¹ Mbobuya muntu mbwayelela kutulanga, kuti tuli babetehi baa Klisto a bayobohi bamaseseke a Leza. ² Ono icelele kuba yobohi nkuti bahyomeke. ³ Pele kuli ndime ncintu cihyoonto maningi kuti inga mwandibeteka naa ndabetekwa ainkuta yanyika. Alimwi mebo lwangu nhibeteki pe. ⁴ Kunyina mulandu ngwibwene ngwindakacita pele eeci tacambi kuti ndasalala. mebo undibeteka ngo Mwami. ⁵ Aboobo, mutapi mulandu acili coonse ciindi kacitana hika, Mwami katana hika. Uya kuyubulula lyoonse hihisilwe mumuhinze aku zubulula hili mumyoyo. Aboobo aumwi nyatambula bulumbu bwakwe kuhwa kuli Leza. ⁶ Ono, nobakwesu, eeyi milahyo ndakaibelehya kuli ndime akuli Apollo akaambo kandimwe, kutewa kuhwa kuli ndiswe mwiiye ncocaamba eeci, ''Mutaindilili ali cilembelwe.'' ⁷ Ino nguni ubona kwinda akati kenu abamwi? Ninhi ncomukwete ncomwatakapewa? Naa mwakatambula, ino ninhi ncomu lidunda mbuli kuti tacili cakupewa? ⁸ Alimwi mulikwete hyoonse nhyomuyanda! Alimwi mwakahuba kale! Mwakatalika akuleta eeci alundene andiswe! Inhya, ndalombozhya kuti kamulela, kutewa tulelele antoomwe. ⁹ Nkaambo njeeya kuti Leza wakatubamba batumwa baantangalala nkaambo ndiswe bamamanino mumulongo, mu mulongo uli mbuli wabantu batolwa ukuyaiwa. Twaba bantu beebelwa munyika - akubangele akubantu boonse. ¹⁰ Tuli bahubahuba akaambo ka Klisto, pele muli basongo muli Klisto. Tuli gonkelwe, pesi mwebo muli kwete insana. Muli lemekelwe, pele swebo tunyina bulemu. ¹¹ Kuhika muwoola eeli tuhwile nzala ainyota, tusamine hisani hizapaukile, tuluuminwe, alimwi tunyina aminhi. ¹² Tulabeleke acansana, amatanhi eesu. Twasampuulwa, twalelekwa. Twapenhewa, tulapenga muluumuno. ¹³ Kuti batusampaula, tulabandika aizwi lyaluse. Twaba mbuli cihuswa makowa caa nyika alimwi iciinda kusohwaala kuhintu hyoonse, aciindi cino. ¹⁴ Hintu eehi nhilembeli kuti muuse nsoni, pele kuti munsensemune ciindi kacitana hika mbuli bana bangu bayandwa. ¹⁵ Nkaambo nokuba kuti ulikwete ikkumi lyahyuulu lyaba mulanga muli Klisto, tamukwete bamauso banji. Ono ndakaba ndime uso muli Jesu Klisto kwiinda mumulumbe. ¹⁶ Ono ndalomba mwiiye ndime. ¹⁷ Ncindakamutumina Timoti, mwaanaangu ngwiyandihya alimwi uuhyomeka mu mwami. Ulamwiibuluhya inhila hyangu muli Klisto. Mbubona mbwibaihya koonse alimwi amuhikombelo hyoonse. ¹⁸ Ono nobamwi mwalyaandamika, akucita mbuli kuti nhikabooli kuli ndimwe. ¹⁹ Pele ndaboola kuli ndimwe kuhwambaana, kuti naa mwami kayanda. Mpoona nhikahibi buyo mazwi abaabo ba lyandamika, pele njakuhibona ansana zhyabo. ²⁰ Nkaamo bulelo bwaleza tabukwete buyo mazwi pele ainsana. ²¹ Hena muyanda nhi? hena nkaboole kuli ndimwe amuluso naa liyando mu mooza wa bubomba?