¹ Abraham wakatwala uumbi mukaintu; izhyina lyakwa wakali Ketura. ² Waka muzhyalila Zimran, Jokshan, Medan, Midian, Ishbak, alimwi a Shuah. ³ Jokshan wakazhyala Sheba alimwi a Dedan. Lunyungu lwa Dedan mbantu ba Assyrian, bantu ba Letush, alimwi abantu ba Leum. ⁴ Bana ba Midian mba Ephah, Epher, Hanok, Abida, alimwi a Eldaah. Aba boonse ndunyungu lwa Ketura. ⁵ Abraham wakaaba lubono lwakwe lyoonse kuli Isaka. ⁶ Nokuba boobo, naakali kupona wakali kubapa zhyipo bana bakwe mbakazhyala kuli ba himamambe, akuba mwaishya kuya kwiwe kuvwa kuli Isaka, mwana wakwe ⁷ Aaya akali mazuba abuumi bwakwe Abraham nga kapona, mwaanda amakumi aali musanu aabili a myaka yasanwe. ⁸ Abraham waka yoya muuya wakwe wamamanino akuhwa kacembeele kabotu, alimwi wakatolwa ku bantu bakwe. ⁹ Isaka a Ishmael, bana bakwe, bakamunhika mumpangala yaku Machpelah, mumuunda wa Ephron mwana wa Zohar mu Hittite, cili munhi munhi Mamre. ¹⁰ Oyu muunda Abraham ngwaa kaulile kuhvwa ku bana ba Heth. Abraham wakanhikwa okuya a Sarah mwinakwe. ¹¹ Lyakamana lufwu lwa Abraham, Leza waka leleka Isaka mwana akwe, ono Isaka wakali kukala kumbali ku Beer Lahai Roi. ¹² Oyu lwali lunyungu lwa Ishmael, mwana wa Abraham, kuli Hagar muna Egipiti, mutwanga wa Sarah, mbakazhyalila Abraham. ¹³ Ngaaya mazhyina a bana ba Ishmael, mbuli mbobakali kuzhyalwa; Nebaioth - wakutanguna kuzhylwa ku Ishmael, Kedar, Adbeel, Midsam, ¹⁴ Mishma, Dumah, Massa, ¹⁵ Hadad, Tema, Jetur, Naphish, alimwi a Kedemah. ¹⁶ Aaba mbibana ba Ishmael, aaya nga mazhyina aabo, aminhi yabo, ambobakli kukala; bami bali ikumi ababili kumishyobo yabo. ¹⁷ Njeyi myaka yabuumi bwa Ishmael, mwaanda amakumi otatwe a ciloba. Wakayoya moza wakwe lwa mamanino akuhwa, eelyo wakatolwa kubantu bakwe. ¹⁸ Bakakala kuzhwa ku Havilah kuhikila ku Ashhur, munhi munhi a Egipiti, mbuli mboenda kuya ku Assyria. Bakaponezhyanya calunya muli lwabo. ¹⁹ Ngaaya makani aka Isaka, mwana wa Abraham. Abraham wakazhyala Isaka. ²⁰ Isaka wakali myaka makumi one naa kabweza Rebekah, mwana wa Bethuel mu Aramean waku Paddan Aram, mucizhyi wa Labani mu Aramean. ²¹ Isaka waka paila kuli Yahweh kupailila mwinakwe nkaambo takali kuzhyala, eelyo Jehowa wakaingula mupailo wakwe, Rebekah wakamita. ²² Bana bakali kuzudana mwida lyakwe, mpoona wakati, ''Ino eeci cicitika buti kuli ndime?'' Wakabuzhya Jehowa a makani aaya. ²³ Jehowa wakati nguli nguwe, ''Mahi obile aali mwida lyako, alimwi mikowa yobile ili muli ndiwe iya kwaandanihiwa. Umwi mukowa uyakuba anguzu kwiinda umwi, alimwi mukando uya kumanina mu nhoonto milimo.'' ²⁴ Nocakanhika ciindi cakutumbuka, amubone, kakuli maanga mwida lyakwe. ²⁵ Mwana wakutanguna wakazwa kasalala oonse mubili mbuli cikobela caboya cisalala. Baka muulika kuti ngo Esau. ²⁶ Nokwakamana boobo, munyina awalo wakazwa itanhi lyakwe lyakakwete kanhindi kamunyina Esau. Baka muulika kuti Jakobe. Isaka wakali amyaka makumi cisambomwi mwinakwe naakazhyala bana aaba. ²⁷ Bakasankwa bakakomena, alimwi Esau wakaba muwenhi, mulombwana wa musokwe; pele Jacobe kali muumunhi, walo ciindi cinjiwakali wa lubuwa. ²⁸ Ono Isaka wakali kumuyandinha Esau nkaambo wakali kulya buyani bwakali kuweza Esau, pele Rebekah kayandinha Jacobe. ²⁹ Jakobe wakaiika buyani. Esau wakahika kuhvwa musokwe, kalengukile akaambo kanzala. ³⁰ Esau wakati kuli Jakobe, ''Ndipe nyama ndiye. Ndakomba, ndakatala!'' Nkakaambo kaako ncakaitwa kuti Edom. ³¹ Jakobe wakati, ''Taanguna undisambalile bukando bwako.'' ³² Esau wakati, ''Langa, ndiyanda kufwa. Bundijanya nzhyi bukando mebo?'' ³³ Jakobe wakati, ''konkezhya kuli ndime kutaangana,'' mpoona Esau wakakokezhya bwakabusambala bukando bwakwe bwabuzhyale kuli Jakobe. ³⁴ Jakobe wakapa Esau cinkwa abunyangu. Walya alimwi wanywa, mpoona wakanyamuka akuunka nzhyila yakwe. Muciimo eeci Esau mbwaka sampaula buzhyale bwakwe.