¹ Henyi mana kuikala mulume oyo mu mulenei no Caesarae, eli cina lyae Cornelius mukulu no masole no hi Roma aa na ihyaniwanga nji Masole no hi Italian. ² Neli mulume wa kusepahala, nakwi yapa Mulimu na a pae oshe, mana panga anu matuso mangi, na kulapela kwa Mulimu nako coshe. ³ Pa nako no 15, mana mona hiwana wana mupono cae lingeloi lya mulimu lyolikeile okwae. Lingeloi opo liamba nji,'' Cornelius!'' ⁴ Cornelius apo tanekela lingeloi nakuiyapa na kuamba nji ,'' Inumbike?'' Lingeloi opo limu ambela,'' Matapelo oye na matuso oye anaci kwa Mulimu mu neo no makengeleci. ⁵ Henyi o tume alume ku muleneng'i wa Joppa akalete mulume no licina lya Simone oyu ihyaniwa Pitolosi. ⁶ Ikala munyuki no mikata oyu ihyaniwa Simone, oyo kwite njiyo ku ma mbali no liwate. ⁷ Apa nalica e lingeloi na liamba nae, Cornelius opo ihyana atanga aili aa no ku njiyo, na musole noku sepahala mukaci no ao na mubelekela. ⁸ Cornelius opo aambela yoshe ei naitendahala na kuatuma ku Joppa. ⁹ Henyi pa liiwa na litatama nako no 12 aikile mumuendo na kuhenyena muleneng'i, Pitolosi mana aca peulu no njiyo kuka lapela. ¹⁰ Opo yuba njala naku faa ei nokulya, henyi anu ahiteleka ei no kulya, opo piwa pono, ¹¹ mana mona liwilu oli ya njuluka na pongisi coci hecumuka, eci noku monahala wenji lyambi likulu oli hyecumuka pa lifasi, oli hecumuka na makona alyo mane. ¹² Mana kuikala mifuta coshe no iyamana ei kwite makondo mane na inu noku kokala pashi na inyunyi no muwilu. ¹³ Henyi lii opo lyamba kwae:'' Oimane, Pitolosi, oipae na kulya.'' ¹⁴ Kono PItolosi opo amba,'' kananji ngeyo, Molyange; Hiwanji na lyapo hinu hipi na hipi ehi no ku kwata macilo no ku hakena.'' ¹⁵ Kono lii opo liyubahala kame aka no wili:'' Ei ana kenihya Mulimu, komu naihyana nji ya kwata macilo.'' ¹⁶ Ei monaiezahala tuhatu; henyi ohi pongisi opo hihukela ku wilu. ¹⁷ Apo henyi Pitolosi ohi lyanganehile na pono na mona nji catasa ike, henyi, alume natuma Cornelius opo aimana pa mwelo, apa na mana kulomba hibaka no kuca ku njiyo. ¹⁸ Yopo aihyana nakuaipula nji Simone, oyo nai hyaniwanga nji Pitolosi, ai kala oko. ¹⁹ Pitolosi yohi nahanine ei no pono, Omoya no kukena yopo umwambela,'' omone, alume ahatu aku faa. Mang'olo mamweya no kale akwata, alume aili akufaa kapa alume amweya akufaa. ²⁰ Oimane o hyecumuke na kuca noo. Kona liyeha kuca noo,kakuli nina atumu. ²¹ Henyi Pitolosi yopo hyecumukela kwa lume na kuamba,'' Yome mufaile. Ma munakeele ike?'' ²² Opo aamba,'' Mukulu no masole oihyaniwa Cornelius, mulume no tumelo na kuiyapa Mulimu, na litunga no ma Juda lya mu amba iwawa, mana piwa ulumiwa kutundeela kwa Mulimu ku ling'eloi likenu na kuambeliwa nji oihyaniwe nji okeye ku njiyo cae, nji atetece kuulumiwa oe. '' ²³ Henyi Pitolosi opo amemena mu njiyo na kukaikala noo. ²⁴ Opo akeya ku Caesarea oliwa litatama. Cornelius manaa ali belela; mana ihyana apae na honyi ae hemwa. ²⁵ Apa Pitolosi naingena opo kuezahala ei, Cornelius yopo muwana naku ngwela ku makondo ae nji amulapele. ²⁶ Kono Pitolosi opo mutusa, kuamba,'' oimane! name no munu.'' ²⁷ Apo henyi Pitolosi yohi ambaulile nae, opo ingena na ku ka wana anu angi ana ku wana. ²⁸ Yopo aambela,'' Onwi hyemwa mwa limuka nji mulao wakanihya mulume no mu Juda kukuwaneka kapa kupotela munu noku tunda kuli tunga lyalyo. Yonyiko inanilete kuulwa na ku kanana, apo mu na niihyana. ²⁹ Henyi na mi ipula ike ei mu nanihyanene.'' ³⁰ Cornelius yopo aamba,'' kuna piti maiwa mane munako no kufeka wenji cino, mo nina lapele pa nako no mutanu na tune munjiyo cange; nakumona, mulume yo imana posho cange muito ikenu. ³¹ Opo amba, Cornelius tapelo coye ci naalabiwa kwa Mulimu, na ku tusa koe anu no kunyanda kuna aanukihya Mulimu licina lyoe. ³² Henyi otume omweya ku Joppa, aka kuihyanene mulume no licina lya Simoni oyo ihyaniwa nji Pitolosi. Aikala munjiyo no mupukuti oyu ihyaniwa Simoni, kunyonga no liwate.' Omang'olo ma mweya no kale awaneka: Apa keya, kuma ambaula noe. ³³ Opo ni kaihyana wangu wangu. Ona tende hiwana kukeya.Henyi, twaikala pa meño a Mulimu nji tuyube yoshe ei ona mbeliwa kwa molyange njin oka iambe.'' kupita kuambeliwa kwa Mulimu nji muambe, mañolo mamweya akwata, kuambeliwa ku Mulimu. ³⁴ Pitolosi opo amba nji ,'' Hikuma, Na yu bisisa nji Mulimu kakwite ketululo. ³⁵ Kono mulitunga lyoshe omo muikile aa no ku muiyapa naku tenda iwawa aamuhelwa okwae. ³⁶ Walimuka oulumiwa ou na tuma ku anu a Isilaele, apa na limukihya ou lumiwa uwawa no kozo kukutusisa Jesu Kresite,oyo mulena no oshe- ³⁷ onwi mwa kahinda mwa limuka inu ei naitendahala,ei naizahala mu Judea mooshe, kutatekela mu Galileya, mumanyima no kolobezo eci na limukihya Joani; ³⁸ Inu naiezahala ei no Jesu no Nazaretah, namo Mulimu na mufuyolela na moya na mata no kukena. Opo oca naku tenda iwawa na kuyoihya oshe ao na nyandihiwa kwa satani, kakuli Mulimu mana ikala nae. ³⁹ Toshe twaapaki no inu na tenda Jesu, munaha no Juda namu Jelusalema. Mana muipaa muku munungeela ku hitondo, ⁴⁰ kono Mulimu mana muingukihya ku afuu pa liwa no uhatu na kumu monohalihya, ⁴¹ kananji ku anu oshe, kono ku apaki aa na ketiwa kwa Mulimu---natwi na tulya nae na kunwa nae mumanyima no kuinguka ku afu. ⁴² Mana tulaela nji tu kutaze ku anu na kupaka upaki nji oyu yo nyiko ona ketiwa kwa Mulimu nji aikale mwaatuli noa no ku yoya na no kufa. ⁴³ Okwae fela oko apolofita oshe apanga ou paki, nji munu yoshe olumela kwae kuma swalelwa sibi mu licina lyae.'' ⁴⁴ Apo Pitolosi naikala yo hyambile ngeyo, omoya ukenu opo wingena oshe ao na teteca o lii. ⁴⁵ Anu na wanahala ku nikwata no alumeli- oshe ao nakeya na Pitolosi- mana komoka, kakuli mpo no moya ukenu mana cimwaiwa naku anu no kumacaba. ⁴⁶ Mana yuba anu no macaba aamba mu mishobo cikwaco na ku lumbeka Mulimu. Henyi Pitolosi yopo alaba, ⁴⁷ ''kwaikala omweya oyu twehya kuakanihya nji kanakolobeziwa, anu ana tambula moya ukenu wenji otwi?'' ⁴⁸ Henyi yopo alaela nji aka kolobeziwe mu licina lya Jesu Kreste. Opo amulomba nji aikale no pa maiwa manyonyo.