¹ Munhyila njiyona nobamakaintu amulibombye kubalumi benu. Kamucita oobo nokuba kuti bamwi balombwanan mbobacingwindi kwinhwi, bakonhya kuletwa kakunyina nhwi, kwiinda mukulilemeka kwaba nabo. ² Mukuba kamboni wa lulemeko, lusala lwa malema. ³ Kulisakatinhya kwenu kutabi kwaatala - kunhyinga masusu, akusama tanhya nhya Golide, nonhyiba nhyisani nhyomusama. ⁴ Ibuyo, kusama kwenu akube kwamukati kabuntu bwa moyo abubotu bumanine alimwi abuumunhyi bwa moza, icili nciyandihyi kuli Leza. ⁵ Oobu mbombubo bamakaintu basalala bakalangila muli Leza mbobakasama, kwiinda mukuli bombya kuli bamaalumi. ⁶ Munhyila eeyi Sara wakanhwila Abraham akumwiita kuti mwami. Ono muli bana bakwe kuti naa mwacita cili kabotu alimwi kamutayoowele mapenhyi. ⁷ Muhyila njiyona, mwebo noba malumi mupona aba makaintu benu kweendelana akuteelela, mbuli cibikilo cikompeme, ku mukaintu. Mweelele kubapa bulemu mbuli bakoni nyoko baluzhyalo lwa buumi. Amucite obuya kutewa mipailo yenu ifahinkililwi. ⁸ Kumamanino, noonse, amube amuzeezo ukozyene, lweetelelo, kuyanda mbuli babunyina, myoyo mibonhyu, alimwi abubonhyu. ⁹ Mutapiluhyi cibi kucibi naaba matunhyi kumatunhyi, munhila imwi, muzumanane ku leleka, nkaambo eci ncomwakaitilwa, kutewa mukone cileleko. ¹⁰ Ooyo uyandihya kuyanda buumi bwakwe alimwi akubona mazuba mabotu,ulehya mulaka wakwe kunhwa ku bubi alimwi amilomo wakwe kunhwa kukukanana bucengi. ¹¹ Anhwe kunhyila ya bubi alimwi acite cibotu. Akapule luumuno alutandile. ¹² Meso amwami alababona balulami, alimwi matwi akwe alanhwa mipailo. Pesi buhyu bwa mwami bula balwana abo bacita nhyibi. ¹³ Nguni utikulwane kuti kohinyukile kucita cili kabotu? ¹⁴ Pesi nokuba kuti wapenga nkaambo kabululami, walelekwa. utayoowi ankongo nhyabo. Utakatanhiwi. ¹⁵ Ibuyo, amubike ambali Mwami Klisto mumyoyo yenu mbuli kusalala. Lyoonse amulibambile kupa kaambo kuli oonse uubuzhya kukwatikizhya bulangizhyi mbomukwete - ¹⁶ aboobo, mukulibombya alimwi alulemeko. Kokwata manjezhyeezhya mabotu kutewa muli coonse ncowaambwa kububi bantu babinhya bubotu bwa buumi bwako muli Klisto babikwe mukuusa. ¹⁷ Ncibotu, kuti kwaba kuyanda kwa Leza, kuti mupenge mukucita cibotu kwiinda kucita bubi. ¹⁸ Klistu awalo wakapenga lomwe kunhyibi nhyesu. Walo ululeme wakatupengela, notwatakali balulami, kutewa atulete kuli Leza. Wakabikwa kuluhwu mubuyani, Pesi wakaponenhewa amoza. ¹⁹ Amoza, wakakambauka alimwi wakakambauka ku myoza eyo ono ili muntolongo. ²⁰ Bakali bapanhyi ciindi lubikililo lwa Leza nolwakali kulindila mumazuba aka Noah, mumazuba akuyaka bwato, Leza wakahutula bantu bahyoonto - maumi ali lusele - kwiinda mukubelehya meenhyi. ²¹ Eci ncikinhyano calumbinhyo olo lumuhutula ono kutali kuwaca bubi kunhwa kumubili, pesi mbuli kulomba kwa ma njenhyeenhya mabotu kuli Leza - kwiinda mububuke bwa Jesu Klistu. ²² Klistu uli kutanhyi lyalulyo lya Leza. Wakaunka kwizeulu. Bangele, bweendelenhyi, alimwi nsana nhyeelele kuli bombya kuli nguwe.