¹ Magarata ba basiru! Ozyo na mirowa ndini? Habuso bwa mensho enu Jeso Kireste na bonahara kokuzyura ko kokoterwa. ² Chinu che chintu chonke ndishaka ku lituta kwenu: Ni mwatambura o Ruho ke zitendo zo murawo kapa ko ku zumina ezo ni mwa shuwa? ³ Mbo bulyaho muli basiru? Koku tatika ko Ruho, hanu she mushaka kumanikiza ke nyama? ⁴ Ni mwa shandiswa muzintu zingi bulyobulyo—heba nzachaha kazili zabulyo? ⁵ Kana ozyo amiha o Ruho no kutenda enkezo zi komona mukati kenu atenda bulyaho ke zitendo zo murawo kapa koku shuwa ke ntumero? ⁶ Sina Aburahama "na zumina kwa Nyambe mi nikwa baliwa kwakwe ye kucena," ⁷ ke njira iswana, mushuwisise, cware, mbabena bakwesi entumero ba kuiwa bana ba Aburahama. ⁸ E ñoro, o kubonena habuso ye Nyambe nara chenesa basi Zishi ke ntumero, evangeli ni ya kutaziwa kwa Aburahama e nako neyi shini kuhura, neyita ye, "Abantu be fasi lyonshe mbo ba wane enfuyazi kebaka lyako." ⁹ Cware he, bena bakwesi entumero bena enfuyazi hantu honke ne Aburahama, o mukwame we ntumero. ¹⁰ Bonshe ba lizingite he zitendo zo murawo bena mwinshi ye chikuto; mi kuñoretwa, "Akutitwa yenshe ozyo azya kuchirire zonshe ziñoretwa mu mbuka yo murawo, no kuzitenda." ¹¹ Hanu she kuzyibahere ye kwazya ozyo achenete habuso bwa Nyambe ko murawo, kakuli aba ba chenete nebara hara ke ntumero. ¹² Kono o murawo kali ngwe ntumero, kono, "O muntu zyo atenda e zitendo zo murawo, abotere kuhara kazo." ¹³ Kiresite natu zyakwira ku chikuto cho murao kokuba chikuto muchibaka chetu—kakuli kuñoretwa, "Akutitwa yenshe ozyo ahanjikwa ha chikuni"— ¹⁴ okuta ye enfuyauzi za Aburahama zi kezye kuba si Zishi ka Kiresite Jeso, okuta ye ke ntumero tuwore okutambura ensepiso zo Ruho. ¹⁵ Bakwangu, mundireke ndi ambe ke njira yo buntu. Entumererano-itendetwe abuntu, kwazya ozyo awora kuyi bikira kumbali kapa kuweza ho, heba shiya tendwa ko murawo. ¹⁶ Cware ensepiso niya tewa kwa Aburahama ne shika lyakwe. Ka yi ambi ye "ba sishika," kutoroka ye kubantu bangi, kono ku muntu yenke bulyo, "ne ku shika lyako," nali Kiresite. ¹⁷ Echi nditoroka hanu chechinu: O murawo, owo niwa kezya e myaka yoli 430 shiya hiti, kaubiki kumbali e ntumelerano eyo ni ya bikiwa kwa Nyambe ha katanzi. ¹⁸ Cware heba ezo zi joborwa ziwaniwa ko murawo, mi kazi shikezyi ke nsepiso. Kono Nyambe naziha kwa Aburahama ke nsepiso. ¹⁹ Chinji cware, entuso yo murawo njeyi? Niwa ekeziwa kebaka lye zibbi, mbita shaka nakezye we shika lya Aburahama kozyo e nsepiso niya tenderwa. O murawo niwa bikiwa mu nkamaiso ka mangiloi ko muzyimanini. ²⁰ Cware o muzyimanini kali o muntu yenke, kono Nyambe yenke bulyo. ²¹ Ani o murawo ukirwisa ne nsepiso za Nyambe? Inga kali mbo bulyaho! Kakuli nali nikwahewa o murawo ureta obuharo, nali okucheneswa neni kwa kezya ko murawo. ²² Kono a mañoro nia shimina ezintu zonshe zina mwinshi ye chibbi. Nyambe natenda bulyanu kuti ye e nsepiso yo kutuhaza ke ntumero kwa Jeso Keresite ihewe kwa bena bazumina. ²³ Cware e ntumero ne ishini ku kezya, katu shiminitwe mwinshi yo murawo, kushiminiwa mbita aho ikezya ku bonahazwa e ntumero. ²⁴ Cware o murawo niwa ba mubabaleli wetu mbita aha akezya kuhura Keresite, kuti ye tube ba barukite ke ntumero. ²⁵ Kono hanu yina entumero shiya huli, sitwa azya kwina mwinshi yo mubabareli. ²⁶ Kakuli mwenshe muli bana ba Nyambe ke ntumero kwa Keresite Jeso. ²⁷ Enwe mwenshe nimwa korobezwa mwa Kiresite, ni mwa tambura Kiresite. ²⁸ Kwaazya o Mujuda kapa Mugerike, kwaazya o mwika kapa ozyo arukuruhite, kwaazya o mukwame kapa o mukentu, mwenshe muli chintu chonke kwa Kiresite Jeso. ²⁹ Cware heba muli ba Keresite muli be shika lya Aburahama, aba joboli ke nsepiso.