¹ Ke ntukuruho Kiresite natu rukurura. Zyimane ko kugora, kuzwaho, washa libiki hape munkotera ye jokwe lyo bwika. ² Tonde, Eme, Paulusi, ndimita ye heba nemu lisiyilira kutendwa o mukanda, Kiresite kwaazya echo nami tendere mwinjira yonshe. ³ Ndi amba kame ku bakwame bonshe bali rekerera ye baye ku mukanda ba botere kutika wonshe murawo. ⁴ Mwa koshorwa kwa Kiresite, enwe nemuna cheneswa ko murawo; kamushi boni e chishemo ⁵ Ko Ruho, ke ntumero, tulindire e nsepo imunya yoku cheneswa. ⁶ Kwa Kiresite Jeso nozyo naya ku mukanda nozyo kali nayenda kwaazya china ho, mbita e ntumero bulyo njeyo itendahara ke rato. ⁷ Kamu butuka nenja. Ndini nami bindisa oku kutika e niti? ⁸ Oku kusininika kakuzwi kwakwe ozyo nami kuwa! ⁹ O mumeno munini utenda ye o mukamu wo busu ye u zimbe. ¹⁰ Ndikwesi ensepo ku Nfumu ye kali nemu tonde kungi. Yenshe ozyo ami sesa nara liha murandu, kapa ndini bulyo. ¹¹ Bakwangu, heba ndishi amba zo mukanda, chinji aho ndishi shandiswa? Mwi njira yiyo echo chitompo che chifapano nicha zwiswa mo. ¹² Kwabo bami sesa, nali ndime neniba lifahura abo beni! ¹³ Kakuli nimwa kuwirwa kwi ntukuruho, bakwangu. Kono mwasha tendesi e ntukuruho kuzo mubili; kono, ke rato mulituse mubeni. ¹⁴ Kakuli o murawo wonshe niwa bumbilizwa ke ntaero yonke; mumo" oshake ozyo ozyakite neye omo olishakira we mwini. ¹⁵ Kono heba namu lishuma noku liremeka mubeni, mu mamere ye namu reke kuli mana. ¹⁶ Kono ndi amba , muyende ko Ruho mi kali nemu hinde e ntakazo zo mubili. ¹⁷ Kakuli e ntakazo zo mubili zi rwisa o Ruho, mi kakuli e ntakazo zo ruho kazi yendereli nizo mubili. Kakuli ezi kazi zuminzani, mi nokutiye mwasha tendi ezo mushaka. ¹⁸ Kono heba muhitirwa ku Ruho mwaazya kwina mwinshi yo murawo. ¹⁹ Cware hanu mitendo yo mubili ibonahara: Bushayi, kushachena, ntakazo, ²⁰ kulapera bazimu, bulozi, bukali, kushaba nenja, muna, bukali koku benga, kulirwisa, kukanana, kushashangana, ²¹ ku shaka chintu cho muntu, budakwa, o bulyabi, mi ne zintu zifwana mbwe zizi. Ndi misumwina, omo ninda misumwina hena katanzi, ye abo batenda ezi zintu kali neba jobore o mubuso wa Nyambe. ²² Kono e zikwata zo Ruho ndi rato, e mboterwa, empore, o buwomba, enshe, o burotu, ntumero, ²³ kulikokobeza, noku liyendesa nenja wemwini; ezo kazi yendereli nezo haazya murawo. ²⁴ Abo bawira kwa Kiresite Jeso niba kokotera o mubili ko ku tabera ne ntakazo. ²⁵ Heba netu hara ko Ruho, tuyende ko Ruho. ²⁶ Twasha rakazi zaazya ntuso, kulibengisa nabamwi, kulirakaza tubeni.