¹ Isaka wakaita Jakobe, wamuleleka, alimwi wamwambila wati, ''Toelele kutwala mukaintu walunyungu iwaba Kanana. ² Nyamuka, koya ku Paddan Aram, kung'anda ya Bethuel baushi babanyoko, kutewa uka yane mukaintu wakutwala, akati kabana bahimbi baa Laban, munyina banyoko. ³ Leza hinsana zhyoonse akuleleke, akuoe luzhyalo alimwi akuvwuzhye, kutewa ukabe mukowa munji. ⁴ Alete zhyileleko zhyaka Abraham, kuli ndiwe akulunyungu lwako, kutewa mukakone nyika njomuponena, yalo Leza njakapa Abraham.'' ⁵ Mpoona Isaka wakatuma Jakobe kuunka. Jakobe wakaunka ku Paddan Aram, ku Laban mwana wa Bethuel mu Aramean, munyina Rabeka, banyina Jakobe alimwi a Esau. ⁶ Esau wakabona kuti Isaka waleleka Jakobe alimwi kuti wamutuma ku Paddan Aram, kuti akayane mukaintu wakutwala ooko.Wakabona kuti Isaka wamuleleka akumulailila, waamba, ''Utatwali mukaintu uhvwa kuba makaintu bamu Canaan.'' ⁷ Alimwi Esau wakabona kuti, Jakobe wakavwa malailile abaushi ababanyina, akuti wakaunka ku Paddan Aram. ⁸ Esau waka bona kuti bahimbi baku Canaan Isaka ushi takali kuba botelwa. ⁹ Mpoona wakanyamuka kuya ku Ishmael, akuya kubweza, bamakaintu abobo mbakakwete, Mahalath mwana wa Ishmael, mwana musankwa wa Abraham, mucizhyi wa Nebaioth, kuti abe mwinakwe. ¹⁰ Jakobe wakavwa mu Beersheba waya ku Haran. ¹¹ Wakahika a busena bumwi akukala nkuko mahiku oonse, nkaambo izuba lyakabbila. Wakabweza ibwe limwi a busena awo, walitulihya, walala kuti aoone. ¹² Mpoona wakalota wakabona ilale iilavwa anhi.Atalalwalyo lilahika kwezeulu alimwi wakabona bangele ba Leza balatanta akuseluka alale eeli. ¹³ Aboobo, Jehova waima atala lyalyo alimwi wakati, ''Ndime Jehova, Leza wa Abraham uso, alimwi ndime Leza waka Iska. Nyika awo mpolele, njakwiipa kuli ndiwe akulunyungu lwako. ¹⁴ Lunyungu lwako luya kuvwula mbuli mavwu aanhi, alimwi baya kumwaya kuzhvwa kujwe, kuhikila kumbo, kuzhvwa kunyika kuhikila kumusanza. Kuvwa muli ndiwe alunyungu lwako nyika yoonse nkoiya kuyana cileleko. ¹⁵ Aboobo, ndili andimwe, alimwi njakuku kwabilila kuhwambwa nkoya, njookupiluhya alimwi kunyika eeyi; nkaambo kunyina neya kukuhiya. Njakucita coonse ncinda kwambila.'' ¹⁶ Jakobe wakanhinhimuka, wakati, ''Mahimpe Jehova nkwali abusena aano, alimwi kunyina ncendali kuhyi.'' ¹⁷ Waka yoowa alimwi wakati, ''Obu busena bulayoohya! Obu busena ning'anda ya Leza. Eeyi nizhyila ya kwezeulu.'' ¹⁸ Jakobe wakahwuma kubuka alimwi akubweza ibwe ndyakalitulihile. Waliimika akulihimpa akutila mahwuta atala ali ndilyo. ¹⁹ Wakaulika busena oobo kuti Bethel, pele izhyina lya munzhyi ooyu kutaanguna wali Luz. ²⁰ Jakobe wakakonkezhya, wakati, ''Kuti Leza akabe andime alimwi aka ndikwabilile muzhyila eeyi njienda, alimwi uyandipe cikwa cakulya, ahisani zhyakusama, ²¹ kutewa nkapiluke caluumuno kung'anda yataata, mpoona Jehova uyakuba Leza waangu. ²² Mpoona eeli ibwe ndinda himpa awa liyakuba ibwe lisetekene. Kuvwa kuli zhyoonse nzhyatindipe, kasimpe ndiya kupiluhya cimanya kumi.