¹ Iciindi Lakeli nakabona kuti kuli Jakobe kunyina mwana, Lakeli wakaba amunyono ku mwanaakwabo. Wakaamba kuli Jakobe, ''Kondipa bana, buyo ndahwa.'' ² Bukali bwa Jakobe bwakalwana Lakeli. Wakamba, ''Hena ndimubusea bwa Leza, walo ukahyile ndiwe kumucelo wada?'' ³ Wakaamba, ''Bona, nguulya mutwanga wangu Bilhah. Koya kuli nguwe, kwaamba kuti akupe bana mucibeela cangu, alimwi njakuba abana kuli nguwe.'' ⁴ Ono wakamupa mutwaanga wakwe Bilhah mbuli mukaintu, alimwi Jakobe wakaunka kuli nguwe. ⁵ Bilhah wakamita alimwi Jakobe wakamuzhyalila mwana musankwa. ⁶ Kumane Lakeli wakaamba, ''Leza wandilanganya, alimwi wakateelela izwi lyangu alimwi akundipa mwana musankwa, ''Nkaambo ka kaambo aaka wakamuulika izhyina lyakwe Dan. ⁷ Bilhah, mutwanga waka Lakeli, wakamita alimwi akumuzhyalila Jakobe mwana musankwa wabili. ⁸ Lakeli wakaamba, ''Icansana mukamando ndatingaana amucizhyi wangu alimwi ndakoma.'' Wakamulika izhyina lya Naphtali. ⁹ Leah nakabona kuti waleka kuzhyala bana wakabweza Zilpah, mutwanga wakwe, alimwi kumupa Jakobe mbuli mukaintu wakwe. ¹⁰ Zilpah, mutwanga waka Leah, wakamuzhyalila Jakobe mwana musankwa. ¹¹ Leah wakaamba, ''Oku nkuba acoolwe!'' Walo wakamuulika izhyina lyakwe Gad. ¹² Kumane Zilpah, mutwanga wa Leah, wakamuzhyalila lwabili mwana musankwa. ¹³ Leah wakamba, ''Ndikomene! Bana bangu bahimbi bayakundiita kuti komane.'' Wakamuulika izhyina lyakwe Asher. ¹⁴ Lubeni wakasenka mumazuba akutebula maila alimwi wakayana musamu mumuunda. Wakuuletela babanyina ba Leah. Kumane Lakeli wakaamba kuli Leah, kondipa musamu umwi wa mwanaako musankwa.'' ¹⁵ Leah wakaamba kuli nguwe, nkaambo kaubauba kuli ndiwe, kwaamba kuti wakatola mulumi wangu? Hena yebo ono uyanda kubweza musamu wa mwanaangu musankwa, alimwi?'' Lakeli wakaamba, ''Kumane ulalala andiwe sunu mahiku, mukucincanya musamu wa mwanaako musankwa.'' ¹⁶ Jakobe wakapiluka kumazuba kuhvwa mwisokwe. Leah wakaunka kumucingauzhya alimwi akwaamba, ''Welele kuboola kuli ndime, mukuti ndakubbadela musamu wa mwanaangu musankwa.'' Mpoona Jakobe wakalala a Leah mahiku aalya. ¹⁷ Leza wakamuteelela Leah, alimwi wakamita akuzhyala mwana musankwa wa sanu. ¹⁸ Leah wakaamba, ''Leza wakandipa bulumbu nkaambo ndakapa mutwanga mukaintu kumulumyaangu.'' Wakamuulika izhyina lya Issachar. ¹⁹ Leah wakamita alimwi mpoona wakamuzhyalila mwana musankwa Jakobe wa cisambomwi. ²⁰ Leah wakaamba, Leza wakandipa cipego cibotu. Ono mulumyaangu uya kundilemeka, nkaambo ndazhyala mwana wacisambomwi musankwa. Wakamulika izhyina lyakwe Zebulon. ²¹ Nokwakainda kaindi wakazhyala mwana muhimbi walo wakamuulika izhyina lyakwe Dinah. ²² Leza wakayita Lakeli kumuyeezhya alimwi waka muteelela. Waka mucita kuti amite. ²³ Wakamita alimwi wakazhyala mwana musankwa wakaamba, ''Leza wakuhya insoni zhyangu.'' ²⁴ Wakamwiita izhyina lyakwe kuti Josefa, nkokwaamba, ''Mwami wayungizhya kuli ndime aumwi mwana musankwa. ²⁵ Nakamana Lakeli kuzhyala Josefa, Jakobe wakaamba kuli Laban, ''Kondituma, kucita kuti ngunke kumunhyi wangu alimwi