¹ Aboobo, nkaambo Klistu wakapenga mubuyani, amuliyumwye lwenu mumuzeezo nguwena. Kuhwumbwa oyo wakapenga mubuyani wakaleka cinyonyoono. ² Akaambo kaako, muntu uli boobo, kuciindi cakwe coonse mubuyani bwakwe, taciponeni mukuyanda kwabantu, pesi mukuyan da kwa Leza. ³ Ciindi eeci cainda cili zulile kuli ndimwe kucita kuyanda kwa ba mahi, kupona munkwela, luunyaunya, bukolwi, kusekelela kwa kukolwa, kuba kukomana kutagwahi alimwi akucita micito yamituni mukubula mulawo. ⁴ Bayeeya kuti nceenzu mukutabasangana balo mumicito eeyi minji yakulilemeka kwa buyo, aboobo bakanana bubi kuli ndimwe. ⁵ Baya kupa kaambo kuli yooyo uli bambile kubeteka bapona abahwile. ⁶ Akaambo kamuzeezo oyu mulumbe wakakananwa akubahwile, kutewa, nokuba kuti bakali betekelwe mubuyani mbuli bantu, bapone mumoza nhila Leza njacita. ⁷ Mamanino anhyintu nhyoonse aboola ahwaahwi. Nkakaako amube amizeezo aluleme, alimwi amubatame mukuyeeya kwenu nkaambo kamipailo. ⁸ Atala anhyinyu nhyoonse, amube aluyando lwabwini kuli umwi aumwi, nkaambo luyando lulanhumba nhyibi nhyinji. ⁹ Amube alweetelelo kuli umwi aumwi kakunyina kutongooka. ¹⁰ Mbuli umwi wenu mbwatambula cipego, amunhibelehye kuli umwi aumwi mbuli bayobnhyi ba Leza mu luse munhyiimo lwanhyo lunji. ¹¹ Kuti naa umwi waamba, acibe mumazwi a Leza. Naa wasebenza, acibe kunhwa kunsana nhya Leza. Amucite eenhyi nhyintu kutewa munhyila nhyoonse Leza uyakulumbainhya kwiinda kwiinda muli Jesu Klistu akube bulemu alimwi abweendelenhyi kukabe kutame akutamani. Akube boobo. ¹² Nobayandwa, mutalilangi mbuli beenzu kusunkwa mumulilo oko kwa muhikila, mbuli kuti cimwi ceenzu camucitikila. ¹³ Ibuyo, kuhwumbwa mbolulilunji lunhyibo akupenga kwa Klistu, amukomane, kutewa kuti mukakukomane alimwi akukondwa bulelo bwakwe bwakuzubululwa. ¹⁴ Kuti mwatukanwa akaambo kanhina lyaka Klistu, mwalelekwa, nkaambo moza wabulemu alimwi wa Leza walyookenhya ali ndimwe. ¹⁵ Pesi kubule naba omwe wenu upenga mbuli mujayi, mubbi, himucita nhyibi naba himilaka yobile. ¹⁶ Pele kuti umwi wenu wapenga mbuli mu Klistu, atabi abuusu, ibuyo alemeke Leza anhyina elyo. ¹⁷ Nkaambo nciindi calubeta kutalikila mung'anda ya Leza. Kuti lwatalika andiswe, ino ciya kuba buti kuli baabo batakondwi mulumbe wa Leza? ¹⁸ Alimwi, ''Kuti cakatanhya kubalulami kuhwutulwa, ciya kuba buti kuli batakondwi aba bihya?'' ¹⁹ Aboobo, abo bapenga nkaambo kakuyanda kwa Leza baya kubika maumi abo kumulengi ushomeka mukucita kabotu.