¹ Ndasumpula bamaalu akati kenu, mebo, ndimwalu nyoko alimwi kamboni wakupenga kwa Klisto, alimwi ndiumwi uuya kwaabana mubulemu obo buya kuzubululwa. ² Amube beembezhyi batanga lya Leza elyo lilangwa andimwe, kubeleka mbuli balangi - kutali kuti nkaambo muleelela,pesi nkaambo mulayandihya, mbuli Leza mbwayanda kuti mubeleke - kutali kumpindu yabuusu pesi mukuyandihya. ³ Mutabi mbuli bami kuli baabo bapewa kuli ndimwe. Ihuyo, amube citondezhyo ku butanga. ⁴ Elyo mweembezhyi mukando wazubululwa, muya kutambula muhini uuta jujuki wa bulemu. ⁵ Munhyila njiyona, bakubuhi benu, balibombye kuli bamanene. Noonse, amulisamuke buntu alimwi mubelekelane kuli umwi aumwi. ⁶ Nkakaako amulibombye munsana zhyatanhyi lya Leza kutewa amusumpule mu ciindi ceelele. ⁷ Amuwaale makatazhyo enu oonse ali nguwe nkaambo ula mubambilila. ⁸ Amubatame, mulangile. Mulwani wenu dyabooli ulayendenda mbuli shyuumbwa uuhuluma, kukapula ngwatilume. ⁹ Amumulwane. Amuyume munhyomo zhyenu mulizhyi kuti bunyina munyikabuli mumapenzhyi ngoona. ¹⁰ Mwamana kupenga kwakaindi kashyoonto, Leza waluse lyoonse, wamwiita mubulemu bwakwe butamani muli Klisto, uya kumululamika mwebo, kumuvwumina mwebo, kumuyumywa mwebo, alimwi aku mulundamizhya mwebo. ¹¹ Kuli nguwe akube bwendelezhyi kukala kutamani akutamani. Akube boobo. ¹² Nda muvwumina mukwesu uuhyomeka Silvanus, alimwi ndalemba kuli ndimwe mubuhwaahwi kwiinda muli nguwe. Ndamusumpula mwebo alimwi ndaambihya kuli ndimwe kuti eco ncindalemba ngamahimpe aaluse lwa Leza. Amwiime muli ndulo. ¹³ Mukaintu uli mu Babylon, wakasalwa antoomwe andimwe, ula mwaazhya. Awalo Maako, mwana wangu musakwa, ulamwaazhya. ¹⁴ Kamwaazhyanya umwi aumwi aluyanda lwaku myonta. Luumuno lube kuli ndimwe muli Klisto.