akucihyi cangu. ²⁶ Kondipa bama kaintu bangu alimwi abana bangu abo mbindali kubelekela, alimwi ngunke, yebo ulizhyi imilimo njindaka kupa.'' ²⁷ Laban wakaamba kuli nguwe, Naa ono ndayana luse mumeso aako, lindila, nkaambo ndiyiya kubelehya nkakata kwaamba Mwami wandileleka nkkaambo kanko.'' ²⁸ Mpoona wakaamba, ''Ulika mboyanda kuhvola, alimwi ndababbadela.'' ²⁹ Jakobe wakaamba kuli nguwe, ''Ulizhyi mbwindali ukubelekela, alimwi ang'ombe kuli bonya kabotu andime. ³⁰ Yebo wakakwete tuhyoonto nkina boola, alimwi zhyanhvula mubunji, Mwami wakuleleka nkuhwumbwa nkwindaa beleka. Ono ndilili niya kuyana zhyakupa kumu kwahi wangu.'' ³¹ Mpoona Laban wakaamba, ndikubbadele nzhyi? Jakobe waamba, ''Kunyina ncoyakundipa ali coonse. Naa uya kucicita cintu eeci kuli ndime, njakuzhyi sanina imbelele alimwi akuzhyi bamba. ³² Ndyendeende mukati moonse mu mbelele zhyenu sunu, kukuhya kuhvwa kuli yoonse hyikwete mabala alimwi imbelele zhyili abusasaasa, alimwi nkuhumbwa ihiya akati kambelele, alimwi zhyamabala alimwi azhyabusasaasa akati ka mpongo. Oku kulaba kubbadelwa kwangu. ³³ Busongo bwangu buya kundiyubulula kumbele, wakuboola kulanga bwakuhvola kwangu. Nkuhwumbwa ili amabala alimwi ili abusasaasa akati ka mpongo, alimwi ambelele naa imwi yayanwa kuli ndime, iyakulanganyizhyiwa kuti yabbiwa.'' ³⁴ Laban wakaamba, ''Ndahvwumina. Acibe kweendelana akuyanda kwa zwi lyako. ³⁵ Buzuba obo Laban wakanguhya banjembwe ba mpongo balo bakwete mabala alimwi abusasaasa, alimwi a mpizhyi zhyoonse zhyakakwete kutuba, alimwi anhyihiya zhyoonse akati ka mbelele, akuzhyipa mumatanhi lya bana bakwe basankwa. ³⁶ Laban awalo wakabweza lweendo lwakwe lwa mazuba otatwe akati kakwe a Jakobe. Ono Jakobe wakazumanana kweembela matanga ambelele zhya Laban. ³⁷ Jakobe wakabweza zhyinte mbwana zhya mwiingili azhya muluba amusese misamu, wakuunengula kuti utube muli nguwe akubamba utuba mukati mucisamu cili bonya cakali mutusamu. ³⁸ Kumane wakabika tusamu ooto mtwakayupa yupa kumbele lya mbelele, kumbele lya mucinyina oomo mozhyaali kunwina, Zhyakali kumita nizhyakali kuboola kunwa. ³⁹ Imbelele zhyakali kumita kumbele atusamu; alimwi imbelele zhyakaba amabala, busasaasa, alimwi aboombo budombwi dombwi. ⁴⁰ Jakobe wazandula aba bana bambelele, pele wakabamba zhyoonse zhyakahyaala wakazhyi sanganya kuzhitozhya kuzhyinangaulilwe azhyoonse zhyhiya imbelele mu butanga bwa Laban kumane wakaandanya imbele zhyakwe mwini alike alimwi kunyina nakazhyibika azhya Laban imbelele. ⁴¹ Nkuhwumbwa imbelele zhyili ansa mubutanga nizhyasantula, kumane Jakobe wakali kunga walazhyika tusamu mu meenhi munwina imbelele lya meso abutanga bwa mbelele, kwaamba kuti zhyimite akati ka tusamu. ⁴² Pele kuciindi ntunga ba nduuma tunyama notwakaboola mubutanga bwa mbelele, taakabika tusamu kumbele lya ntuto. Ibanduuma banyama bakaba ba Laban, alimwi zhyakali ansana zhyakali zhya Jakobe. ⁴³ Imulombwana wakaba uzwidilila, wakwete butanga bukando, bahimbi batwanga alimwi abasankwa batwanga, alimwi ankamela alimwi ndunwa.