¹ Isulaili wakabamba lweendo azhyakwete zhyoonse alimwi wakaunka ku Beyasheba. Ookuya nkwaaakapa zhyituuzhyo kuli Leza wa uhi Isaka. ² Leza wakakanana kuli Isulaili mu cilengaano mahiku, waamba, ''Jakobe, Jakobe.'' Wakaamba, ''Ndime yuuno.'' ³ Wakaamba, ''Ndime Leza, Leza wa uso. Utayoowi kuunka ku Egipita, nkaambo okuya njaku bamba kuba cihi cikando. ⁴ Njakuunka ayebo mu Egipita alimwi mubwini njakukupiluhya alimwi Jasehwa uyaku hvwumba meso aako atanhi lyakwe. ⁵ Jakobe wakayumuka kuhvwa ku Biyasheba. Bana ba Isulaili bakamweenzhya Jakobe uhi, bana babo, alimwi abamakaintu babo, muzhikkochi zhyaakatumine Faalo kumuyumuna. ⁶ Bakabweza zhyihvubwa zhyabo alimwi anzhyobaka kwete zhyoonse zhyobakalijanina munyika ya Kenaani. Bakaboola ku Egipita, Jakobe alimwi alunyungu lwakwe lyoonse anguwe. ⁷ Wakabaleta ku Egipita bana bakwe basankwa alimwi aba zhyikulu basankwa, bana bakwe bahimbi alimwi abazhikulu bahimbi, alimwi alunyungu lwakwe lyoonse. ⁸ Ngaaya mazhina aabana basankwa ba Isulaili bakaboola ku Egipita: Jakobe alimwi alunyungu lwakwe, Lubeni, wabusankwa bwa Jakobe; ⁹ bana basankwa ba Lubeni, Hanok, Pallu, Heziloni, alimwi a Karmi; ¹⁰ bana basankwa ba Simiyoni, Jemuwelo, Janini, Ohadi, Jakini, Zoha, alimwi a Shaula, mwana musankwa muzhyalwe kumukaintu muna Kenaani; ¹¹ alimwi abana basankwa ba Levi, Geshoni, Kohati, alimwi a Melali. ¹² Bana basankwa baa Juda bakali ba Er, Onani, Shila, Pelezi, alimwi azela (Pele Er alimwi a Onani bakahwila munyika ya Kenaani). Banaakwe ba Pelezi bakali ba Heziloni alimwi a Hamul. ¹³ Bana basankwa ba Issaka bakali ba Tola, Puah, Jashub, alimwi a Shimuloni. ¹⁴ Bana basankwa ba Zebuloni bakali ba Seledi, Eloni, alimwi a Jahleel. ¹⁵ Aba bakali bana basankwa baa Leya mbaakazhyala kuli Jakobe mu Paddan Alamu, kubikilizhya a mwana wakwe muhimbi Dinah. Bana bakwe basankwa alimwi abahimbi mweelw bakali makumi otatwe abotatwe. ¹⁶ Bana basankwa baa Gadi bakali ba Zephana, Haggi, Shuni, Eziboni, Eli, Alodi, alimwi a Aleli. ¹⁷ Bana basankwa baa Asha bakali ba Imuna, Ishiva, alimwi a Beliya; alimwi a Selah wakali mucizhyi wabo. Bana basankwa baa Beliya bakali ba Heba akimwi a Maikile. ¹⁸ Aba mbabakali bana basankwa baa Zilipah, ooyo Labani ngwaakapele ku mwana wakwe muhimbi Keya. Aba bana basankwa wakaba zhyala kuli Jakobe - ikumi a cisambomwi boonse. ¹⁹ Bana basankwa baa Lakeli muka Jabobe bakali ba Joseph alimwi a Benjamin. ²⁰ Mu Egipita Manasseh alimwi a Ephraim bakazhyalwa kuli Joseph amwinakwe Asenati, mwana wa Potiphera mupaizhyi waku On. ²¹ Bana basankwa baa Benjamini bakali ba Bela, Bekar, Ashbel, Gela, Naaman, Ehi, Losh, Muppini, Huppin, alimwi a Alad. ²² Aba mbabana basankwe baa Lakeli mbaakazhyala kuli Jakobe - ikumi abone antoomwe boonse. ²³ Mwana musankwa wa Dani wakali Hushimu. ²⁴ Bana basankwa baa Naphtali bakali ba Jahziel, Guni, Jaza, alimwi a Shillem. ²⁵ Aba mbabana basankwa bakazhyalwa kuli Jakobe a Bilhah, ooyo Laban ngwaapele mwana wakwe muhimbi - Lakeli bakali ciloba antoomwe. ²⁶ Boonse aabo bakaunka ku Egipita a Jakobe, aabo bakali balunyungu lwakwe cigamimina, kutababala bamuka bana ba Jakobe, bakali makumi aali cisambomwi abali cisambomwi antoomwe. ²⁷ Kubikilizhya abana bobile basankwa baa Joseph bakazhyalilwa ku Egipia, bantu bamung'anda yaa Jakobe bakaunka ku Egipita bakalli makumi aali ciloba antoomwe. ²⁸ Jakobe wakasolozhya Juda kumbele lyakwe kuya kuli Joseph kukutondezhya nzhila kumbele lyakwe kuya ku Gosheni, alimwi bakahika kunyika ya Gosheni. ²⁹ Joseph wakabamba nkalaki yakwe alimwi wakaunka kuya kuswaangana a Isulaili uhi mu Gosheni. Wakamubona, wamukumbata munhingo yakwe, alimwi wakalila anhingo yakwe kwa ciindi cilanhwu. ³⁰ Isulaili wakaamba kuli Joseph, ''Ono inhwe, mukuti ndabubona buhyu bwako, kutiucipona.'' ³¹ Joseph wakaamba kuli babunyina basankwa alimwi akung'anda ya uhi, ' Njakuunka nkamwaambile Faalo kuti, bana bakwesu alimwi abang'anda yaba taata, bakali munyika ya Kenaani, baboola kuli ndime. ³² Bantu mbeembezhyi, nkaambo bali babambi ba zhihvwubwa. Baaleta maba aabo, matanga aabo, alimwi anzhyobakwete zhyoonse.' ³³ Ciya kuhika ciindi, Faalo nati kamwiite alimwi akumubuzhya, 'Ino mukwete mulimo nzhi?' ³⁴ mukaambe kuti, batwanga bako bali mbabambi bazhihvwubwa kuhvwa kubwana bwesu kuhikila ono, toonse swebo, alimwi abamatata beesu. Mukacicite eci kutewa inga kamuya kupona munyika ya Gosheni, nkaambo ku mweembezhyi oonse ncisesemyo ku bana Egipite.