¹ Henyi echo nako Heroda o mulena yopo paka makaha paa mweya aa na wanahala mukeleke inji aa nyandihye. ² Ku ma naipaa Joani muzwale wa Joani na mu kwale. ³ Apa na mona nji ei yatabihya a ma Juda, yopo ekeza kumanga Pitolosi naye. Eco neli nako ca maiwa no mahima no mbula mumela. ⁴ Apa na mana kumanga, opo o mupaka mutolongo, yopo mupa kuikwata ine no masole kumu linda; mana lela ku muleta kuanu mumanyinya no Paseka. ⁵ Henyi Pitolosi mana mubuluka mutolongo, kono matapelo neli atendahala mukusepahala kwa Mulimu kwao no mukeleke. ⁶ Oushiku Heroda youlwa kale na kuca kuka muleta kuya muzekihya, Pitolosi ku mana hindama mukaci no masole meli, ana mumanga mawenge meli, oalibeleli naikala posho no mwelo kuma na mamela tolongo. ⁷ Apo bene, o lingeloi lya Mulimu wangu opo li kumonahaza okwae, na liseli yopo limonahala mutolongo. Opo mufula ku manyonga na ku muingukihya na kuamba,''Oimane wangu,'' na mawange ae opo a tunda kumakaha ae. ⁸ Lingeloi opo liamba kwae,''o cinguluke o hoci na ku kumanga mapatapata oe.'' Pitolosi yopo tenda ngeyo. O lingeloi opo liamba kwae, ''Okumange o hyapalo oni kong'e.'' ⁹ Henyi Pitolosi yopo koña o lingeloi na ku pana panji. Hiwanji alimuka nji eyo eyo naitendahala kulingeloi neli ya hikuma. Ku mana kengeela nji amona pono. ¹⁰ Ana mana kupita pa mulibeleli no matatekelo na yu no wili, opo akeya ku mwelo no ifu nauca mumuleng'i; opo ukuyanjula wouhoci. Opwaca panji na muli kululu, henyi lingeloi opo limuhiya. ¹¹ Cwale Pitolosi yomona nji yoye hyemwa, opo amba,'' Pano me ina limuka o niti nji Mulimu yo natumu lingeloi lyae na kuya nitundihya mumakaha a Heroda, na kuinu yoshe ei na shokamena anu no hi Juda.'' ¹² Henyi apa na lemuha ei, opo ca ku njiyo ca Maliya akainawae Joani, oyu noihyaniwanga Maleka, oko anu angi na kuwana na ku lapela. ¹³ Apa na ngongota pa mwelo no hikwalo, o mutanga no mukacana noihyaniwa Rhoda yopo keya kuya alaba. ¹⁴ Apa na ya limuka olii lya Pitolosi, mu kuwapela opo kwanga na kuyanjuula mwelo; kono yopo keya yoitukile mumuzuzu; opo bihya nji Pitolosi pa mwelo paimanine. ¹⁵ Cwale opo amba kwa mukacana,'' Wa bulumuka.'' kono mukacana yopo hanelela nji mokuikalelile ngeyo. Yopo amba ,'' lingeloi lyaye lyo.'' ¹⁶ Kono Pitolosi yopo ekeza ku ngongota, anamana ku ya njuula mwelo henyi, opo a mumona naku komoka. ¹⁷ Pitolosi yopo henyena koo na makaha ae yo mwenine, yopo ambela omu Mulimu na mutundihyeca mu tolongo. Yopo amba, '' Obihye ei inu kwa Jakobo na mizwale cae.'' Apo yopo a hiya nakuca ku hibaka hi kwahyo. ¹⁸ Henyi opo likeya liiwa, hiwanji kwaikala hiwa kanyonyo no ku apalelihya okoo masole kui naitendahala kwa Pitolosi. ¹⁹ Apa namana kumufaa na ku muwana hiwanji, yopo pa mulandu kwa libeleli na kualaela nji aipaiwe. Opo shetumukela kutunda ku Judea kuca ku Caesarea na ku kaikalako. ²⁰ Henyi Heroda ku ma nanyongonyena aanu no ku Tyre na Sidon. Opo ca kwae mumulelo umweya, mumanyima no ku hinaneca Blastus, omutusi wa Mulena, inji aa tuse, opo alomba kozo kakuli onaha coo ca amuhelanga ilya kutundelela kunaha ca mulena. ²¹ Oliiwa lyo liika Heroda yopo kumanga muito yae no hilena na kutongoma pa lioma; yopo tenda ngambolo koo. ²² Aanu opo a kuwa,'' Eli lyo lii no tu limuaana, kanji lya munu!'' ²³ Wangu o lingeloi lya Mulimu opo limufula, kakuli hiwanji apa tumbo kwa Mulimu; yopo liwa ku ndulo na kufa. ²⁴ Kono o lii lya Mulimu opo liekezeha nakuata. ²⁵ Henyi apo Barabasi na Silase apa namana mulelo woo, opo a huka ku tunda ku Jelusalema, makepe mamweya no kale abala, yopo ahukela ku Jelusalema. mana keya na Joani, oyu noihyaniwa Maleka.