camyaka mibotu iboola akuyobola senke munguzu zhya Faalo, kuti zhyakulya zhyikabelehewe muma ndalopo. Baciyobole. ³⁶ Cakulya ciya kuba cakwaabanya mucihi mu myaka ili ciloba nzala ini kuli munyika ya Egipiti. Muzhyila eeyi cihi tacika nyonyaunwi anzala.'' ³⁷ Ooku kucenjezhya kwakali kubotu mumeso a Faalo alimwi amumeso ababelehi bakwe boonse. ³⁸ Faalo wakati kuba belehi bakwe, ''Hena tulakozhya kuyana muntu uuli boobo, muli nguwe kakuli muuya wa Leza.?'' ³⁹ Aboobo Faalo wakati kuli Josefa, '' Mbokunga Leza wakutondezhya zhyoonse eehi, kunyina uucenjele auuli abusongo mbuli ndiwe. ⁴⁰ Uyakweendelezhya munhi wangu woonse, alimwi mbubwena mbuli zwi lyako mbobaya kusololelwa bantu bangu boonse. Pele buyo mu cuuno mondiya kubamupati kuli ndiwe.'' ⁴¹ Faalo wakati kuli Josefa, ''Bona, ndakubika atala mucinhi coonse ca Egipiti. ⁴² Faalo waka sakununa nweenwe yabulemu kunhvwa kakanywe kakwe akwiibika atahi lya kwa Josefa. Waka musamika masani aebeka, waka mubika kalungu mumukohi wakwe ka Golide. ⁴³ Waka munhvwumizhya kuti kayendela akkalaki yakwe yabili yabwami njakakwente. Balombwana bakawelela kumbele lyakwe, ''Kutyola mazwi.'' Faalo wakamubika bweendelezhyi mucinhi ca Egipiti. ⁴⁴ Faalo wakati kuli Josefa, ''Ndime Faalo, kunze lyako, kunyina muntu uuya kunyamuna tahi lyakwe nokuba ntende mucinhi coonse ca Egipiti.'' ⁴⁵ Faalo wakainta zhyina lya Josefa ''Zaphenath-Paneah.'' Wakamupa Asenath, mwana muhimbi wa Potiphera mupaizhyiwa On, kuti atwale. Josefa wakaunka koonse munyika ya Egipiti. ⁴⁶ Josefa wakali amakumi otatwe amyaka yakuzhyalwa naa kaima kumbele lya Faalo, mwami wa Egipiti. ⁴⁷ Mumyaka ili ciloba yacewo cinhi cakatebula mubunji. ⁴⁸ Wakayobolola zhyoonse zhyakulya zhyamyaka ili ciloba zhyakali mu Egipiti akubika zhyakulya mumadolopo. Wakabika mudolopo zhyakulya zhyakazhyila mumyuunda yaka zungulukile. ⁴⁹ Josefa wakakobolola maila ali mbuli munseenga wamumulonga cakuti wakaleka kubala, kaambo tizhyakali kubalika. ⁵⁰ Josefa wakali abana bobile kaitana hika myaka yanzala, balo Asenath, mwana muhimbi wa Potiphera mupaizhyi wa On, mbakamuzhyalila. ⁵¹ Josefa wakaulika mwanaakwe wakutaanguna kuti Manasseh, mbuli mbwakati, ''Leza wandibamba kuti ndilube mapezhyi aangu woonse abahing'anda yaba taata.'' ⁵² Wakaulika mwanaakwe wabili musankwa kuti Ephram, mukuti, ''Leza wandibamba kuzhyala micelo mucinhi ca mapenzhyi.'' ⁵³ Imyaka ili ciloba yacakulya ciji cakali mucinhi ca Egipiti yakamana. ⁵⁴ Myaka ili ciloba yanzala yakatalika, mbuli Josefa mbwaakambile. Kwakaba nzala mumizhyi oonse, pele mucinhi coonse ca Egipiti kwakali cakulya. ⁵⁵ Ciindi cinhi ca Egipiti nocakapenga, bantu bakaompolola Faalo kuti abape cakulya. Faalo wakati ku bantu ba Egipiti boonse, ''Kamuya kuli Josefa mukacite caya kwaamba.'' ⁵⁶ Nzala yakali hvwumbile nyika yoonse. Josefa wakajalula matala akayobwele zhyilyo akubasambalila bana Egipiti. Nzala yakakalala cinicini mu Egipiti. ⁵⁷ Manhi oonse anyika akali kuboola ku Egipiti kuza kuula zhyakulya kunhvwa kuli Josefa, nkaambo nzala yakali kapati munyika oonse mboibele.