Cikando 5

1 Twakanvwa akwaambilwa kuti kuli kutalilemeka mubwamu akati kenu, oku ikutakozhya kucitwa abantu batali bahyomi: 2 Umwi mulombwana wakatwala bakaintu baba uhyi. Muli acinguni! Hena tamwelele koomoka, kutewa oyu wacita ceeci anguhiwe muli ndimwe? 3 Nokuba kuti tatuli limwi munyama, Nkwili mu muuya. Nkaambo ndapa kale lubeta kuli yooyo wakacita cintu eeco. 4 Mu ciindi nomubungana muzhyina lya Mwami Jesu alimwi ndili andimwe mu muuya, alimwe anguzu zhya Mwami Jesu nkohyili, 5 oyu muntu amumwaabe kuli satan kulunyonyooko lwa nyama, kutewa muuya wakwe ukahutulwe mu buzuba bwa Mwami. 6 Kuli dunda kwenu takuli kubotu. Hena tamuzhyi kuti mumena muhyoonto usasizhya cinkwa? 7 Amulisalazhye kumumena wakaindi kutewa mube cilyo cipya, icitasasile, mbubuna mboli mbomubele. Nkaambo Klisto, ncobeni kabelele ka pasika wesu, wakatuulwa. 8 Ono atusekelele ipobwe, kutali a mimena yakaindi, mimena ya buumi bubyaabi alimwi butete. Pele, atusekelele a cinkwa cisalala ca bululami amahimpe. 9 Ndaka mulembela mulungwalo lwangu kutali swaanganya abantu bahibwaamu. 10 Kunyina indakaamba bantu bahibwaamu ba munyika muno, nobaba balyato, nokuba bahikucenga, nobaba bahimituni, nkaambo kuli tantamuna kuli mbabo inga mwelela kunvwa anze anyika. 11 Pele ono ndamulembela kuti mutaliswanganyi ayooyo wiitwa kuti muzumini pele upona abuumi bwa bwaamu bwa nkwela, naba mulyato, naba himituni, naba hikasampu sampu, naba mukolwi, naba hikucenga. Mutabi nomulya antoomwe amuntu ooyu. 12 Ino inga ndasangana buti kupa lubeta kuli baabo bali anze acikombelo? Pele, hena tamubeteke baabo bali kuzhye acikombelo? 13 Pele Leza ulaba beteka aabo abali anze. ''Amunguhye muntu mubi akati kenu.''