¹ Muusa alimwi abakando ba Isulaili bakalailila bantu alimwi akwaamba, ''Amwiibambe mulawo yoonse njinda mulailila sunu. ² Muzububa oobo mbomuya kulanduka Jolodani kuya kunyika eyo Mwami Leza wenu njamupa, mweelele kusala mabwe amwi makando alimwi akwaalungulula acihinguluzhyo. ³ Mweelele kulemba alingawo mabala oonse amulawo oyu ulya nomwa landuka, kutewa kuti mukozhye kuunka munyika eyo Mwami Leza wenu njamupa, inyika ikunka mukupa alimwi abuci, mbobona mbuli Mwami, Leza waba kulukulu benu, mbwaakamuhyomenzhya. ⁴ Mwamulanduka Jolodani muka asale mabwe ayo ngimulailila sunu, amulundu wa Ebal, alimwi mukaahingulule acihinguluzhyo. ⁵ Okuya mweelele kuyaka cipaililo ku Mwami Leza wenu, cipaililo ca mabwe; pele mutabi nomwiimikizhya cibelehyo ca lubulo kubeleka mabwe. ⁶ Mweelele kuyaka cipaililo ca Mwami Leza wenu wa mabwe atabelekelwe; mweelele kupa milumbo yakuumpa ali ncico ku Mwami Leza wenu, ⁷ alimwi muya kutula milumbo yakuswaangana alimwi muya kulida okulya; muya kukomana kumbele lya Mwami Leza wenu. ⁸ Muya kulemba amabwe mabala oonse amulawo ooyu. Mwalembe cakulibonya.'' ⁹ Muusa alimwi abapaizhi, bama Leevi, bakakanana kuli bana Isulaili boonse alimwi akwaamba, ''Amuumune alimwi muteelele, noba Isulaili: Sunu mwaba bantu ba Mwami Leza wenu. ¹⁰ Aboobo muleelele kulemeka izwi lya Mwami Leza wenu alimwi akulemeka milawo yakwe alimwi amalailile aakww aayo ngimulailila sunu.'' ¹¹ Muusa wakalailila bantu buzuba mbubona alimwi wakaamba, ¹² ''Mihyobo eeyi yeelele kwiima amulundu wa Gelizim akuleleka bantu mwaakumana kulanduka Jolodani: Simiyoni, Leevi, Judah, Issaka, Josefa, alimwi a Benjimin. ¹³ Eyi njemuhyobo yeelele kwiima amulundu wa Ebal akwaamba kuhinganya: Lubeni, Gad, Asha, Zebulun, Dan, alimwi a Naphtali. ¹⁴ Bana Leevi baya kwiingula alimwi baya kwaamba kubantu boonse ba Isulaili muzwi likando: ¹⁵ Wahinganyizhiwa muntu ooyo ubamba mukozhyanyo wakubeza nouba walubulo, cisesemyo ku Mwami, mulimo wa matanhi aahikubamba, alimwi abaabo bazhibamba cakuhisikizhya.' Mpoona boonse bantu beelele kwiingula alimwi akwaamba, 'Akubeboobo.' ¹⁶ Wahinganyizhiwa ooyo muntu utalemeki bauhi naa babanyina.' Mpoona bantu boonse beelele kwaamba, 'Akubeboobo.' ¹⁷ Wahiinganyihiwa ooyo muntu ukwihya munyinza wahinyinzanyina.' Mpoona bantu boonse beelele kwaamba, 'Akubeboobo.' ¹⁸ Wahinganyizhiwa ooyo muntu ubelehya insana akubweza bululami nkaambo kakuti mbamahi, mbaamuhyaala, na bamukamuhu. 'Mpoona bantu boonse beelele kwaamba, 'Akubeboobo.' ¹⁹ Wahinganyizhiwa ooyo muntu ubelehya insana akubweza bululani nkaambo kakuti mbamahi, mbaamuhyaala, na bamukamuhu. Mpoona bantu boonse beelele kwaamba, 'Akubeboobo.' ²⁰ Wahinganyizhiwa ooyo muntu ulala abamuka uhi, nkaambo wabweza caabilo caba uhi, mpoona bantu boonse beelele kwaamba, 'Akubeboobo.' ²¹ Wahinganyizhiwa ooyo muntu ulala akuhumbwa munyama.' Mpoona bantu boonse beelele kwaamba, 'Akubeboobo.' ²² Wahinganyizhiwa ooyo muntu ulala amwanaakwabo muhimbi, mwana muhimbi muzaa uhi, naba mwana muhimbi muzaanyina.' Mpoona bantu boonse beelele kwaamba, 'Akubeboobo.' ²³ Wahinganyizhiwa ooyo muntu ulala abanyina zhyala.' Mpoona bantu boonse beelele kwaamba, 'Akubeboobo.' ²⁴ Wahinganyizhiwa ooyo muntu uyaya hinyiza nyina cakuhisikizhya,' Mpoona bantu boonse beelele kwaamba, 'Akubeboobo.' ²⁵ Wahinganyizhiwa ooyo ubweza makulo akuyaya muntu unyina kaambo.' Mpoona bantu boonse beelele kwaamba, 'Akubeboobo.' ²⁶ Wahinganyizhiwa ooyo muntu utavhumini mabala aa mulawo ooyo, kuti uya kwaalemeka.' Mpoona bantu boonse beelele kwaamba, "Akubeboobo.'