¹ Wo daa shãng ki viya aru Ibirayi, wo yeebong ni wu ruu kaabi, kpawu ya? ² Aru Ibirayi shɔng na ɓoorewu yoori aru vipeleni, na kpaa gɔɔreni, ɓa a Laa tĩng ɓa. ³ Laa ruu tɔ̃ving shãngni viya? "Ibirayi azɔng a Laa bii, shɔng gãyi awu tɔ̃ving peleni". ⁴ Aruviya shɔngɓe na pele vipeleni, wu shooreni shɔng gãa ɓa ni shɔng awu kɔvɛ̃ ɓa, shɔng shoore wu viɓe ɓi wu ɓe ko . ⁵ Aru shɔngɓe pele vipeleni ɓa, a azɔng a shɔngɓe ɓoore shɔng ruvĩni yoori, wu gnshĩni shɔng gãa ye awu ruu tɔ̃ving peleni. ⁶ Dawuda sɔɔ shãng yãa zuuku a shɔngɓe Laa gãa wu tɔ̃ving ɓa ni vipeleni ɓa. ⁷ Shãngni, "Zuuku ɓi shɔngɓe shɔng yaase wu ruvĩni, aru de pele ɓa ni zeni ruudani ɓa, ɓɔɔ shɔngɓe wu ruvĩni shɔng kuuke ye. ⁸ Zuuku ɓi shɔngɓe Daayere daa gãa wu ruvĩni ɓa." ⁹ Amɔni shɔng shãng zuuku ɓemi aru shɔng ɓe shɔng yeereyi shaa ko shee, kɔ, jɔ aru shɔng shaadĩngli ya? Aruɓe wo shãng ni, "Shɔng gãa Ibirayi ruu tɔ̃ving aru wu shĩngnign." ¹⁰ Shɔng gãase wu nuko viya? Shɔng gãase wu a tũmpu ya kɔ a tĩng ɓe shɔng yeere wu shaaye ɓe ya? Shɔng de pele ɓa a tĩng ɓa, shɔng pele a tũmpuǃ ¹¹ Ibirayi tee vitaseni ɓee shaa yeereni anaa vi shĩngni naa ɓee ruu tɔ̃ving ɓe kpaa aru wu shĩnign laɓe wu shɔng shaadĩngli ɓe. Aru ɓe daa rise wu yejaa ɓee shɔngɓe walikãng ɓe yii azɔng ɓe aru shɔng de yeere yi shaa ɓa, aru ɓe shɔng daa gãa ruu tɔ̃ving ayi yuu. ¹² Wu ɓi jɔ yeere ɓee shɔngɓe yii ye shaa ɓe aru shɔng ɓe yii yee shaa ko shee aru shɔng ɓe yii kn wu dɔɔ knni ɓee shĩngnign ɓe wo yejaa Ibirayi kpaa alaɓe shɔng de yeere wu shaa ɓa. ¹³ Aruviya vaaseni ɓe shɔng pele Ibirayi ni wu shãari yii ni ng wɔ̃ng jaa kpanti ɓee koodanga de e ɓa ni dũngni ruudani ɓa e aru shĩngnign ɓe ruu tɔ̃ving. ¹⁴ Aru shɔngɓe yii wɔ̃ng aru rudani yii na ɓi jaa kpanti, shĩngnign wɔ̃ngye kɔvɛ̃, vaaseni ɓa tɔti vii ɓɔɔ ɓa. ¹⁵ Aru viya ruudani e se yoori, mɔng ɓe ruudani ɓa, pele ni ruvĩni ɓa a mɔni ɓa. ¹⁶ Aru ruu ɓemi ko ni shĩnign, aru ɓe vaaseni daa wɔ̃ke aru pãnti ɓɔɔ ani yãa ɓee Ibirayi shãariyi walikãng-ɓa aru shɔng ɓe yii a dɔɔ ruudani ko shee ɓa, jɔ aru shɔng ɓe yii kpaa Ibirayi shĩngnign. Wuko wu wo yejaa ko walikãng, ¹⁷ anaaɓe shɔng binke ni, "N rɔɔ mɔ ye yejaa ɓee koo walikãng." Ibirayi wu sii tĩng shɔng ɓe a gnshĩngni a wuni ɓe, wuko, Laa, ɓe a surubi a shɔngɓe yii vɔɔyi asɔɔ ɓaa viɓe shɔng sii de take ɓa yii wɔ̃ng ta ananko. ¹⁸ A tenign azɔng a yuu tenign, ni wu daa wɔ̃ng yejaa ɓee kooyi walikãng, anaaɓe shɔng gãale wu ɓe, "Ananko mɔ shãari ying wɔ̃ng." ¹⁹ Ɓani vɔɔseni bii a gnshĩngni ɓa, ze wu bii anaa vɔɔ (aruviya wu saa sii peleye lamaani), ɓɔɔ tɔti Saratu wu bii sii bɔngye mɔng yeni jaa vɔɔye. ²⁰ Aru Laa vaase ni yãa, Ibirayi de ɓaase jang ɓa ani zɔng . Asɔɔ kpaa kaaka awu shĩngnign a sɔɔ a Laa bɔngseni. ²¹ Kpaa kaakagn kɔtɔ ni viɓe Laa vaase wu walikãng, ng zenung kɔtɔ wu sɔ̃ɔre yãa. ²² Arugoko shɔng sɔɔ, "gãa wu ni wu ɓi shɔng tɔ̃ving." ²³ Aru ruumi "Shɔng gãase wu" ɓa aru wuko shee ɓa. ²⁴ Shɔng binke jɔ aru woko, shɔng sɔɔ gãa jɔ a wo titi shɔngɓe wo azɔng a wuni shɔngɓe yuse Yeso wo Daayere a yuusa. ²⁵ Ɓemi ɓi shɔng ɓe shɔng awu aru wo ruvĩni a sɔɔ yuse wu paa aru wo kpengseni.