¹ Sara wakapona myaka ili mwaanda, makumi obile a ciloba. Eeyi njiyakali myaka yabuumi bwa Sara. ² Sara wakahwila mu Kiriath Arba, nkokuti, Hebron, munyika ya Canaan. Abraham wakamulila alimwi akoongolola kuli Sara. ^{3 4} Mpoona Abraham wakayumuka alimwi akuhwa kumutunta wamukaintu wakwe, alimwi akwaamba kubana basankwa ba Heth, kati, "Mebo ndimweenzu alimwi himweenda nhila akati kenu. Akaka ndalomba amundipe busena bwakuhikila akati kenu, kucita kuti nkihika bahwu bangu." ⁵ Bana basankwa ba Heth bakamuhwiila Abraham, akuti, ⁶ "Kotuteelela swebo, ohimalelo eesu. Yebo uli mwanaa Mwami akati kesu. Kohika bahwu bako kuzhyuumbwe zhyesu zhiinda kubota kuli ndiwe. Kunyina akati kesu uunga wakukahya cuumbwe cakwe, kucita kuti kozhyika bahwu bako." ⁷ Abraham wakayumuka alimwi akuhvwuntama ku bantu bala nyika, banabasankwa ba Heth. ⁸ Wakaamba kuli mbabo, kati, "Kuti naa mwahwumina kuti nkizhyika bahwu bangu, ono amunteelele alimwi amundikombelezhyele kuli Ephron mwanaa Zohar, kuli ndime. ⁹ Amukamulombe usambale mulindi wa Machpelah, ngwakwete, uli kumamanino amuunda wakwe. Kumutelo ukwene andisambalile cantangalala kuti cibe lubono lwa busena bwakuhikila." ¹⁰ Ono Ephron wakali kukala akati kabana basankwa ba Heth, alimwi a Ephron mu Hittite wakahwuwa Abraham kakahwile bana basankwa ba Heth, kuliboonse abo abakayanika kunjila mumulyango ya munhi, wakaamba, ¹¹ "Peepe, ohimalelo angu, konditeelela. Ndakupa yebo muunda, alimwi acilindi cili mumo. Ndacipa kuli nduwe kohika bahwu bako." ¹² Mpoona Abraham wakahwuntama anhi kumbele abantu balaanyika. ¹³ Wakaamba kuli Ephron mukunhwa kwabantu boonse bamunyika, wakati, "Pele kuti na koyanda, akaka kondinhwa mebo. Ndaubbadela muunda, Kobweza mali kuhwa kuli ndime, alimwi njakuzhika bahwu bangu kulya." ¹⁴ Ephron wakamuhwuwa Abraham, wakati, ¹⁵ "Akaka, ohimalelo wangu konteelela mebo. Kapaazhi kanyika keelela myaanda yone yama shekeli aa mali aa nsiliva, ino ncinhi cili akati kangu andiwe? Kozhika bahwu bako." ¹⁶ Abraham wakamuteelela Ephron alimwi Abraham wakakeeleka kuli Ephron mweele wansiliva nzhyaka ambilwa mukunhwa kwa bana basankwa ba Heth, myaanda yone yama shekeli aali nsiliva, kweendelanya aciimo cabupimwe ba bahimakwebo. ¹⁷ Aboobo muunda wa Ephron, wakali mu Machpelah, uuli munhi munhi aku Mamre, nkokuti, muunda, acilindi camumo, alimwi amasamu oonse aali mumuunda alimwi ahinulukile kumunyinza, kwiinda ¹⁸ kuli Abraham mukuula mubube bwabana basankwa ba Heth, kumbele lyabaabo boonse bakaboolele kumunzhyi wakwe. ¹⁹ Nokwaamana eeci, Abraham wakmuhyika Sara mukaintu wakwe mu mulindi wamumuunda wa Machpelah, uwakali munhi munhi a Mamre, uuli, a Hebron, munyika ya Canaan. ²⁰ Aboobo muunda alimwi a mulindi wakapewa kuli Abraham mbuli lubono lwa busena bwa kuzhyikila kuhwa kubana basankwa ba Heth.