¹ Naa umwi wenu waba akwiimpana aumwi, hena weelele kutola kaambo kuli bataluleme kwiinda kubantu ba Leza basetekene? ² Hena tamuzhyi kuti bantu ba Leza basetekene baya kubeteka nyika? Naa kuti muyakubeteka nyika, hena tamukozhyi kubamba twaambo tuhyoonto? ³ Hena tamuzhyi kuti tuyakubabeteka abangelo? Hena ciinda buti, ono kutwaambo twa maumi ano? ⁴ Kuti naa mukwete twaambo twa muhyobo ooyu, ino nkaambo nzhyi ncomututola kubantu banyina lubanvwu mu chikombelo? ⁵ Ndacaamba eeci kutewa mube ansoni. Hena caamba kuti akati kenu ukozhya kulanganya twaambo akati kaba bunyina? ⁶ Naa umwi watola kaambo kakubeteka ku munyina - mpoona wakatola kuli batakondwi! ⁷ Mahimpeakuti kuli twaambo twakubetekana muli cenu ooku nkukomwa kuli ndimwe. Ino nkaambo zhyi ncomutabuhwumini bubyaabi? Ino nkaambo zhyi nywebo ncomutanvwumini kucengwa? ⁸ Nywebo lwenu mulacita zhyibi alimwi mulacenga, alimwi mulacita eeci aku banyoko! ⁹ Hena tamuzhyi kuti batahyomi taba kabukoni bulelo bwa Leza? Mutacengwi: nobaba bahibwaamu, nobaba bahimitumi, Nobaba bahi mamambe, nobaba bantu bacita zhyakulyana nkwela muli cabo, ¹⁰ nobaba babbi, nobaba balyato, nobaba bakolwi, nababa bahikasampusampu nobaba bahikucenga tabaka bukoni bwami bwa Leza. ¹¹ Bamwi benu mbobakabele. Pele mwaka lulamikwa, mwaka lyaaba, mwaka hyipa muzhyinz lya Mwami Jesu Klisto alimwi amu Monza wa Leza. ¹² Zhyoonse kuli ndime zhyilasalala, ''pele tazhyili zhyoonse zhyikwete bulumbu. ''Zhyoonse kuli ndime zhyilasalala, pele kunyina nociba comwe citikandendelezhye.'' ¹³ Cakulya cakabambilwa ida, alyalo ida lyakabambilwa ca kulya, pele Leza zhyoonse uyakuzhyileka. Mubili tiwakabambilwa kutalikwata munkwela, pele mubili ngwa Mwami alimwi Mwami uyakulanganya mubili. ¹⁴ Antoomwe Leza wakabuhya Mwami alimwi mbubona aswebo uyakutubuhya kwiinda mu nsana zhyakwe. ¹⁵ Hena tamuzhyi kuti mibili yenu ncizo ca Klisto? Hena mbweze bahyibulongwe ba Klisto alimwi akuba swaanganya kuli hibwaamu? Citabi boobo! ¹⁶ Hena tamuzhyi kuti ooyo wali swaanganya ahibwaamu uba mubili omwe anguwe? Mbuli mangwalo mbwakanana, ''Bobile bayakuba nyama yomwe.'' ¹⁷ Pele oyo uswaangene a Mwami uba moza omwe anguwe. ¹⁸ Amulitantamune kububi bwankwela! Zhyoonse zhyibi muntu zhyacita zhyili anze amubili, pele muntu ucita cibi cankwela ucita cinyonyoono cilwana mubili wakwe mwini. ¹⁹ Hena tamuzhyi kuti mubili wenu ndi tempele lya Moza Usalala, ukala muli ndiwe, ngomwa kapewa a Leza? Hena tamuzhyi kuti tamuli buyo lwenu nolike? ²⁰ Nkaambo mwakaulwa a muulo. Aboobo amulumbaizhyi Leza a mubili wenu alimwi mu muuya, mwalo Leza mwabele.