¹ Naa mulombwana wabweza mukaintu alimwi akumutwala, kuti mukaintu wajana kutayandwa mumeso aa mulombwana nkaambo mulombwana wajana cimwi cintu cisampuzhya kumukaintu, mpoona uleelele kumulembela citupa cakumuleka, kucibika mwitanhi lyakwe, alimwi akumutanda kuvhwa mung'anda yakwe. ² Naa mukaintu waunka akuvhwa mung'anda, ulakonzhya kuunka akuya kuba muka muntu uumbi. ³ Naa mulombwana wabili wamucimwa alimwi akumulembela citupa cakumuleka, wacibika mwitanhi lyakwe, alimwi akumutanda kuvhwa mung'anda yakwe; nokuba kuti mulumi wabili wahwa, mulombwana wakamubweza kuti abe mwinakwe - ⁴ mpoona wakali mulumi, ooyo wakamutanda kutaanguna, teelele kumubweza alimwi kuti abe mwinakwe, naamana kusohwaala; nkaambo eeco inga caba cisesemyo ku Mwami. Tayelele kucihya nyika kuti ibihye, inyika Mwami Leza njamupa mbuli cikono. ⁵ Naa mulombwana wabweza mukaintu mupya, teelele kuunka kunkondo antoomwe abahi kalumamba teelele nokuba kwaambilwa kuunka kumulimo wakuhiniki zhiwa; uya kwaanguluka kuba ang'anda kwa mwaka omwe alimwi nyakuleta lutangalo kumwinakwe ooyo ngwaabweza. ⁶ Kunyina muntu uunga wabweza izhyo noliba ibwe lyaatala azhyiyo mbuli cihyomyo, nkaambo eeco inga cabweza buumi bwa muntu mbuli cihyomyo. ⁷ Kuti muntu wajamwa kayaya kuhumbwa wabunyina kuvhwa akati ka bantu ba Isulaili, alimwi akumucita mbuli muzhike alimwi akumulihya, ooyo mubbi weelele kuhwa; alimwi muya kumukwihya mubyaabi kuhvwa akati kenu. ⁸ Amucenjele kuhumbwa mpenzhyo zhya cinsenda, kutewa kuti mukalangihihye alimwi akutobela malailile oonse ngo mwakapewa aayo bapaizhyi, ba Leevi, ngoba muyiihya; mbuli mbwindakaba lailila, aboobo muya kucita. ⁹ Kamuyeeya Mwami Leza wenu ncaakacita kuli Miliyamu mbuli mbomwa kali kuvhwa mu Egipita. ¹⁰ Naa himokobo nyoko wamubambila kuhwumbwa muhyobo wacikwelete, toyelele kunjila mung'anda yakwe kuhunungula cihyomyo cakwe. ¹¹ Uya kwiima anze, alimwi ooyo muntu ngooka kweletehya uya kucileta cihyomyo anze kuli ndiwe. ¹² Kuti kali mucete, toyelele kulala anhi kokwete acihyomyo cakwe. ¹³ Uleelele kumupiluhila cihyomyo cakwe kuciindi izuba mboliya akubbila, kutewa kuti akalale mukaanda kakwe alimwi akukuleleka; ciya kukubela cisalala kumbele lya Mwami Leza wako. ¹⁴ Toyelele kudyakaizhya mutwanga utakalilili wamana kali mucete alimwi kali mupuhi, nokuba muna Isulaili nyoko naba muvhwa mahi uli munyika yenu ukele akati kamilyango yenu. ¹⁵ Buzuba abuzuba uleelele kumupa cakuvhola cakwe; talyeelele kubbila izuba kacitana lulama, nkaambo mucete alimwi ulibalizhya ncilo kocita eci kutewa kuti atakulili ku Mwami, alimwi kutewa citabi cinyonyoono ncoocita. ¹⁶ Bazhyali tabeelele kujaiwa akaambo kabana babo, nobaba bana kuyaiwa nkaambo kabazhyali babo. Oonse muntu weelele kuyaiwa zhyinyonyoono zhyakwe mwini. ¹⁷ Toyeelele kucinculula imbeta imbotu weelele muvhwa kule naa muhyaala, nokuba kubweza cintu camuka muhu mbuli cihyomyo. ¹⁸ Koyeeya kuti wakali muzhike mu Egipita, alimwi kuti Mwami Leza wako wakakuvhuna kuvhwa kokuya. Aboobo ndakulailila kuti uulemeke mulawo ooyu. ¹⁹ Naa watebula zhihyango zhyako mu muunda, alimwi kuti naa waluba cibikilo canseke mu muunda, toyelele kupiluka kuya kuci bweza; ceelele kuba camuvhwa kule, muhyaala, naa camukamuhu, kutewa kuti Mwami Leza wako akuleleke kumilimo yoonse yamatanhi aako. ²⁰ Naa waonza micelo ya oliva kuvhwa kucisamu ca oliva, toyelele kupiluluka kumitabi alimwi; uya kuba ya muvhwa kule, muhyaala, naa muka muhu. ²¹ Naa walundika musaansa kuvhwa ku muunda wako, toyelele kwiinduluka kusalazhya. Citi hyaale ciyakuba ca muvhwa kule, ca muhyaala, alimwi amuka muhu. ²² Uleelele kuyeeya kuti wakali muzhike munyika ya Egipiti; aboobo ndakulailila kuti uulemeke mulawo ooyu.