¹ Naa umwi muntu wayanika wayaiwa munyika eyo Mwami Leza wenu njamupa kuti njiyenu, kalele mu muunda, alimwi kakutazhibilwe wamulwana; ² mpoona bakando alimwi ababetehi benu beelele kuunka, beelele kupima ku minzhi eyo izhingulikile yooyo wayaiwa. ³ Mpoona bakando bamwidolopo lili munhi munhi amutunta wa muntu beelele kubweza moombe mupwizhi kuhvwa mubutanga, ooyo uutana belehelwe, alimwi uutana vholekelwe. ⁴ Mpoona beelele kusololela moombe mupwizhi kusele muka kuya kumusena ukwete meenzhi akunka, musena utana uminwe nokuba kuhyangwa, alimwi ookulya mu musena beelele kutyola nhingo yo moombe mupwizhi. ⁵ Ba paizhi, mukowa waka Levi, beelele kuhika kumbele, nkaambo Mwami Leza wenu wabasala kuti bamubelekele alimwi akupa cileleko muzhina lya Mwami akukosola imilandu yoonse yamazwanga alimwi akucisana kwiinda muzwi lyabo. ⁶ Boonse bakando bamu munzhi uuli munhimunhi lya muntu wayaiwa beelele kusamba mumatanhi aabo kwiinda moombe mupwizhi wakatyolwa nhingo yakwe mumusena; ⁷ alimwi beelele kwiingula kumulandu alimwi akwaamba, 'matanhi eesu taatila bulowa oobu, nakuba meso eesu taacibwene. ⁸ Lekelela, Mwami, bantu bako ba Isulaili, aabo mbooka nununa, alimwi utabiki mulandu kukutika kwa bulowa bunyina kaambo mukati kabantu bako ba Isulaili; Mpoona baya kulekelelwa kukutika kwa bulowa. ⁹ Munzhila yeeyi muya kukwihya caku maniina bulowa bunyina kaambo kuhvwa akati kenu, nomucita ciluleme mumeso aa Mwami. ¹⁰ Naa mwaunka kukulwana abaabo mbomutavhwani alimwi Mwami Leza wenu wamupa kukoma alimwi akubabika kunhi lya bweendelezhi bwenu, alimwi mwaba bweza mbuli bazhike, ¹¹ naa wabona akati kabazhike mukaintu mubotu, alimwi wamunyoomenena alimwi walombozhya kuli bwezela mbuli mwinako, ¹² mpoona uya kumuleta kumunzhi ku ng'anda kwako; uya kugela masusus kumutwe wakwe alimwi aku gonka mala aakwe. ¹³ Mpoona uya kusamununa zhisani zhyaaka samine ulya naakaletwa buzhike alimwi uyakukala mu ng'anda yako alimwi kaomoka baulu alimwi ababanyina kwa mwezhi uzwile. Kwaakumana boobo inga waunka kuli nguwe alimwi akuba mulumyaakwe, alimwi uya kuba mwinako. ¹⁴ Pele naa toomunyoomenena, mpoona inga wamuleka waunka kuhumbwa nkwayanda. Pele toelele kumuulihya mali, alimwi toelele kumubelehya mbuli muzhike, nkaambo wamundyakaizhya. ¹⁵ Naa muntu katwele bamakaintu bobile kwamana umwi kayandwa alimwi umwi katayandwi, kwamana boonse bamuzhyalila bana - boonse mukaintu uyandwa alimwi autayandwi- kuti naa mwana wakutaanguna musankwa kali wayooyo utayandwi, ¹⁶ mpoona mubuzuba oobo mbwaya kuyanda kukonya lubono lwakwe, taelele kubamba mwana musankwa wayooyo mukaintu uyandwa kuti abe ngowa kutaanguna kumbele lya mwana musankwa wayooyo mukaintu utayandwi, mwana musankwa ooyo uli nguwa kutaanguna ncobeni. ¹⁷ Kunze lya boobo, weelele kumubikila maanu wakutaanguna, mwana musankwa wa mukaintu utayandwi, mukumupa kobile kulubono loonse ndwakwete, nkaambo ooyo mwana musankwa ngo matalikilo aansana zhyakwe. Cikono ceelele mwana wakutaanguna ncicakwe. ¹⁸ Naa muntu kakwete mwana musankwa uutamuhvwi alimwi alimwi uzangile ooyo utalemeki izwi lya baunhi noliba izwi lya babanyina, alimwi ooyo, nokuba kuti bamunyona buti, taka bateeleli; ¹⁹ mpoona bauhi alimwi ababanyina beelele kumukwata alimwi akumuleta anze kubakando bamumunzhi wakwe alimwi akumulyango wa mumunzhi wakwe. ²⁰ Beelele kwaamba kuba kando bamumunzhi, 'Ooyo mwana wesu musankwa tamvhwi alimwi muzangi; talemeki izwi lyesu; ngo cimpama alimwi acakolwa.' ²¹ Mpoona bonse bamalombwana bamu munzhi wakwe beelele kumupwaya mabwe akumuyaya amabwe; alimwi muya kukwihya bubyabi kuhvwa akati kenu. Isulaili oonse uya kucihvwa alimwi akuyowa. ²² Naa muntu wacita cinyonyoono ceelela luhu alimwi wayaiwa, alimwi mwa mulengelezhya mucisamu, ²³ mpoona mubili wakwe taweelele kukala mahiku oonse mu cisamu. Mweelele kumuzhika bwini buzuba mbubona; nkaambokuhumbwa yooyo waanjikwa uli tukenwe kuli Leza. Tamweelele kwisohwaazhya inyika yenu eyo Mwami Leza wenu njamupa mbuli cikono.