¹ Jakobe awalo wakaunka nhyila yakwe alimwi bangele ba Leza baka muswaanganya. ² Jakobe naa kababona, wakati, ''Eyi ni nkambe ya Leza,'' aboobo busena wakabapa zhyina lyakuti Mahanaim. ³ Jakobe wakatuma batumwa kumbele lyakwe kumunyina Esau munyika ya Seir, mucinkoswa ca Edom. ⁴ Wakabalailila balo, wati, ''Mbobuya mbomuya kwaamba kuli himalelo wangu Esau: Mbobuya mbwaamba mutwanga wako Jakobe: 'Ndali kukala a Laban, alimwi kupiluka ndamuka kuhika ono. ⁵ Ndikwete ng'ombe atumbongolo, alimwi matanga, batwaanga balombwana, alimwi abatwanga bamakaintu. Ndatuma mulumbe oyu kuli himalelo wangu, ndatuma mulumbe kutewa jane luse mumeso ako.''' ⁶ Batumwa bakapiluka kuli Jakobe alimwi bati, ''Twaunka ku munyoko Esau. Ulaboola kukuswaanganya, alimwi bantu bali myaanda yone.'' ⁷ Elyo Jakobe wakayooweshya alimwi aku nyongana. Aboobo wakaa bandanya bantu mbaakali aabo mumankambe obile, alimwi amatanga, ambelele, ng'ombe, alimwi a nkamela. ⁸ Wakati, ''Kuti aboole ku nkambe yomwe akulwana, elyo eyo nkambe yashyaala ila tiya.'' ⁹ Jakobe wakati, ''Leza waba Abraham, alimwi Leza wa Isaac, Mwami, wakaamba kuli ndime, piluka kucihi cakwenu alimwi ku mushyobo wako., alimwi nja kuku zwidilizhya; ¹⁰ Mebo nhyeelele kumicito yako yoonse ya cihwuminano kubula luhyomo alimwi akutahyomeka koonse ndalanduka oyu Jordan, alimwi ono ndaba ankambe zhyobile. ¹¹ Kaka ndivune kuhvwa kwitanhyi lya mukwesu, nkaambo ndamuyoowa, kuti ulaboola akundilwana alimwi aba mama bakwete bana. ¹² Pele wakati, 'Ncobeni njakukuzwidilizhya. Njakubamba lunyungu wako mbuli museenga waku lwiinhi, utakozhyi kubalwa amyweelwe yabo.''' ¹³ Jakobe waka nkala awo mahiku ayo. Wakabweza zhyimwi zhyaakakwete mbuli cipo kuli Esau, munyina: ¹⁴ myaanda yobile mpongo mpwizhyi alimwi makumi obile yaba njembwe, myaanda yobile yambelele alimwi amakumi obile aba gutu, ¹⁵ makumi otatwe aa nkamela zhyinyoshya abana bazhyo, makumi one aang'ombe mpwizhyi alimwi akumi lya bacende, makumi obile a mbongolo mazhyahyi alimwi akumi lya mbongolo bacende. ¹⁶ Eezhyi wakahipa mumtanhyi abatwanga bakwe, tanga atanga muli cazhyo. Wakati kubatwanga bakwe, ''Kamuya kumbele lyangu alimwi muhiye bwaako akati katanga atanga.'' ¹⁷ Wakalailila mutwanga wakutaanguna wati, ''Esau mwana akwesu wamuswaanganya alimwi wabuzhya, kuti , 'Kuli nkozulilwa? Uya kuli ? Ino mbaani banyama aba bali kumbele lyako?' ¹⁸ Elyo ukaambe kuti, 'Mbamutwanga wako Jakobe. Ncipego catumwa kuli himalelo wangu Esau. Bona, awalo uli tucilile.'' ¹⁹ Jakobe wakapa malailele kukamu yabili, yatatu, alimwi abalombwana boonse bakali kubinga matanga. Wakati, ''Mukaambe cintu ncicona mwaku muswaanganya Esau. ²⁰ Muleelele mukaambe, 'Mutwanga wako Jakobe awalo ulitucilile.''' Nkaambo wakali kuyeeya kuti, ''Ndamoongelezhya azhyipengo ezhyi zhyituma kumbele lyangu. Ono munhyi, ndaakumuswaanganya, antela uya kunditambula.'' ²¹ Aboobo zhyipego zhyaka solola kuli nguwe. Walo lwakwe wakala munkambe mahiku ayo. ²² Jakobe wakabuka mahiku ayo, alimwi wakabweza bamakaintu bakwe bobile, batwanga bakwe bamakaintu bobile, alimwi abana bali kumi aomwe. Wabatuma kutala akalonga ka Jabbok. ²³ Munhyila eyi waka batuma kutala lya kalonga atoomwe azhyintu zhyakwe. ²⁴ Jakobe wakashyaala alike, alimwi mulombwana wakatingana anguwe mpaka kubu celo. ²⁵ Mulombwana naakabona kuti tacimuzundi, wakauma kasolo Jakobe, mukuti kasolo kakwe kakali hikunkile mbuli mboba kali kutingaana anguwe. ²⁶ Mulombwana wakati, ''Ndileke ngunke, nkaambo bwaca.'' Jakobe wakati, ''Nhyeti kuleke kuti uunke cita undileleke.'' ²⁷ Mulombwana wakati kuli nguwe, ''Ndiweni zhyina lyako?'' Jakobe wakaamba, ''Jakobe.'' ²⁸ Mulombwana wakati, ''Zhyina lyako talikaitwe limbi kuti Jakobe, pele Israel. Nkaambo watingana a Leza alimwi abantu alimwi wazunda.'' ²⁹ Jakobe wakamubuzhya, ''Kaka ndaambile izhyina lyako.'' Wakati, Nkaambo nhyi wabuzhya izhyina lyangu? Elyo wakamuleleka awo. ³⁰ Jakobe wakaita izhyina lya busena Peniel nkaambo wakati, ''Ndamubona Leza bushyu abushyu, alimwi buumi bwangu bwa nunuka.'' ³¹ Zuba lyaka mupaswila Jakobe mbuli mbwakainda mu Peniel. Wakali kusunkuta nkaambo kaka solo kakwe. ³² Nkakaa asunu bana ba Israel tabalyi mihisa yaka solo iili akasolo eni, nkaambo mulombwana wa toneka mihisa naaka kula kasolo kaka Jakobe.