¹ Ono inzoka kaicenjele kwiinda banyama boonse ba mumuunda Leza mbakalenga. Yakati ku mukaintu, '' Hena mahimpe kuti Leza wakaamba kuti, 'Tamweelele kulya michelo ya mumuunda?'' ² Mukaintu wakati kunzoka, ''Tulakonzhya kulya michelo ya mumuunda, ³ pele buyo micelo ya musamu uuli akati kamuunda, Leza wakati, 'Tamweelele kuulya, nokuba kuunguma, kutewa mutahwi.'' ⁴ Inzoka yakati ku mukaintu, ''Tamukozhyi kuhwa mahimpe.'' ⁵ Nkaambo Leza ulizhyi kuti, buzuba mbo muya kuulya muchelo, meso eenu aya kuyaluka, mpoona muya kuba mbuli Leza, kuzhyiba cibi a cibotu.'' ⁶ Mukaintu naakabona kuti musamu mubotu kulya alimwi ulakondelezhya kumeso, alimwi wakali kuyandika kupa muntu busongo, wakacela michelo akulya, iimwi wakapa mulumi awalo walya ⁷ Mebo aabo bobile akajaluka, mpawo bakahyiba kuti balaamantanda. Mpoona bakasuma matuvwu akubamba cilivwumbilizhyo. ⁸ Bakateelela kweenda kwa Mwami Jehovah mumuunda zuba nolya kabomba, mpoona mulombwana a mwinakwe bakayuba kubushu bwa Leza akati kamasamu akali mumuunda. ⁹ Mwami Jehovah wakaita mulombwana, wakati kuli nguwe, ''Uli kuli?'' ¹⁰ Mulombwana wakati, ''Ndakuteelela mumuunda,, ''Ndayoowa nkaambo ndaamantanda. Mpoona ndayuba.'' ¹¹ Leza wakati, ''Ngoni wakwaambila kuti uli a mantaanda? Hena mwalya michelo yamusamu ngo ndakamwaambila kuti mutalyi? ¹² Mulombwana wakati, '' Mukaintu ngowakandipa, nguwandipa michelo ya musamu, ndalya. ¹³ Mwami Leza wakati ku mukaintu, ''Ncizhyi eeci ncowacita?'' Mukaintu wakati, ''Inzoka yandoongelezhya mpoona ndalya.'' ¹⁴ Mwami Leza wakati kunzoka, ''Mboocita boobo uli tukenwe kwiinda ng,ombe zhyoonse alimwi abanyama boonse bamwisokwe. uya kweenzha ida Lyako, alimwi bulongo buya kuba cakulya cako ku mazuba abuumi bwako boonse. ¹⁵ Njoobuhya nkondo akati kandiwe amukaintu,akati kalunyungu lwako alunyungu lwakwe. Walo uya kukuuma amutwe, ebo uya kumuluma kukahindi. ¹⁶ Kumukaintu wakati, ''Njakwaavwuzhya maciswe aako akutumbuka; uyakuzhyala bana muma ciswe alimwi uyakusukama mulumi wako, walo uya kukweendelezhya. ¹⁷ Kuli Adam wakati, ''Akaambo kakuti wateelela izwi lya mwinako, alimwi walya muchelo, walo ngwinda kamwaambila kuti mutakalyi. ¹⁸ Nyika yatukwa akaambo kako; Uyakulya kwiinda munkasaalo mazuba abuumi bwako boonse. Nyika iya kukuzhyalila mahvwa amitube tube, uya kulya zhyihyango zhya mumuunda. ¹⁹ Kuzhwa nkunkasaalo zhyako zhyaku buhyu uya kulya cikwa, kuhikila ukapiluke kubulongo nkaambo nkokubulongo nkowakavwila, nkaambo ebo uli bulongo buyo. ²⁰ Mulombwana wakaulika mwinakwe kuti Eva nkaambo ngobanyina wa boonse bapona. ²¹ Jehova Leza wakabambila Adam amwinakwe zhyibaki zhyahikutu wabasamika nzhyizhyo. ²² Jehova Leza wakati, ''Ono muntu waba mbubona mbuli ndiswe, kuzhyiba bubotu abubi, ono atazumizhyiwi kuti acele, akulya muchelo wa buumi, amana apone lyoonse. ²³ Aboobo Jehova Leza wakabatanda mumuunda wa Eden, kuti bakalime munyika oomu mobakavwila. ²⁴ Mpoona Leza wakabatanda mumuunda, wamana wabika ba cherubim kwiwe lya muunda wa Eden, amane wabika apanga lizhyinguluka koonse, kulonda cisamu ca buumi.